Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը

«ՊԵՏՔ ՉԷ ԹԵԹԵՎ ՎԵՐԱԲԵՐՎԵԼ ԱԼԵՐԳԻԿ ՀԻՎԱՆԴՈՒԹՅՈՒՆՆԵՐԻՆ»

Արխիվ 12-16

«ՊԵՏՔ ՉԷ ԹԵԹԵՎ ՎԵՐԱԲԵՐՎԵԼ ԱԼԵՐԳԻԿ ՀԻՎԱՆԴՈՒԹՅՈՒՆՆԵՐԻՆ»

Եկել է երկար սպասված ամառը` ալերգիայի բռնկումների ժամանակահատվածը, որից ապահովագրված չեն ո՛չ մեծերը, ո՛չ փոքրերը: Թե հատկապես ալերգիայի ի՞նչ տեսակներն են ակտիվ ամռան շրջանում, եւ ինչպես խուսափել դրանցից, փորձեցինք հետաքրքրվել Երեւանի Մ.Հերացու անվան բժշկական համալսարանի ալերգոլոգայի ամբիոնի դոցենտ ԱՐՄԻՆԵ ՀԱԿՈԲՅԱՆԻՑ:

 

 

Գարնան, ամռան եւ աշնան ընթացքում սեզոնային ալերգիկ հիվանդությունների բավական բարձր միտում է գրանցվում: Հայաստանում ալերգիաների ակտիվություն է նկատվում հատկապես մայիս-օգոստոս ամիսներին: Հիվանդությունը ունի կլինիկական դրսեւորումներ` փռշտոց, քթարտադրություն, արցունքահոսություն, քթի փակվացություն եւ այլն: Հիվանդության հիմնական պատճառը ծաղկափոշին է եւ որոշ խմբի բորբոսասնկերը:
- Որքանո՞վ է վտանգավոր մարդու օրգանիզմի համար ալերգիկ հիվանդությունը եւ ի՞նչ կողմնակի հետեւանքների կարող է հանգեցնել:
- Օրգանիզմի համար, որպես այդպիսին, ալերգիան չի կարող լուրջ հետեւանքների բերել: Վտանգավոր է այնքանով, որ որոշ դեպքերում կարող է խորանալ եւ վերածվել կամ գումարվել բրոնխյալ ասթմա հիվանդությանը: Կցանկանայի նշել, որ ամառային այս սեզոնի ընթացքում նաեւ ալերգիկ բրոնխյալ ասթմայի միտումներն են շատանում: Ալերգիան հանգեցնում է նաեւ կյանքի որակի խիստ նվազմանը, ալերգիկ հիվանդությունը շատ է նպաստում նաեւ քթի խոռոչի բորբոքումներին:
- Տիկին Հակոբյան, այս ժամանակահատվածում հաճախ լսում ենք հետեւյալ արտահայտությունը` արեւից ալերգիա ունեմ: Դա իրոք արեւի՞ց է, թե՞...
- Շատ լավ հարց տվեցիք, որովհետեւ մեր պացիենտներից շատերի մոտ այս շրջանում առաջին տպավորությունն այն է, որ հենց արեւը դուրս է գալիս, ալերգիան սկսվում է: Արեւից ալերգիան նման ախտանիշներով` քթարտադրություն, փռշտոց եւ այլ ախտանիշներով չի լինում. դրանք ոչ մի կապ չունեն արեւի հետ:
- Փոքրիկների մոտ ալերգիկ հիվանդությունները դրսեւորվում են նո՞ւյն կերպ է, ինչ  մեծահասակների:
- Ալերգիկ հիվանդությունները նույն ախտանիշներով են ի հայտ գալիս` ինչպես մեծահասակների, այնպես էլ փոքրիկների մոտ: Պարզապես, այստեղ տարբերվում են բուժման մոտեցումները: Երեխաների մոտ ասթման ավելի ուշ է զարգանում` մինչեւ հինգ տարեկանը:
- Մինչ բժշկի դիմելը, ի՞նչ անել տնային պայմաններում` ալերգիկ հիվանդությունից ձերբազատվելու համար, եւ ո՞ր դեպքում է անհրաժեշտ անպայման դիմել բժշկի:
- Բոլոր դեպքերում էլ, անպայման պետք է դիմել բժշկի, որպեսզի ճշգրիտ տրվի ախտորոշումը: Թվում է, որ ալերգիան շատ հեշտ արվող ախտորոշում է, բայց կան դեպքեր, երբ այն խառնում են ինչ-ինչ հիվանդությունների հետ: Եթե հիվանդները կասկածում են, որ իրենք ունեն ալերգիա, պետք է հաճախ, հատկապես՝ ցերեկային ժամերին լողանան, լվացվեն, օգտագործեն օդափոխիչներ` տանը եւ մեքենայի մեջ, որպեսզի ծաղկափոշու կոնցենտրացիան հասցվի նվազագույնի:
Կցանկանայի կոչ անել ազգաբնակչությանը, որ պետք չէ թեթեւ վերաբերվել ալերգիկ հիվանդություններին. չեմ ցանկանում վախեցնել, բայց անհրաժեշտ է դիմել բժշկի, որպեսզի կատարվի ճիշտ ախտորոշում` մաշկային տեստավորում: Պետք չէ սահմանափակվել դեղատան աշխատակիցների խորհուրդներով, քանի որ ցանկացած դեպք անհատական է:
ԻԼՈՆԱ ԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ