Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները

«ԺԱՌԱՆԳՈՒԹՅՈՒՆԸ» ԿՍՊԱՍԻ ՀԱՐՄԱՐ ԱՌԻԹԻ ՈՒ ԿՀԱՅՏՆՎԻ ԲԱՐԻԿԱԴՆԵՐԻ ԹԱՏԵՐԱԲԵՄՈ՞ՒՄ

Արխիվ 12-16

«ԺԱՌԱՆԳՈՒԹՅՈՒՆԸ» ԿՍՊԱՍԻ ՀԱՐՄԱՐ ԱՌԻԹԻ ՈՒ ԿՀԱՅՏՆՎԻ ԲԱՐԻԿԱԴՆԵՐԻ ԹԱՏԵՐԱԲԵՄՈ՞ՒՄ

 

Երեկ, մեղմ ասած, տարօրինակ իրավիճակ էր ստեղծվել Բաղրամյան պողոտայում: 8-9 օր էլեկտրաէներգիայի սակագնի բարձրացման դեմ պայքարող երիտասարդ ցուցարարներին փոխարինել էին տարեցները, այն էլ` բավական սակավաթիվ: Իսկ նրանց շարքերում կարելի էր տեսնել ՀԱԿ-ի ու Հիմնադիր խորհրդարանի երիտթեւերին, որոնք այս օրերին բոլորովին էլ աչքի չէին ընկնում: Ավելին` բարձրախոսը հայտնվել էր այնպիսի դեմքերի ձեռքում, ովքեր ո՛չ ՀԵՑ-ից էին տեղյակ, ո՛չ էլ իրենց պահանջն էին կարողանում ձեւակերպել: Եվ այս մարդկանց թվում, որքան էլ անհավատալի էր, հանդիպեցինք «Ժառանգություն» կուսակցության փոխնախագահ ԱՐՄԵՆ ՄԱՐՏԻՐՈՍՅԱՆԻՆ:


–Պարոն Մարտիրոսյան, մի՞թե քաղաքական գործիչների կազմած կենդանի պատից Դուք եք այստեղ մնացել:
– Կենդանի պատ ավելի ուշ է լինում: Ցանկացած պարագայում իհարկե ողջունելի է, որ այսօր քաղաքական ուժերը արդեն հետեւում են «Ժառանգության» պատգամավորների «զինանոցին» եւ 2008 թվականի օրինակը վերցնելով` եկան կենդանի պատ կազմեցին: Թեպետ կարծում եմ, եթե ոստիկանությունը ցանկանա ինչ-որ գործողություն իրականացնել, այդ կենդանի պատը շատ արագ կարող է մի կողմ տանել: Այնպես որ, դա ամենամեծ խնդիրը չի լինի ոստիկանության համար:
– Ե՛վ այստեղ, ե՛ւ Ազատության հրապարակում հանրային քննարկում կազմակերպելու կոչեր են անում: Ինչպե՞ս կգնահատեք, որ 8-9 օր շարունակվող ցույցի կազմակերպիչներն այսօր կարծես պառակտվեցին:
– «Պառակտել» բառը չեմ օգտագործի, որովհետեւ պառակտվելու պարագայում մենք պետք է ունենանք քաղաքացիական տարբեր խմբեր, բայց ունենք մեկ քաղաքացիական խումբ, որը գտնվում է Բաղրամյան պողոտայում: Ընդամենը մի քանի հոգի գնացին Ազատության հրապարակ, որոնք էլ, կարծում եմ, շատ արագ հետ կգան: Հետեւաբար, «պառակտում» բառն ինձ համար բացարձակ ընդունելի չէ: Իսկ ինչ վերաբերում է կազմակերպիչների տարբեր տեսակետներ ունենալուն, որքան էլ ասենք, թե սա քաղաքական չէ, քաղաքացիական է, բայց իրականության մեջ այդ տեսակետների տարբերությունը եւ դրան հետեւելը, կարծես թե, որոշակիորեն քաղաքական գործընթաց է դառնում: Ուղղակի, ցավալի է, որ եթե դու շարժում ես սկսում, եւ դու հռչակում ես, որ քաղաքացիների ասածով պետք է լինի, բայց դու չես հետեւում քաղաքացիներին, որոնք մնացին այստեղ: Ազատության հրապարակ գնացողները պետք է մնային այստեղ: Ու ընդհանրապես, ինձ համար 7 դրամի լոզունգը ճիշտ չէ, դա ընդամենը հետեւանք է եւ ոչ թե պատճառ: Ես հետեւանքի դեմ երբեք չեմ պայքարում, այլ պայքարում եմ պատճառի դեմ: Եվ քանի որ կազմակերպիչների կողմից եղել է կոչ` ընդդեմ 7 դրամի, եւ մեր քաղաքացիները թեեւ մտքում ունենալով բոլորովին այլ գործընթաց, բայց եկել են մասնակցում են հենց այդ կոչին:
– Ցույցի ողջ ընթացքում Դուք եւ Ձեր կուսակցության ներկայացուցիչներն այստեղ եք եղել: Չե՞ք կարծում, որ կիրակի օրն այստեղ շատ բան փոխվեց, ու բարձրախոսների առջեւ հայտնվեցին այս պայքարի հետ որեւէ աղերս չունեցող անձինք:
– Կապ չունի, իրենք եւս այստեղ կային, ուղղակի, կազմակերպիչ չէին: Հենց այս շարժման առավելություններից մեկը, կարծում եմ, դա է, որ եթե իշխանությունները փորձեն մեկուսացնել ինչ-որ մի հատվածի, ապա որեւէ մեկը կարող է բարձրանալ հարթակ եւ դառնալ կազմակերպիչ: Եվ այդ կազմակերպիչը կընդունվի այնքան ժամանակ, քանի դեռ իր կոչերը բավարարում են քաղաքացիների պահանջներին: Սա իսկապես որոշակիորեն եզակի երեւույթ էր:
– Բաղրամյան փողոցում կմնաք որպես ՀՀ քաղաքացի՞, թե՞ որեւէ կուսակցական դիրքորոշում ունեք Դուք եւ Ձեր թիմակիցները` հարմար առիթի դեպքում բարձրանալու հարթակ ու կազմակերպչի դերը ստանձնելու:
– Ամեն ինչ կախված է իրավիճակից: Քանի դեռ մեր քաղաքացիները իրենք կարողանում են ինքնակազմակերպվել, մենք միայն դա ողջունելու ենք եւ աջակցելու ենք դրան:

 

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ