Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում

ՍԵԴԱ ԹՈՒԹԽԱԼՅԱՆ. «ԵՐԱԶՈՒՄ ԵՄ ԴԱՌՆԱԼ ՕԼԻՄՊԻԱԿԱՆ ՉԵՄՊԻՈՆ»

Արխիվ 12-16

ՍԵԴԱ ԹՈՒԹԽԱԼՅԱՆ. «ԵՐԱԶՈՒՄ ԵՄ ԴԱՌՆԱԼ ՕԼԻՄՊԻԱԿԱՆ ՉԵՄՊԻՈՆ»

Բաքվում ընթացող Եվրոպական առաջին ամառային խաղերում հայ մարզիկներն այնուամենայնիվ ասացին իրենց խոսքը` թեեւ ոչ Հայաստանի Հանրապետության դրոշի ներքո ելույթ ունենալով: Ռուսաստանի պատվիրակության կազմում հանդես էր գալիս 15-ամյա գյումրեցի մարզուհի Սեդա Թութխալյանը, ով նվաճել է Եվրոպական խաղերի չեմպիոնի տիտղոսը: Սամբոյի աշխարհի եւ ԽՍՀՄ-ի եռակի չեմպիոն Գուրգեն Թութխալյանի դուստրը Բաքվում նվաճեց նաեւ արծաթե մեդալ՝ սպորտային մարմնամարզության հենացատկում իրենից առաջ թողնելով միայն շվեյցարացի Ջուլիա Շտայնգրուբերին: Հիշեցնենք, որ հայ մարզուհին 2015թ. պատանեկան օլիմպիական խաղերի չեմպիոն է: Եվրոպական խաղերի, հաղթանակների եւ առաջիկա ծրագրերի մասին «Իրավունքը» զրուցեց ՍԵԴԱ ԹՈՒԹԽԱԼՅԱՆԻ հետ:

 

-Շնորհավորում ենք Ձեզ` ոսկե մեդալ նվաճելու եւ հրաշալի ելույթների համար:
- Շատ շնորհակալ եմ:
- Ինչպե՞ս կգնահատեք Ձեր ելույթները Բաքվում անցկացված Եվրոպական խաղերում: Ամեն բան եղավ ըստ նախատեսվածի՞:
- Կարող էի մի փոքր ավելի լավ հանդես գալ, ինչ-որ բան ստացվեց, ինչ-որ բան` ոչ… Բայց սրանք իմ վերջին ելույթները չեն, այնպես որ, ամեն բան դեռ առջեւում է:
- Ի՞նչ մթնոլորտ էր մրցավայրում:
- Մեծ դահլիճ էր, բոլորը ծափահարում եւ գոռում էին, անգամ, երբ ինչ-որ բան չէր ստացվում, բոլորը ծափահարում եւ աջակցում էին:
- Ի՞նչ կասեք այս մրցաշարի մասին` համեմատելով այն մյուս առաջնությունների հետ, որոնց մասնակցել եք:
- Այս Եվրախաղերը սովորական մրցաշարեր էին` մյուսների նման, միակ բացառությամբ, որ այստեղ ես առաջին անգամ մասնակցում էի մեծերի մրցապայքարին:
- Դուք ընդամենը 15 տարեկան եք, բայց հասցրել եք բավականին հաջողություններ գրանցել եւ հաղթանակներ ունենալ: Որպես մարզիկ՝ ո՞րն է ձեր գլխավոր նպատակը:
- Ես կարծում եմ, որ բոլոր մարզիկների գլխավոր նպատակը օլիմպիական խաղերն են: Ես շատ եմ ուզում հայտնվել Օլիմպիադայում եւ նվաճել ոսկե մեդալ: Պայքարելու եմ եւ գնամ դեպի նպատակս: Եվ կարծում եմ` այս հարցում ինձ շատերը կօգնեն՝ ծնողներս, եղբայրներս եւ մարզիչներս:
- Ի՞նչ մրցաշարեր կան այս տարվա ծրագրերում:
- Դեռ չգիտեմ, հույս ունեմ մասնակցել աշխարհի առաջնությանը...
- Եվ վերջում` Ձեր երազանքի մասին:
- Երազում եմ դառնալ Օլիմպիական չեմպիոն:
ՔՐԻՍՏԻՆԵ ՊԵՏՐՈՍՅԱՆ

 

Հավանեցի՞ր հոդվածը, կիսվիր ընկերներիդ հետ