Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում

ԹԵԺ ԱՇՆԱՆ ԱԿՆԿԱԼԻՔՈՎ, ԿԱՄ ԻՆՉՈ՞Ւ «ԺԱՌԱՆԳՈՒԹՅՈՒՆԸ» ՀԱՐԹԱԿՈՒՄ ՉԷՐ

Արխիվ 12-16

ԹԵԺ ԱՇՆԱՆ ԱԿՆԿԱԼԻՔՈՎ, ԿԱՄ ԻՆՉՈ՞Ւ «ԺԱՌԱՆԳՈՒԹՅՈՒՆԸ» ՀԱՐԹԱԿՈՒՄ ՉԷՐ

Հունիսի 19-ից Ազատության հրապարակում մեկնարկել է նստացույց ընդդեմ հոսանքի թանկացման: Տարբեր քաղաքական գործիչներ Ազատության հրապարակում էին, սակայն, ինչպես ականատես եղավ «Իրավունքը», քաղաքացիներից մեկը նախատում էր «Ժառանգություն» կուսակցության փոխնախագահ ԱՐՄԵՆ ՄԱՐՏԻՐՈՍՅԱՆԻՆ, թե ինչու նա եւ քաղաքական այլ ուժերի ներկայացուցիչներ հարթակում չեն, այլ դիտորդի կարգավիճակով են հետեւում ակցիային:

 

 

Ի պատասխան` Արմեն Մարտիրոսյանն ասաց, որ ակցիայի  կազակերպիչներն ուրիշ են, այդ պատճառով ինքը հարթակում չէ: «Իսկ ե՞րբ եք դուք կազմակերպելու»,- հետարքրքվեց քաղաքացին:
«Երբ ժամանակը գա»,- պատասխանեց Մարտիրոսյանը:
«Վախենո՞ւմ եք»,- շարունակեց քաղաքացին:
«Ինչի՞ց»,- հարցրեց քաղաքական գործիչը:
«Չգիտեմ»,- ասաց քաղաքացին:
«Բա ես էլ չգիտեմ»,- պատասխանեց կուսակցության փոխնախագահը:
«Բա գնացեք կանգնեք ժողովրդի մոտ: Ուզում եմ, որ ձեր կուսակցությունը վերեւում կանգնած լինի»,- նորից պնդեց իր պահանջը քաղաքացին:
«Մեկ այլ հարցով»,- հակիրճ պատասխանեց  Ա. Մարտիրոսյանը:
«Սա ամենակարեւոր հարցն է: Դուք էլ պետք է կանգնեք, դաշնակներն էլ: Բոլորը պետք է կանգնեն»,- համառորեն չէր  նահանջում քաղաքացին:
«Ամենակարեւորը չէ, բայց ամենակարեւորներից մեկն է: Կան կազմակերպիչներ, մենք իրենց չենք խանգարում, օգնում ենք»,- հակադարձեց «Ժառանգության» փոխնախագահը:
Ինչ վերաբերում է  ընդդիմության շրջանում վերադասավորումներին եւ թեժ աշուն լինել-չլինելուն, Մարտիրոսյանի խոսքով` աշնանը ակտիվություն կլինի` սահմանադրական բարեփոխումների հետ կապված, բայց «թեժ», «կիսաթեժ» բառախաղերի հետեւից խորհուրդ տվեց չընկնել:
Արդյոք «Ժառանգությունում»  կամաց-կամաց պատրաստվում են հաջորդ ընտրություններին: «Դեռ ոչ, դեռ վաղ է»,- ասաց քաղաքական գործիչը:
«Ալյանս», քաղաքացիական պայմանագիր կուսակցությունների հետ  համագործակցության հարցին ի պատասխան էլ, Մարտիրոսյանն ասաց` նմանատիպ հարց չի քննարկվել:
Թեժ աշուն լինել-չլինելու հարցը ուղղեցինք նաեւ «Ժառանգություն» կուսակցության առաջնորդ Րաֆֆի Հովհաննիսյանին, ով  լիաթոք ծիծաղեց, ապա ասաց. «Այդ թեժությունն անակնկալ պահին գալու է»:
Եթե  թեժ աշունը գալու է այնպես, ինչպես մինչեւ հիմա, ապա դա իրոք որ ծիծաղելի է: Դա նույնն է, թե չի գալու, կամ` վայ էդ գալուն:
ՍՈՆԱ ԴԱՎԹՅԱՆ

Հավանեցի՞ր հոդվածը, կիսվիր ընկերներիդ հետ