Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները

ԲՐԻՏԱՆԱՑԻ ԲԱՆԱՍՏԵՂԾՈՒՀԻՆ ԿՐԿԻՆ ԿԲԱՐՁՐԱՑՆԻ ՀԱՅՈՑ ՑԵՂԱՍՊԱՆՈՒԹՅԱՆ ԴԱՏԱՊԱՐՏՄԱՆ ՀԱՐՑԸ

Արխիվ 12-16

ԲՐԻՏԱՆԱՑԻ ԲԱՆԱՍՏԵՂԾՈՒՀԻՆ ԿՐԿԻՆ ԿԲԱՐՁՐԱՑՆԻ ՀԱՅՈՑ ՑԵՂԱՍՊԱՆՈՒԹՅԱՆ ԴԱՏԱՊԱՐՏՄԱՆ ՀԱՐՑԸ

Հայոց ցեղասպանության 100-րդ տարելիցի շրջանակներում տեղի ունեցավ եւս մեկ միջոցառում. այս անգամ գրքի շնորհանդես, որի հայերեն տարբերակը նվիրվեց Ցեղասպանության անմեղ զոհերի հիշատակին: Բրիտանացի բանաստեղծուհի Ջինի Հենսոնի եւ ամուսնու` շոտլանդացի հանրահայտ դիրիժոր Դեվիդ Դեվիսի ցանկությամբ, գրքի շնորհանդեսը տեղի ունեցավ Երեւանում: Ջ. Հենսոնի խոսքով` Հայաստանում իրեն զգում է ինչպես տանը. «Ճիշտ է, Հայաստանում մի քիչ հուզվում եմ, մանավանդ այսօր, երբ այցելեցի Ցեղասպանության անմեղ զոհերի հիշատակին նվիրված հուշահամալիր: Հայաստանն ինձ համար հարազատ վայր է, որտեղ ունեմ լավ ընկերներ»,- նշեց տիկին Հենսոնը:


Առաջին անգամ բանաստեղծուհին Հայաստան է այցելել Դ. Դեվիսի հետ` մի քանի տարի առաջ, որից հետո նրանց այցելությունը Հայաստան կրել է հաճախակի բնույթ. «Առաջին այցելության ժամանակ կինս էր ինձ ուղեկցում, իսկ այսօր հակառակը` ես եմ նրան ուղեկցում»,- կես կատակ-կես լուրջ ասաց դիրիժորն, ապա ավելացրեց. «Հայաստանում եմ` ոչ որպես երաժիշտ, այլ որպես մարդ, ով Հայաստանի ընկերն է եւ լավ բարեկամը: Մեր երկու երկրների միջեւ շատ նմանություններ կան, քանի որ երկուսն էլ շրջապատված են հարեւաններով, որոնք այդքան էլ բարեհամբույր չեն մեր նկատմամբ: Կիսում եմ այն մեծ վիշտը, որը հայերի հետ տեղի ունեցավ 1915 թվականին: Հայոց ցեղասպանության ճանաչման եւ դատապարտման հարցում Շոտլանդիան Հայաստանի կողքին է, պետք է անենք ամեն ինչ, որպեսզի Հայաստանն ունենա պայծառ ապագա»:
Ջինի Հենսոնի «Ամպերի տակ» բանաստեծությունների ժողովածուն հայերեն թարգմանել է Արծվի Բախչինյանը. այն պատմում է սիրո, իղձերի եւ կորուստների մասին: Ժողովածուի շնորհանդեսը առաջիկայում տեղի կունենա նաեւ Լոնդոնում, որտեղ բանաստեղծուհին երաժիշտ ամուսնու հետ կրկին կբարձրաձայնի Հայոց ցեղասպանության դատապարտման հարցը:
ԶՎԱՐԹ ԽԱՉԱՏՐՅԱՆ

Հավանեցի՞ր հոդվածը, կիսվիր ընկերներիդ հետ