Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով

ԸՆԴԴԻՄԱԴԻՐՆԵՐԻ ԱՐԴԱՐԱՑՈՒՄԸ` ԱԿՑԻԱՅԻ ՄԱՍՆԱԿԻՑՆԵՐԻՆ ՉՄԻԱՆԱԼՈՒ ԿԱՊԱԿՑՈՒԹՅԱՄԲ

Արխիվ 12-16

ԸՆԴԴԻՄԱԴԻՐՆԵՐԻ ԱՐԴԱՐԱՑՈՒՄԸ` ԱԿՑԻԱՅԻ

ՄԱՍՆԱԿԻՑՆԵՐԻՆ ՉՄԻԱՆԱԼՈՒ ԿԱՊԱԿՑՈՒԹՅԱՄԲ

 

Երեկ  «Ոչ թալանին» նախաձեռնությունը կազմակերպել էր բողոքի հզոր ակցիա ընդդեմ հոսանքի թանկացման: Ակցիային այդպես էլ խորհրդարանական ընդդիմադիր ուժերի ներկայացուցիչների  չտեսանք:

Այսօր «Իրավունքը» փորձեց ընդդիրմադիրներից պարզել` ինչու նրանք չէին մասնակցում  երեկվա բողոքի ակցիային այն դեպքում, որ ոչ մի առիթ բաց չէին թողնում ի ցույց դնել իրենց:


«Իրավունքի» հարցադրումը  ընդդիմադիր մի քանի պատգամավորներին այսպիսին էր` արդյոք ընդդիմադիրները այսօրվանից չպետք է հավաքեն իրենց իրերը, այլեւս իրենց ընդդիմություն չկոչեն, քանի որ երեկվա դեպքերը հստակ ցույց տվեց` միակ ընդդիմությունն այսօր հանրությունն է: ՀՅԴ պատգամավոր Արծվիկ Մինասյանը հրաժարվեց որեւէ հարցի պատասխանել,  իսկ ահա  «Ժառանգություն» խմբակցության քարտուղար Թեւան  Պողոսյանն էլ ասաց, որ իշխանությունը պետք է հավաքի իր իրերը, քանի որ հոսանքի թանկացման պատասխանատուն հենց նա է. «Ընդդիմությունն է ծեծե՞լ ակտիվիստներին: Ամեն ինչով էլ սատարել է ընդդիմությունը: Այսօր  ակտիվիստների ազատ արձակման հարցն է բարձրաձայնել խորհրդարանում: Ընդդիմությունը միշտ էլ եղել է ակտիվիստների կողքին: Այդ երեխաները, որ տարվել են բաժին, իշխանությունի՞ց էին: Ոչ, ընդդիմությունից»:

ԲՀԿ խմբակցության քարտուղար Վահե Էնֆիաջյանն էլ մեզ հետ զրույցում ասաց, որ երեկվա բողոքի ակցիային  ԲՀԿ երիտասարդներն են մասնակցել, ավելին` ձերբակալվածների թվում կան ԲՀԿ երիտասարդներ: «Ինքս անձամբ գրեթե բոլոր ընդվզումներին  մասնակցել եմ: Եթե անհրաժեշտէ  եղել, դիրքորոշում եմ հայտնել`որպես ՀՀ քաղաքացի եւ որպես պատգամավոր: Անթույլատրելի ենք համարում   նման վարքագիծը խաղաղ ցուցարարների ու  լրագրողների հանդեպ»:

Թե ինչու Վահե Էնֆիաջյանը  չի մասնակցել բողոքի ակցիային, պրն Էնֆիաջյանն ասաց, որ զուտ տեխնիկական է եղել:  «Այդ ակցիային մեր խմբակցության  պատգամավոր Հայկ Խաչատրյանն է  մասնակցել: Այլ պատգամավորների մասին չեմ կարող ասել»,-ասաց ԲՀԿ խմբակցության քարտուղարը:

Քաղաքական գործիչը համաձայն չէ այն կարծիքին, որ  իշխանության ռեալ ընդդիմությունը  հանրությունն է: «Եթե պատգամավորները  ակցիայի այդ ժամանակահատվածում ներկա չեն եղել (նկատի ունի ցուցարարներին ջրցան մեքենաներով հեռացնելը), դա չի նշանակում ընդդիմադիր դաշտը չի միտահոգվում»:

Վահե Էնֆիաջյանին հիշեցրինք` ԲՀԿ-ն ամիսներ առաջ հեղափոխություն էր ցանկանում  անել, իսկ երեկ Բաղրամյան պողոտայում կարելի է ասել, հեղափոխական իրավիճակ էր: «Ոչ, դա  հոսանքի սակագնի բարձրացման դեմ  պայքար էր, որը փողոցում էր  ընթանում»,- եզրափակեց Էնֆիաջյանը:

«Ազատ դեմոկրատներ» կուսակցության ղեկավար, պատգամավոր Խաչատուր Քոքոբելյանն էլ «Իրավունքի» հարցադրմանը չհամաձայնեց`ասելով. «Երեկվա բարձրացրած խնդիրներն ընդդիմությունը բարձրաձայնել է: Երկրորդ` պայքարի տարբեր մեթոդներ կան: Երբեմն էլ իշխանության կողմից ուղղորդված պայքարներ: Ես այդ դեպքը կոնկրետ նկատի չունեմ, այլ ընդհանրապես եմ ասում ուղղակի իշխանության մոտ աշխատող ընդդիմադիրներ: Իշխանության սուրբ պարտք էլ, ցավոք  սրտի, ընդդիմության  դերը նսեմացնելն է,  լղոզված պատկեր ստեղծելը, թե որեւէ փոփոխություն անել հնարավոր չէ: Ասեմ Ձեզ նաեւ, որ  մեր երիտասարդական կառույցն էնտեղ էր»:

Հ.Գ. Փաստորեն, մեր ընդդիմությունը միայն տանը նստած, սոցիալական ցանցերով զանազան «ստատուսչկաներ» գրելով, ամբիոնից լալահառաչ ճառեր ասելով է սահմանափակվում իշխանափոխություն անելը, կամ ինչ որ հարց լուծելը, իսկ երբ հերթը հասնում է  ռեալ քայլերին,  հայտնվում են «Խաթաբալադա» ներկայացման հերոսի կարգավիճակում` ես չեմ կարող գնալ, ես զանգի եմ սպասում, ես չէի եկել, բայց իմ փոխարեն եկել էին, իրավիճակում կամ ավելի վատ կարգավիճակում: Ընդդիմադիր լիդերների` տարիներով իրենց  վրա  հավաքած «տոննաներով» կոմպրոմատներն ուղղակի ծալում են լիդերների ծնկները: ԱՅս պատասխաններից ակամայից հիշում ենք հայտնի հայկական «մկների ժողով» մուլտֆիլմը, որտեղ զանգ կախելու համար, բոլոր մկները ակամայից մի պատճառաբանություն էին ներկայացնում:


ՍՈՆԱ ԴԱՎԹՅԱՆ

Հավանեցի՞ր հոդվածը, կիսվիր ընկերներիդ հետ