Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը

«Ի՞ՆՉ ԳԵՆԴԵՐ». ՎԻԳԵՆ ՍԱՐԳՍՅԱՆԸ «ԳԵՆԴԵՐ ԿԱՊՈՒՏ» ՀՌՉԱԿԵՑ

Արխիվ 12-16

«Ի՞ՆՉ ԳԵՆԴԵՐ». ՎԻԳԵՆ ՍԱՐԳՍՅԱՆԸ «ԳԵՆԴԵՐ ԿԱՊՈՒՏ» ՀՌՉԱԿԵՑ


Արտաքին գործերի նախարարի տեղակալ ՍԵՐԳԵՅ ՄԱՆԱՍԱՐՅԱՆԸ երեկ` ՀՀ կառավարության նիստի ժամանակ, գործադիրին ներկայացրեց որոշման նախագիծ, որով առաջարկվում էր հաստատել «Դասընթացավարների վերապատրաստում. գենդերային հավասարություն երիտասարդների աշխատանքում» ծրագրի արտաբյուջետային հաշվի միջոցների ծախսման 2015 թ.-ի նախահաշիվը: Ըստ փոխնախարարի` ծրագիրը ներկայացված է ԿԳՆ-ի կողմից եւ ընդգրկված է կարեւորագույն նշանակություն ունեցող ծրագրերի շրջանակում, հավանության է արժանացել UNESCO-ի կողմից, իսկ ֆինանսավորումն արդեն հատկացված է, ծավալը կազմում է ո՛չ ավել, ո՛չ պակաս 24 հազար ԱՄՆ դոլար:


Սակայն, ՀՀ նախագահի աշխատակազմի ղեկավար ՎԻԳԵՆ ՍԱՐԳՍՅԱՆԸ դեմ արտահայտվեց` մասնավորապես նշելով. «Խոսքը կրկին կանանց եւ տղամարդկանց հավասարություն» հասկացությունը «գենդեր» հասկացությամբ փոխարինելու անընդհատ ջանքի եւ փորձի մասին է: Մենք սա անցել ենք օրենսդրական դաշտում` օրենքի քննարկման ժամանակ, հիմա նորից ենք գալիս: Ընդ որում` հիմնավորումն ուղղակի սպանում է` պարզվում է, որ երիտասարդության շրջանում կա «գենդեր» հասկացության սխալ կամ թերի ընկալում, եւ դա պետք է ուղղել: «Գենդեր» հասկացության հիմնավորումը կա բոլոր բառարաններում, դա սեռի սոցիալական ընկալման ձեռբերովի հատկանիշն է, ոչ թե տղամարդկանց եւ կանանց հավասարությունը: Հայ Առաքելական եկեղեցին էլ է այս մասին հայտնել իր տեսակետը: Ինչո՞ւ ենք մենք նորից վերադառնում մի բանի, որը հասարակության մեջ այդքան վատ է ընդունվում: Եթե ուզում ենք կանանց ու տղամարդկանց հավասարություն մտցնենք, այդպես էլ գրենք, ի՞նչ գենդեր, ինչի՞ ենք «գենդեր» տերմինն անընդհատ մտցնում ակտերի մեջ: Կարծում եմ` որոշման նախագիծը պետք է խմբագրել»:
Ի պատասխան` Ս. Մանասարյանն էլ արդարացավ. «Երեկ այդ քննարկումները եղել են, սպասում ենք, որ առաջարկություն կհնչի կառավարության նիստում, եւ որեւէ խնդիր չկա` խմբագրական փոփոխություն կատարելու հետ կապված»: Հարցին կոշտ արձագանքեց նաեւ ՀՀ վարչապետ ՀՈՎԻԿ ԱԲՐԱՀԱՄՅԱՆԸ. «Ինչո՞ւ կառավարության նիստին հնչեցնել: Հաճո՞ւյք եք ստանում դրանից»:
Պետք է ընդգծել, որ սա պարզապես շրջադարձ էր հրապարակային պաշտոնական քաղաքականության մեջ: Փաստացի այնպիսի բարձր պաշտոնյաներ, ինչպիսիք են ՀՀ նախագահի աշխատակազմի ղեկավարն ու ՀՀ վարչապետը, կառավարության նիստում ուղղակիորեն անընդունելի են հռչակում «գենդեր» տերմինի օգտագործումը:

 

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ