Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում

ՀՐԱԶԴԱՆԻ ՔԱՂԱՔԱՊԵՏԸ ԿՐԿԻՆ ՏԵՂՅԱԿ ՉԷ՞ ԻՐ ՔԱՂԱՔԻՑ

Արխիվ 12-16

ՀՐԱԶԴԱՆԻ ՔԱՂԱՔԱՊԵՏԸ ԿՐԿԻՆ ՏԵՂՅԱԿ ՉԷ՞ ԻՐ

ՔԱՂԱՔԻՑ

 

«Իրավունքը»  մայիսի 15-ին հղում տալով իր աղբյուրներին, գրել էր, որ   Հրազդան քաղաքի  գլխավոր բժիշկը` «Հրազդանի բժշկական կենտրոն» ՓԲԸ տնօրեն Ռոբերտ Սահակյանը գնել է Հրազդանի  ավտոկայանը եւ  պատրաստվում է ռեստորանային համալիր կառուցել: Բժշկական կենտրոնի նախագահը  հերքել էր այդ լուրերը, իսկ Հրազդանի քաղաքապետ Արամ Դանիելյանը  հստակ պատասխան չէր տվել, միայն ասել էր, որ ավտոկայանը պատկանում է տրանսպորտի եւ կապի նախարարությանը, եւ  այնտեղից  կարող ենք պարզաբանում ստանալ: «Ես նման լուրեր չեմ լսել, ու  ռեստորանային համալիր կառուցելու մասին փաստաթուղթ չենք ստացել»,- «Իրավունքի» հետ զրույցում ասել էր Հրազդանի քաղաքապետը:

«Իրավունքն» այսօր Հրազդանի քաղաքապետից  պարզեց` ի վերջո, նա  տեղյա՞կ է` ինչ է կատարվում իր հայրենի քաղաքում, այդ ինչ շինարարության մասին է խոսքը: «Վերանորոգում են ավտոկայանը: Դիմեք տրանսպորտի նախարարություն»,- ասաց քաղաքապետը:

Հակադարձեցինք` տրանսպորտի նախարարությունն «Իրավունքի» գրավոր հարցմանը տեղեկացրել էր, որ Հրազդանի ավտոկայանը գտնվում է «Հայավտոկայան» ՓԲ ընկերության կազմում։ Ավտոկայանն արդեն  շուրջ 10 տարի է, որ օբյեկտիվ պատճառներով ամբողջությամբ չի շահագործվում, ինչի հետևանքով հայտնվել է վատ վիճակում՝ ջրաթափանց տանիք, կիսաքանդ միջնորմային պատեր, շարքից դուրս եկած սանհանգույց, կոտրված ապակիներ և այլն։ Ավտոկայանը նման վիճակից դուրս բերելու, պահպանության և հարկային պարտավորություններն ապահովելու համար «Հայավտոկայան» ընկերությունն ավտոկայանի մի մասը ժամանակավորապես տվել է վարձակալության։ «Դե իրենց սեփականությունն է, իրենք են որոշում: Իրենք մեզ գրություն են ուղարկել, որ ավտոկայանը վերանորոգում են»,-  պատասխանեց  պրն Դանիելյանը, ապա հավելեց` որպես քաղաքապետ  վերանորոգման շինթույլտվություն տվել է:

Իսկ թե ինչու այս մանրամասները քաղաքապետը չէր հաղորդում ավելի վաղ` մայիսի 15-ին, Արամ Դանիելյանը պատասխանեց` գրությունը նոր են ուղարկել:

Ի դեպ, քաղաքապետը դժվարացավ ասել` երբ կավարտվեն շինաշխատանքները: «Դա իրենց խնդիրն է (նկատի ունի տրանսպորտի եւ կապի  նախարարությանը-խմբ.), չեմ կարող ասել»,- եզրափակեց ՀՀԿ-ական մարզպետը:

Հ.Գ. Պրն Դանիելյան, հասկանալի է, որ խնդիրը  ՏԿ-ի ենթակայության տակ է, բայց չէ՞որ  խոսքը ինչ-որ օբյեկտ շինարարության, այլ ռազմավարական նշանակության կառույցի`ավտոկայանի  վերանորոգման մասին է: Մինչդեռ քաղաքապետն ասում է` տեղյակ չէ եւ պատասխանատվությունը դնում նախարարության ուսերին: Տեսնես` Ձեզանից բացի`էլ ով պետք է տեղյակ լինի Հրազդան քաղաքի մասին:

 


ՍՈՆԱ ԴԱՎԹՅԱՆ



Հավանեցի՞ր հոդվածը, կիսվիր ընկերներիդ հետ