Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում

«ԵՐԿՈՒ ԿՈՂՄԻՑ ԷԼ ՄԵԶ ՀԱՄԱՐ ԿԱՐԵՎՈՐ ՄԱՐԴԻԿ ԵՆ»

Արխիվ 12-16

«ԵՐԿՈՒ ԿՈՂՄԻՑ ԷԼ ՄԵԶ ՀԱՄԱՐ ԿԱՐԵՎՈՐ ՄԱՐԴԻԿ ԵՆ»


Գրեթե մեկ շաբաթ էլեկտրաէներգիայի սակագնի բարձրացման որոշումը չեղյալ հայտարարելու նպատակով Բաղրամյան պողոտան փակած ցուցարարների կողքին  են նաեւ մշակույթի գործիչները: Շատերը կարծում են, որ սա էլ «մայդան» է` հայկական տարբերակով: Ստեղծված իրավիճակը կվերածվի՞ հայկական «մայդանի», թե՞ կունենա իր «happy end»-ը: «Իրավունքի» հետ զրույցում կիթառահար, երգիչ ԵՂԻՇԵ ՊԵՏՐՈՍՅԱՆԸ, ով մի քանի օր է նրանց կողքին է ասաց. «Անկախ նրանից, թե ինչ հանգուցալուծում կունենա այս ամենը, կարեւոր քայլ եմ համարում` կարեւոր ճանապարհ անցնելու համար: Ո՛չ մի երկիր, ո՛չ մի ժողովուրդ միանգամից ոչնչի չի հասել: Այնքան հեղափոխություններ են արել, այնքան արյուն է թափվել, այնքան պայքար է գնացել, որ հիմա դարձել են երկրներ, որոնց մատնացույց են անում: Բայց ինձ ամենից շատ ուրախացնում է երիտասարդությունը, որը չի ենթարկվում որեւիցե ուղղորդվող տրամաբանության, իրենք ինքնուրույն որոշումներ են կայացնում: Այսինքն` անկաշառ շարժում է դառնում: Ոչ ոք չի ուզում ոչինչ ջարդել-փշրել, եթե նման բան է լինում, սադրիչները տեղավորվում են, որպեսզի առիթ ունենան ցրելու միտինգը: Այդ պատնեշը, որ ստեղծեցինք մտավորականներով ու քաղաքական գործիչներով, հրաշալի գաղափար էր, բարիդրացիական մթնոլորտում անցկացրեցինք գիշերը, ինչը մարդկանց ավելի բարի է դարձնում, երիտասարդներին ու ոստիկաններին` ավելի վստահ, որ չեն լինի սադրանքներ: Իսկ մենք նրանց կողքին ենք, որովհետեւ մեր պարտքն է` ամեն բան անենք, որպեսզի այս առաջընթացը հնարավորինս խաղաղ պայմաններում գնա: Չէ՞ որ երկու կողմից էլ մեզ համար կարեւոր մարդիկ են` մեր հայրենակիցներն են, ամեն մեկի համար պարտավոր ենք սրտացավ լինել: Հուսանք` այս ամենը լավ ավարտ կունենա, եւ արդեն մեր պետական այրերը պարտավոր են շատ լուրջ մտածել ընդհանրապես իրենց արած ամեն մի սխալ որոշման ու քայլի համար: Չի՛ կարելի կեղեքել ժողովրդին, այս հրաշալի ժողովուրդը լավ ապրելու իրավունք ունի եւ դա վաստակել է»:


ԼԻԼԻԹ ԵՂԻԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ