Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում

ԽԱՉԱՏՈՒՐ ՍՈՒՔԻԱՍՅԱՆԸ` ԻՐ ՊՈՐՈՇԵՆԿՈՅԻ ՆՄԱՆՈՒԹՅԱՆ ՄԱՍԻՆ

Արխիվ 12-16

ԽԱՉԱՏՈՒՐ ՍՈՒՔԻԱՍՅԱՆԸ` ԻՐ ՊՈՐՈՇԵՆԿՈՅԻ ՆՄԱՆՈՒԹՅԱՆ ՄԱՍԻՆ


Հայտնի գործարար Խաչատուր Սուքիասյանն արդեն մի քանի օր է, որ Բաղրամյան պողոտայում է` ցուցարարների հետ: «Իրավունքը» երեկ երեկոյան մի քանի հարց ուղղեց  Խաչատուր Սուքիասյանին, սակայն մինչ այդ նշենք, որ խոսակցություններ էին պտտվում, որ վերջինս իր արտադրած ջուրը, անվճար բաժանում է ցուցարարներին:

-Պրն Սուքիասյան,  արդեն մի քանի օր է, որ Բաղրամյան պողոտայում  եք: Այս անգամ էլ ե՞ք նյութական աջակցություն  ցույց տալիս ցուցարարներին, օրինակ,  շշերով ջուր բաժանում:

-Ես նման բան չեմ անում, նյութական ոչ մի քայլ չեմ կատարել:

-Երբ պետությունը հայտնվում է ծանր իրավիճակում, մեծահարուստները երբեմն աջակցում են պետությանը: Դուք որպես գործարար, երբեւէ մտածե՞լ եք Ձեր ուժերի ներածին չափով մարել ՀԷՑ-ի կուտակած 24 մլրդ պարտքը:

-Ես կարծում եմ` դա սովետական մոտեցում է:  Եթե այդ մոտեցումը չլիներ, մենք  չէինք ունենա վատ կառավարում: Ցանկացած բիզնես պետք է արդյունավետ կառավարվի եւ համապատասխան եկամուտ ապահովվի: Հիմա եթե դուք ասում եք, որ ինչ-որ մարդիկ ուրիշի գողացածի համար տանեն փակվեն, չգիտեմ` դա սովետ է, թե ինչ է: Նենց որ փակում ենք էդ թեման, ինձ համար տհաճ էլ է լսելը:

- Որպես գործարար` ինչպե՞ս եք վերաբերվում այն կարծիքներին, որ Ձեզ համեմատում են Ուկրաինայի նախագահ Պորոշենկոյի հետ:

- Ես նման բան չեմ լսել (ժպտում է):

- Դե մենք ենք լսել:

- Գիտեք, ինչ կա, հազարավոր մարդիկ են, տարբեր կարծիքներ ունեն:

- Բայց նմանություն տեսնո՞ւմ եք:

- Ոչ,  չեմ տեսնում: Ինձ տեսնում եմ հանգիստ ապրելով,մտածելով:

- Հաջորդ խորհրդարանում կցանկանայի՞ք լինել:

- Այս պահին նման ցանկություն չունեմ: Հիմա ցանկություն ունեմ ազատ ապրելու, վայելելու: Գնացի Գերմանիայում ապրեցի, հետո վերադարձա ու հիմա վայելում եմ Հայաստանի օդը, ջուրը:

- Մի խոսքով` պատգամավոր դառնալու ցանկություն չունեք:

- Գիտեք, ես պետք է հասկանամ` ինչ տեսլական կա երկիրն առաջ տանելու: Միայն այդ դեպքում կարելի  է որոշումներ կայացնել:

-Իսկ ո՞ր տեսլականի դեպքում Դուք կցանկանաք դառնալ պատգամավոր:

-Ես կարծում եմ, որ մեր երիտասարդները հետագայում մաս պետք է կազմեն շատ հարցերի: Դա մեզ շատ է պետք:

Հ.Գ. Շատ լավ հարց եք բարձրացնում, պարո'ն Սուքիասյան, տեղի ունեցած ինչ-ինչ թալանի մասին: Մի հարցնող լինի` դուք Ձեր ունեցվածքը ազնի՞վ ճանապարհով եք ձեռք բերել:


ՍՈՆԱ ԴԱՎԹՅԱՆ

Հավանեցի՞ր հոդվածը, կիսվիր ընկերներիդ հետ