Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը

ԳԱՆԳԱՏՎՈՒՄ Է ՏՂԱՄԱՐԴԸ ...

Արխիվ 12-16

ԳԱՆԳԱՏՎՈՒՄ Է ՏՂԱՄԱՐԴԸ ...


- Հարգելի բժիշկ, ուժեղ ցավ կա ամորձիներում, սակայն, մասնագետի դիմել, մի տեսակ, ամաչում եմ: Ի՞նչ է հարկավոր անել:

Հարցին պատասխանել է բ.գ.թ., ուրոլոգ
ՌԱՖԱՅԵԼ ԲԱԴԱԼՅԱՆԸ.

 

- Տվյալ հարցին անդրադառնալուց առաջ, կարծում եմ, հարկ է սկզբից խոսել, նախ, ամորձու սուր ցավից.

Սուր ցավեր ամորձիներում առաջանում են ամորձու ոլորման պատճառով: Սա պատանեկան տարիքում հանդիպող խնդիր է: Եվ ցավ առաջանալուց հետո շատ քիչ ժամանակ է հատկացված մասնագետին` փրկելու հիվանդի ամորձին. մոտավորապես 6-8 ժամ: Բժշկի համար ուրախություն է դառնում, եթե, օրինակ, ծնողները վաղ են ուշադրություն դարձրել երեխայի գանգատներին ու անհապաղ դիմել մասնագետի: Թե՛ բժշկի, թե՛ հիվանդի համար ողբերգություն է դառնում, եթե ինչ-ինչ պատճառներով ուշացրել են այցը: Արդյունքում` վիրահատական գործընթաց է տեղի ունենում. մեկ ամորձին, որպես կանոն, հեռացվում է,  ու թեեւ հիվանդը տեղեկացվում է, որ մեկ ամորձին կարող է լիովին ծառայել կյանքի ընթացքում, սակայն  տղա երեխայի մոտ վերջինս կարող է բավական լուրջ հոգեբանական խնդիր առաջացնել:
Ի դեպ, երիտասարդ հասակում (մինչեւ 45 տ.) հարկ է ուշադիր լինել յուրաքանչյուր տեսակի ցավի նկատմամբ: Չի բացառվում, որ ամորձում ուռուցքային գործընթաց է զարգանում:  Այս դեպքում միշտ չէ, որ տղամարդը, ի դեպ, գանգատվի սուր ցավերից, կարող են լինել թույլ արտահայտված ցավեր կամ ընդհանրապես չլինել: Այդ իսկ պատճառով տղամարդկանց խորհուրդ ենք տալիս, ինչպես կանանց, պարբերաբար շոշափել կրծքագեղձերը, շոշափել ամորձիները: Ցավ, գոյացություն, կոշտուկներ հայտնաբերելու դեպքում` անհապաղ պետք է դիմել մասնագետի օգնությանը: Հիշեք, որ ամորձու ուռուցքային հիվանդությունների վաղ հայտնաբերումը ենթակա է մինչեւ 100%  բուժման:
Ցավ ամորձիներում կարող են առաջացնել բորբոքումները կամ մակամորձու բորբոքումը: Սա շատ հաճախ հանդիպող հիվանդություն է: Պատճառ կարող են հանդիսանալ նաեւ սեռավարակները եւ ոչ միայն:
Եվ, վերջապես, մեծահասակների մոտ ցավ ամորձիներում կարող է առաջանալ, եթե կա օրինակ աճուկային ճողվածք, որը թափանցում է դեպի փոշտ եւ սկսում ճնշել ամորձուն կամ ամորձիները: Բնական է, եթե հիվանդը  չի դիմել բժշկի, առաջինն սկսում է գանգատվել ամորձու կամ ամորձիների ցավից: Այլ կերպ` այսպիսի ցավերը կոչվում են ճառագայթող:
Ճառագայթող ցավեր կարող են առաջանալ նաեւ միզաքարային հիվանդության ժամանակ, ինչպես նաեւ ստորին սեռական օրգաններից, օրինակ, շագանակագեղձի բորբոքման դեպքում:
Հարգարժան նամակագիր, սովորաբար սոնոգրաֆիկ քննությունն է օգնում բժշկին` ախտորոշել խնդիրը: Հարկ եղած դեպքում կատարվում է ուլտրաձայնային գունավոր դուպլեքս հետազոտություն, որպեսզի էլ ավելի հստակ պատկերացվի բորբոքային օջախները, որից հետո միայն որոշվում են այլ լաբորատոր հետազոտություններն ու հետագա քայլերը:

 

ՎԼԱԴ ՄՈՒՐԱԴՅԱՆ

Հավանեցի՞ր հոդվածը, կիսվիր ընկերներիդ հետ