Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը

ԱՐՎԵՍՏԻ ՆՄՈՒՇՆԵՐԸ ՎՆԱՍԵԼՈՎ` ՓՈՂ ՉԵՆ ՎԱՍՏԱԿՈՒՄ

Արխիվ 12-16

ԱՐՎԵՍՏԻ ՆՄՈՒՇՆԵՐԸ ՎՆԱՍԵԼՈՎ` ՓՈՂ ՉԵՆ ՎԱՍՏԱԿՈՒՄ

 

Այն, որ ադրբեջանցիների եւ թուրքերի կողմից հայկական մշակութային կոթողները  ենթարկվում են բարբարոսության, ինչ-որ տեղ հասկանալի է, քանի որ երկու ազգերից վայրագություններից բացի, այլ բան հնարավոր չէ սպասել: Բայց երբ Հայաստանում ու հայերի կողմից են աղավաղվում որոշ արձաններ, սա արդեն լուրջ մտահոգությունների տեղիք է տալիս: Հասարակության մեջ ձեւավորված քանդակները ոչնչացնելու եւ կոտրելու սովորությունը կարծես թե վերածվել է ավանդույթի:

 

 


Մարդիկ այդ քանդակներն աղավաղում են` կամ չգիտակցելով դրանց արժեքը, կամ էլ գիտակցում են եւ ցանկանում որեւէ կերպ ընդգծել իրենց «հերոսությունը»: Այդ «հերոսությունների» արդյունքները կարելի է տեսնել ե՛ւ Երեւանում, ե՛ւ մայրաքաղաքից դուրս գտնվող արձանների վրա, երբ մերթ ընդ մերթ անհետանում է քանդակի ոտքը, ապա ձեռքն ու այլ մասեր, կամ էլ այնպես են «քանդակում» հուշակոթողը, որ մի պահ դժվարանում ես հասկանալ, թե քանդակն իրենից ինչ է ներկայացնում:
Թե մինչեւ երբ կշարունակվի այս բարբարոսությունը, դժվար է ասել, սակայն մեկ բան հստակ է, եթե այսպես շարունակվի, մի քանի տարի հետո քանդակագործներն ստիպված կլինեն ոչ թե նոր քանդակներ ստեղծել, այլ ավերվածները վերականգնել: Անդրադառնալով այս հրատապ խնդրին, «Իրավունքը» որոշ քանդակագործների հետ փորձեց պարզել, թե որն է հասարակության նման վերաբերմունքի պատճառը, եւ որտեղ ենք թերացել նման արդյունքի հասնելու համար:

«ՊԱՐԶԱՊԵՍ ԽՈՒԺԱՆՈՒԹՅՈՒՆ Է...»
ՀՀ Ժողովրդական նկարիչ, քանդակագործ ԼԵՎՈՆ ԹՈՔՄԱՋՅԱՆ.
- Այն, ինչ այսօր տեղի է ունենում մեր հուշարձանների նկատմամբ, պարզապես խուժանություն է: Այդ ամենն էլ գալիս է կյանքից, մարդիկ ապրում են սոցիալական ծանր պայմաններում եւ այս ու այն քանդակից մի ձուլակտոր գողանալով, վաճառելով, ապրում են եւ չեն էլ մտածում, թե ինչ վնաս են հասցնում իրենց մշակույթին: Նրանց ամենից առաջինը հետաքրքրում է գումարը, իսկ թե ինչ ճանապարհով կվաստակեն, արդեն կարեւոր չէ: Այդ պատճառով էլ այսօր ինձ մոտ քանդակներ պատվիրելիս նախընտրում են քարը, այլ ոչ թե բրոնզը, վախենում են, որ քանդակը կենթարկվի բարբարոսության: Նախկինում նման բան չկար, ո՞վ էր տեսել, որ մարդը արձանը վնասի, ինչ է, թե մի քանի կոպեկ գումար վաստակի: Չեմ կարծում, որ քանդակի նկատմամբ մարդիկ թշնամաբար են տրամադրված, մանավանդ շատ հուշարձաններ կան, որոնց հեղինակները դեռ կենդանի են: Սա տգեղ երեւույթ է, շատ միջոցներ կան` փող վաստակելու համար, միայն ոչ արվեստի նմուշները վնասելով, ամեն դեպքում, երբ մեր սոցիալական պայմանները լավանան, հուսով եմ` այդ ամենը կվերանա: Ժամանակները փոխվել են, մարդիկ անխիղճ ու անխնամ են դարձել: Վերահսկողությունն էլ ինչպե՞ս կարող ենք ուժեղացնել, հնարավոր չէ ամեն արձանի կողքին մեկ ոստիկան կանգնեցնել:

«ՔԱՆԴԱԿԻ ՎԵՐԱԿԱՆԳՆՈՒՄՆ ԱՎԵԼԻ ՇԱՏ ՄԻՋՈՑՆԵՐ Է ՊԱՀԱՆՋՈՒՄ, ՔԱՆ ՆՈՐՆ ՍՏԵՂԾԵԼԸ»
ՀՀ վաստակավոր նկարիչ, քանդակագործ ՏԻԳՐԱՆ ԱՐԶՈՒՄԱՆՅԱՆ.

- Սա մեր ազգի դժբախտությունն է, որ դեռեւս ունենք նման բարբարոսներ: Բարբարոսության է ենթարկվել նաեւ իմ հեղինակած «Լեռնային պար» խմբաքանդակը, որի վրա արդեն երկու տարի է` տառապում եմ: Այն պետք է վերականգնել, սակայն միջոցներ են պետք: Մարդիկ քանդակից գողացել են պղինձը, որը թանկ նյութ է, բացի այդ, քանդակի վերականգնումն ավելի շատ միջոցներ է պահանջում, քան նորն ստեղծելը: Հույս ունեմ, կվերականգնեմ, որպես հեղինակ` շահագրգռված եմ, որ իմ հեղինակային քանդակը վերականգնվի: Չգիտեմ` ինչ պետք է անենք, որ զերծ պահենք բարբարոսություններից, միայն անհրաժեշտ է հասարակության գիտակցությունը բարձրացնել:

 

 

Ներկայացրեց ԶՎԱՐԹ ԽԱՉԱՏՐՅԱՆԸ

Հավանեցի՞ր հոդվածը, կիսվիր ընկերներիդ հետ