Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները

«ԱՐԱՅԻ» ԶՈՀՎԱԾ ՍԵՓԱԿԱՆԱՏԻՐՈՋ ԴՍՏԵՐ ԽՆԱՄԱԿԱԼՈՒԹՅԱՆ ՔԱՇՔՇՈՒԿՆ ԱՎԱՐՏՎՈՒՄ Է

Արխիվ 12-16

«ԱՐԱՅԻ» ԶՈՀՎԱԾ ՍԵՓԱԿԱՆԱՏԻՐՈՋ ԴՍՏԵՐ ԽՆԱՄԱԿԱԼՈՒԹՅԱՆ ՔԱՇՔՇՈՒԿՆ ԱՎԱՐՏՎՈՒՄ Է

«Արայ» ընկերության նախկին սեփականատեր, 2011թ.-ին իր մեքենայում սպանված Արմեն Պետրոսյանի 6-ամյա դուստրը շարունակում է մնալ մոր` Տատյանա Չադենկովայի մոտ, չնայած որ երեխայի տատիկը երկու տարի առաջ դիմել էր դատարան` թոռան խնամակալությունը վերցնելու համար: Եվ ահա երկու տարուց ավել ընթացող դատական նիստը, ինչպես մեզ  հետ զրույցում ասաց Տատյանա Չադենկովայի փաստաբան ՆԱՐԻՆԵ ՌՇՏՈՒՆԻՆ, կարծես թե հասնում է իր հանգուցալուծմանը.

 

-Դատավարությունը մոտենում է ավարտին, արդեն դատաքննության փուլ ենք մտել, այնպես որ, մի երկու նիստից հետո կհրապարակվի վճիռը: Երեխան այժմ գտնվում է Հայաստանից դուրս` ՌԴ-ում` մայրիկի հետ: Նա շատ երջանիկ է Տատյանայի կողքին, իսկ փոքրիկի տատիկը` Կ. Սուքիասյանը, ոչ մի ապացույց չի ներկայացրել դատարանին, ըստ որի` հենց նա պետք է զբաղվի թոռան խնամակալությամբ: Դատերին էլ, մենք ներկայացուցիչներով ենք լինում. ո՛չ Տատյանան, ո՛չ էլ Կարինե Սուքիասյանն այսքան ժամանակ չեն եկել դատարան:
Փաստաբանի այս խոսքից ենթադրելի է, որ Ա. Պետրոսյանի աղջիկը կմնա մոր մոտ: Այդ տպավորությունը ստուգելու համար փորձեցինք կապվել նաեւ կռվախնձոր դարձած փոքրիկի տատիկի` Կ. Սուքիասյանի փաստաբան ՍԱՄՎԵԼ ՀՈՎՀԱՆՆԻՍՅԱՆԻ հետ, պարզելու` ինչով է պայմանավորված, որ հակառակ կողմը շարունակում է պնդել, որ նրանք չունեն  բավարար ապացույցներ` երեխային մորից զրկելու համար: Սակայն, ինչպես եւ նախորդ անգամները, այս անգամ եւս փաստաբանը խուսափեց, որեւէ պատասխան տալուց` նշելով.
- Մենք առհասարակ չենք ցանկանում, որ լրատվամիջոցները լուսաբանեն այս թեման, եւ ոչ մի տեղեկություն չենք ցանկանում հրապարակել: Ուստի խնդրում եմ չանհանգստացնել ո՛չ ինձ, ո՛չ վստահորդիս:
Ի դեպ, Արմեն Պետրոսյանի 6-ամյա դստեր խնամակալության այս պատմությունը որոշ աղբյուրներ կապում են նաեւ այս հանգամանքի հետ: Ըստ այդ տեղեկությունների՝ Արմեն Պետրոսյանից մնացած սեփականությունը, մասնավորապես՝ «Արայի» բիզնեսը Կ. Սուքիասյանի ձեռքին է, թեեւ ենթադրվում է, որ ունի այլ օգնող ձեռքեր: Բայց ժառանգության իրավունք, հասկանալի է, ունի նաեւ Ա. Պետրոսյանի դուստրը, որը կվերահսկի նրա խնամակալը: Այսինքն՝ ի՞նչ պատկեր ի հայտ կգա այս խնամակալական վեճերից հետո, առավել եւս, որ ունեցվածքը հաստատ միայն «Արայով» չի սահմանափակվում: Սակայն մեր այս հարցին Կ. Սուքիասյանի փաստաբանը տվեց անհասկանալի պատասխան՝ թե դա լրատվամիջոցներին վերաբերող հարց չէ, եւ նորից խնդրեց իրեն չանհանգստացնել: Չնայած, եթե խնամակալության դատը ավարտվում է, այս հարցերի պատասխանները շուտով կհստակեցվեն: Իսկ դա կարեւոր է նաեւ նրանով, որ ժամանակին այդպես էլ անհերքելիորեն չներկայացվեց Արմեն Պետրոսյանի մահվան պատճառը, մինչդեռ վարկածներից մեկն ամեն ինչ կապում էր հենց այդ սեփականության հետ:
ԻԼՈՆԱ ԱԶԱՐՅԱՆ

 

Հավանեցի՞ր հոդվածը, կիսվիր ընկերներիդ հետ