Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում

Հ. Նաղդալյան. «ԱԴՐԲԵՋԱՆԻ ՇԱՐՈՒՆԱԿԱԿԱՆ ՍՊԱՌՆԱԼԻՔՆԵՐԸ ԱՆՀԱՐԻՐ ԵՆ ԵՎՐՈՊԱՅԻ ԽՈՐՀՐԴԻ ԱՆԴԱՄ ՊԵՏՈՒԹՅԱՆԸ»

Արխիվ 12-16

Հ. Նաղդալյան. «ԱԴՐԲԵՋԱՆԻ ՇԱՐՈՒՆԱԿԱԿԱՆ ՍՊԱՌՆԱԼԻՔՆԵՐԸ ԱՆՀԱՐԻՐ ԵՆ ԵՎՐՈՊԱՅԻ ԽՈՐՀՐԴԻ ԱՆԴԱՄ ՊԵՏՈՒԹՅԱՆԸ»

 

Երեկ ԵԽԽՎ-ում տեղի ունեցավ «Ոչ ատելությանը» խորհրդարանական ալյանսի հանդիպումը` «Նեո-ռասիզմի ճանաչումն ու կանխարգելումը» թեմայով, որի շրջանակներում ելույթով հանդես եկավ ԵԽԽՎ-ում հայաստանյան պատվիրակության ղեկավար, ԱԺ փոխնախագահ Հերմինե Նաղդալյանը, ով բարձրաձայնեց մի շարք մտահոգություններ` կապված Ադրբեջանում ահագնացող քսենոֆոբիայի ու անհանդուրժողականության քաղաքականության դրսեւորումների հետ: Տիկին Նաղդալյանը մասնավորապես նշել է. «Առաջին հերթին ցանկանում եմ շնորհակալություն հայտնել տիկին Սանտերինիին` գերազանց արված ու շատ կարեւոր աշխատանքի համար, քանի որ այսօր, 21-րդ դարում, երբ քաղաքական ծայրահեղականության դրսեւորումները նոր ձեւավորում են ստանում եւ դառնում ավելի ու ավելի ինտենսիվ, ամբողջ քաղաքակիրթ աշխարհը, առավել քան երբեւէ, բախվում է այնպիսի մարտահրավերների, ինչպիսին անհանդուրժողականությունն է, ռասիզմն ու այլատյացությունը: Գլոբալիզացիայի այս դարաշրջանում, մարդկանց լայնածավալ շարժով պայմանավորված, մշակութային միջավայրը դառնում է ավելի բազմազան, որն առաջ է բերում նոր սոցիալական եւ մշակութային մարտահրավերներ: Այս առումով, անհանդուրժողականությունն այսօր Եվրոպայի լրջագույն խնդիրներից մեկն է»: ԱԺ փոխնախագահի պնդմամբ` Հարավային Կովկասի տարածաշրջանը, ցավոք, ականատեսն է այսպիսի ռիսկերի. «Ինչպես արդարացիորեն նշում է զեկուցողը, «Քաղաքական գործիչները պետք է գիտակցեն իրենց խոսքի ազդեցությունը»: Մեր հարեւան ադրբեջանական իշխանությունների կողմից  ամենաբարձր մակարդակով հնչող Հայաստանին եւ հայերին ուղղված ատելության կոչերը եւ պատերազմական հռետորաբանությունը, մտահոգության լուրջ առիթ են, քանի որ այն հաճախ հանգեցնում է սահմանի վրա անմեղ կյանքերի կորստի: Ադրբեջանի նախագահը իր հրապարակային ելույթներում ողջ հայ ժողովրդին դիտարկում է որպես «թիվ մեկ թշնամի», եւ այն, ինչ ամբողջ աշխարհում համարվում է հանցագործություն , Ադրբեջանում  գնահատվում է փառահեղ արարք, ինչպես եւ տեսանք Սաֆարովի դեպքում, ով ազատ էր արձակվել եւ հերոսի կոչում ստացել Ադրբեջանի իշխանությունների կողմից` հայ զինվորին քնած վիճակում կացնահարելու համար: Բարձրաստիճան գեներալները, հնչեցնելով իրենց նախագահի խոսքերը, հայտարարում են, որ յուրաքանչյուր հայ պետք է սպանվի»: Ըստ Հ. Նաղդալյանի, սա վտանգավոր ուղի է, որն ազդում է ոչ միայն երկրի ներկայի, այլեւ ապագայի վրա. «Առավել ցավալի է, որ երկրում թշնամանքի եւ այլատյացության քաղաքականությամբ պայմանավորված` Ադրբեջանի երիտասարդ սերունդը մեծանում է ատելության ու անհանդուրժողականության մթնոլորտում: Ավելին, ադրբեջանական հասարակության ներսում ցանկացած փորձ կապեր հաստատելու, վստահություն ստեղծելու երկու երկրների հասարակությունների միջեւ` Ադրբեջանի ղեկավարության կողմից ուժեղ դիմադրության են հանդիպում եւ դաժանորեն ճնշվում: Ադրբեջանի շարունակական սպառնալիքները տարածաշրջանային կայունությանը եւ անվտանգությանը, ռազմատենչ եւ ատելություն սերմանող սադրիչ հայտարարություններն անհարիր են Եվրոպայի խորհրդի անդամ պետությանը, եւ որոշ չափով վնասում են կազմակերպության հեղինակությանը: Միջազգային կազմակերպությունները տալիս են իրենց համապատասխան գնահատականները Ադրբեջանում այլատյացության, ռասիզմի եւ անհանդուրժողականության դրսեւորումներին: Ընդդեմ ռասիզմի եւ անհանդուրժողականության Եվրոպական Հանձնաժողովը Ադրբեջանի վերաբերյալ իր զեկույցում անդրադարձել է «Հայաստանի Հանրապետությանը առնչվող պաշտոնական եւ լրատվամիջոցների մշտական բացասական երկխոսությանը», եւ խորհուրդ է տվել ադրբեջանական իշխանություններին` « պատշաճ կեցվածք ընդունել` հայերի դեմ խտրականության եւ ատելության բոլոր դեպքերում: Երբեմն թվում է, որ մենք գիտակցաբար խուսափում ենք առերեսվել իրականությանը, փակում ենք մեր աչքերը այն ամենի վրա, ինչ տեղի է ունենում ԵԽ անդամ այս  պետության մեջ: Հաճախ Վեհաժողովը զբաղվում է խնդիրներով, որոնք դուրս են մեր իրավասություններից, բայց սա հենց այն հարցն է, որին մեր Վեհաժողովը պետք է անդրադառնա եւ համապատասխան իրավական գնահատական տա: Ինչպես շեշտվեց զեկուցողի կողմից` «Ազգային իշխանություններն ու քաղաքացիական հասարակությունը պետք է զգոն լինեն: Ռասիզմի, անհանդուրժողականության եւ այլատյացության կանխարգելումն ու դրանց դեմ պայքարը պետք է առաջնահերթություն լինի Եվրոպայի խորհրդի անդամ պետությունների համար»: Մեր ընդհանուր նպատակը պետք է լինի ժողովուրդների միասնության ամրապնդումը եւ նրանց հոգեւոր արժեքների ըմբռնումը»:

Եզրափակելով խոսքը` ԵԽԽՎ-ում հայաստանյան պատվիրակության ղեկավարը հավելեց. «Մենք պետք է վճռական լինենք արմատախիլ անելու նման դրսեւորումները աշխարհի յուրաքանչյուր անկյունում` մեր հաջորդական գործողություններով, որոնք միտված են առանց բաժանարար գծերի Եվրոպա ունենալուն»:


ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ