Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները

ՀԻՄԱ ԷԼ ԼԵՅՇՄԱՆԻՈԶ

Արխիվ 12-16

ՀԻՄԱ ԷԼ ԼԵՅՇՄԱՆԻՈԶ

Երեկ հանրապետությունում տեղեկություն տարածվեց վարակի տարածման հերթական փաստի մասին: Այս անգամ արդեն ինչ-որ լեյշմանիոզ անունով վարակ է նկատվել Սյունիքի մարզում: Կան խոսակցություններ, որ այն տարածվում է մլակների խայթոցից: Թե որքանով է վերոնշյալ լուրը համապատասխանում իրականությանը, ինչ վտանգ է իրենից ներկայացնում եւ ինչ ախտանիշներով է ի հայտ գալիս, պարզեցինք Հիվանդությունների վերահսկման եւ կանխարգելման ազգային կենտրոնի մակաբուծային հիվանդությունների համաճարակաբանության բաժնի պետ ԼՈՒՍԻՆԵ ՊԱՐՈՆՅԱՆԻՑ, ով մասնավորապես ասաց.


- Լեյշմանիոզ վարակը երեք հիվանդությունների խումբ է, որը հարուցվում է մակաբույծների, միաբջիջ կենդանիների միջոցով: Վարակի աղբյուրը հիմնականում շներն են, այն փոխանցվում է մլակի խայթոցի միջոցով: Այս վարակը մշտապես արձանագրվում է հանրապետությունում, ու այսօր ունենք հատուկենտ դեպքեր: Հիմնականում վարակը տարածվում է Սյունիքում, Տավուշում եւ Լոռիում:
- Ունե՞ք տվյալներ, թե այս պահին լեյշմանիոզով վարակված քանի անձ կա:
- Մենք տարեկան ունենում ենք 10-15 դեպք: Սյս տարի Սյունիքում ունեցել ենք երեք դեպք: Հիմա էլ լեյշմանիոզի կասկածով այսօր մի երեխա ընդունվել է Նորքի ինֆեկցիոն հիվանդանոց:
- Ի՞նչ վտանգ է իրենից ներկայացնում հիվանդությունը եւ ի՞նչ ախտանշաներով է ի հայտ գալիս:
- Ինքն իր բնույթով շատ թեթեւ վարակ է, եւ նույնիսկ Առողջապահության համաշխարհային կազմակերպությունը այս հիվանդությունը դասել է արհամարհված հիվանդությունների ցանկին: Եթե ժամանակին է ախտորոշվում, հիվանդությունը բարվոք է ընթանում: Ինչ վերաբերում է ախտանշաններին, ապա տվյալ վարակի դեպքում հիմնականում արձանագրվում է անկանոն տենդ, մաշկը դառնում է մոմագույն, մեծանում են փայծաղը, ավշային հանգույցները: Լեյշմանիոզի վարակի տարածման սեզոնը սկսվում է հունիսից:
ԻԼՈՆԱ ԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ