Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում

ԿԼԻՆԻ «ՄԱՅԴԱ՞Ն», ԹԵ՞ HAPPY END

Արխիվ 12-16

ԿԼԻՆԻ «ՄԱՅԴԱ՞Ն», ԹԵ՞ HAPPY END

 

Էլեկտրաէներգիայի սակագնի բարձրացման որոշումը չեղյալ հայտարարելու նպատակով արդեն մի քանի օր է ցուցարարները դուրս են եկել փողոց` պահանջելով չոտնահարել իրենց իրավունքերը եւ չկատարել չհիմնավորված բարձրացում: Բողոքի ակցիայի մասնակիցների շարքերը վերջին օրերին համալրել են նաեւ որոշ մտավորականներ: Ի դեպ, սոցիալական այս բողոքի պատճառով` որոշ «մտավորականներ» պահը բաց չթողեցին եւ զբաղվեցին իրենց PR-ով` մարդկանց մոտ ստեղծելով տպավորություն, թե մտահոգված են ազգի խնդիրներով: Այնուամենայնիվ, շատերը կարծում են, որ սա էլ «մայդան» է` հայկական տարբերակով: «Իրավունքը» ցուցարարների կողքին ներկա եւ բացակա որոշ մտավորականների հետ փորձեց պարզել, թե այն կվերածվի՞ հայկական «մայդանի», թե՞ կունենա իր «happy end»-ը:

 

 

«ՍԱ ԱԿՑԻԱ Է, ԵՎ ԿԱՐՈՂ Է ԼԻՆԵՆ ՆԱԵՎ ՍԱԴՐԱՆՔՆԵՐ»
ՀՀ վաստակավոր արտիստ, դերասան ԱՐՄԵՆ ՄԱՐՈՒԹՅԱՆ.
- Ցուցարարների մեծ մասը երիտասարդներ են, ովքեր ունեն իրենց բողոքը, համապատասխան մարմինները պետք է բարի լինեն եւ լսեն նրանց: Սա նորմալ պահանջ է, իսկ ցուցարարները նորմալ ու մարդավարի ցույց են անում: Մենք քաղաքակիրթ ժողովուրդ ենք, ուստի` բարձրացված հարցը պետք է ստանա քաղաքակիրթ լուծում: Սա ակցիա է, եւ կարող է լինեն նաեւ սադրանքներ, բայց եթե մարդիկ նորմալ ցույց են անում, պետք է լուծում տրվի:

 

 

 

«ԵՐԿՈՒ ԿՈՂՄԻՑ ԷԼ ՄԵԶ ՀԱՄԱՐ ԿԱՐԵՎՈՐ ՄԱՐԴԻԿ ԵՆ»
Կիթառահար, երգիչ ԵՂԻՇԵ ՊԵՏՐՈՍՅԱՆ.
- Անկախ նրանից, թե ինչ հանգուցալուծում կունենա այս ամենը, կարեւոր քայլ եմ համարում` կարեւոր ճանապարհ անցնելու համար: Ո՛չ մի երկիր, ո՛չ մի ժողովուրդ միանգամից ոչնչի չի հասել: Այնքան հեղափոխություններ են արել, այնքան արյուն է թափվել, այնքան պայքար է գնացել, որ հիմա դարձել են երկրներ, որոնց մատնացույց են անում: Բայց ինձ ամենից շատ ուրախացնում է երիտասարդությունը, որը չի ենթարկվում որեւիցե ուղղորդվող տրամաբանության, իրենք ինքնուրույն որոշումներ են կայացնում: Այսինքն` անկաշառ շարժում է դառնում: Ոչ ոք չի ուզում ոչինչ ջարդել-փշրել, եթե նման բան է լինում, սադրիչները տեղավորվում են, որպեսզի առիթ ունենան ցրելու միտինգը: Այդ պատնեշը, որ ստեղծեցինք մտավորականներով ու քաղաքական գործիչներով, հրաշալի գաղափար էր, բարիդրացիական մթնոլորտում անցկացրեցինք գիշերը, ինչը մարդկանց ավելի բարի է դարձնում, երիտասարդներին ու ոստիկաններին` ավելի վստահ, որ չեն լինի սադրանքներ: Իսկ մենք նրանց կողքին ենք, որովհետեւ մեր պարտքն է` ամեն բան անենք, որպեսզի այս առաջընթացը հնարավորինս խաղաղ պայմաններում գնա: Չէ՞ որ երկու կողմից էլ մեզ համար կարեւոր մարդիկ են` մեր հայրենակիցներն են, ամեն մեկի համար պարտավոր ենք սրտացավ լինել: Հուսանք` այս ամենը լավ ավարտ կունենա, եւ արդեն մեր պետական այրերը պարտավոր են շատ լուրջ մտածել ընդհանրապես իրենց արած ամեն մի սխալ որոշման ու քայլի համար: Չի՛ կարելի կեղեքել ժողովրդին, այս հրաշալի ժողովուրդը լավ ապրելու իրավունք ունի եւ դա վաստակել է:

 

Ներկայացրին ԼԻԼԻԹ ԵՂԻԱԶԱՐՅԱՆԸ,
ԶՎԱՐԹ ԽԱՉԱՏՐՅԱՆԸ

Հավանեցի՞ր հոդվածը, կիսվիր ընկերներիդ հետ