Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները

«Իրուր խետ». «Ազատագրված տարածքներում բոլոր ապրողները հերոսներ են»

Արխիվ 12-16

«ԻՐՈՒՐ ԽԵՏ». «ԱԶԱՏԱԳՐՎԱԾ ՏԱՐԱԾՔՆԵՐՈՒՄ ԲՈԼՈՐ ԱՊՐՈՂՆԵՐԸ ՀԵՐՈՍՆԵՐ ԵՆ»


Հունիսի 29-ից հուլիսի 5-ը Քաշաթաղի Վարդուտ գյուղում կազմակերպվել էր «Ազգայինի հետքերով Քաշաթաղում» ամառային ճամբարը: Նախաձեռնությունը հղացավ, երբ Բերձորի ազատագրման 23-րդ տարեդարձին ընդառաջ «Երիտասարդների աջակցման կենտրոն» ԵՀԿ-ն ու «Հիմք» ԲԲՀԿ-ն «Ազգայինի հետքերով» երկօրյա ծրագրի շրջանակներում Քաշաթաղում էին` Աղավնատուն եւ Բերձոր համայնքներում: Այս ծրագիրը շարունակական դարձնելու նպատակով «ՀԱՅԱՊԱՏՈւՄ» ԵՀԿ-ն Երեւանից ժամանած կազմակերպությունների հետ նախաձեռնեց 12-18 տարեկան 20 պատանիների եւ երիտասարդների համար ամառային ճամբար, որի իրականացմանն աջակցել են Արցախի վարչապետ ԱՐԱՅԻԿ ՀԱՐՈՒԹՅՈՒՆՅԱՆԸ, Քաշաթաղի շրջվարչակազմի աշխատակազմի կրթության բաժինը, ԼՂՀ փրկարար ծառայությունը, Վարդուտի միջնակարգ դպրոցի տնօրեն ՌԱԻՍԱ ԲԱՂԻԿՅԱՆԸ:

«Ազգայինի հետքերով Քաշաթաղում» ճամբարը նպատակ ուներ նպաստելու ազգային երգի ու պարի, հերոսների, խաղերի ճանաչմանն ու տարածմանը: 7-օրյա ճամբարի հարուստ օրակարգը իր մեջ ներառում էր ազգային խաղեր, երգ, պար, զարգացնող խաղեր, «Ճանաչենք մեր հերոսներին» խորագրով ֆիլմերի դիտում: Նշենք, որ մասնակիցներին ազգայինի հետքերով ուղեկցում էին Անի Ասատուրյանը («Երիտասարդների աջակցման կենտրոն» ԵՀԿ), Գուրգեն Մելքոնյանը («Կայթ» ավանդական պարի համույթ), Հերմինե Կարապետյանը, Նարինե Թեքնեջյանը, Արմեն Մխիթարյանը եւ Անի Հովհաննիսյանը (երկուսն էլ` «ՀԱՅԱՊԱՏՈւՄ» ԵՀԿ): Վարդուտից, Բազմատուսից, Շալուայից, Հիմնաշենից, Մովսեսաշենից, Վազգենաշենից, Արտաշավիից, Նորաշենիկից, Վակունիսից եւ Վաղազինից ժամանած մասնակիցները առաջնորդվում էին «իրուր խետ» («իրար հետ») սկզբունքով եւ այնպիսի ոգով էին երգում եւ պարում, որ կազմակերպիչները վստահություն ձեռք բերեցին` այս ծրագիրը անպայմանորեն պետք է լինի շարունակական` ընդգրկելով Քաշաթաղի, Արցախի այլ բնակավայրեր եւս:

Ի դեպ, ճամբարի ընթացքում մասնակիցները կիսվել էին Հայրենիքի, հերոսի, իրենց ապագայի մասին պատկերացումներով: Մասնակիցներից` Տիգրան Օհանջանյանը (գ. Նորաշենիկ) «ո՞վ է հերոսը» հարցին նշել էր, որ «հերոսը` Արաբոն ու Ազգալդյանն են, որոնք պահել են եւ չեն թողել, որ թուրքը գրավի եւ մենք հիմա հանգիստ ապրում ենք: Ընդհանրապես ազատագրված տարածքներում բոլոր ապրողները հերոսներ են, որ գնան, թուրքը կգա տեր կկանգնի»: Իսկ Անի Վարդանյանը (գ. Վարդուտ) Հայրենիքը համարում էր ամենակարեւոր գաղափարը, որը պետք է դավանել մինչեւ կյանքի վերջը: Վաղազինցի Կարապետն էլ 5 տարի հետո գումար է հավաքելու, որ մանկատան եւ աղքատ երեխաներին ապահովի ամեն ինչով: Օրինակ` ընտանքի ջերմությամբ, սննդով: «Ես ուզում եմ որ բոլոր երեխաները ունենան հայր եւ մայր եւ աղքատներ չլինեն», - ասել էր նա:

«Ինչպես Վարդուտում, այնպես եւ Քաշաթաղի այլ բնակավայրերում ապրում են տաղանդավոր երեխաներ, ովքեր Քաշաթաղի անունը հասցրել են մինչեւ Երեւան` մասնակցելով եւ հաղթելով տարբեր օլիմպիադաներում ու մրցույթներում», -ճամբարի փակմանն ասաց Վարդուտի դպրոցի տնօրեն տիկին Բաղիկյանը: Նա հույս հայտնեց, որ բնակարանաշինության ծրագրին կհաջորդի նաեւ Վարդուտում մշակութային օջախի կառուցումը, որը կնպաստի ոչ միայն երեխաների այլեւ համայնքի մյուս բնակիչների կյանքի աշխուժացմանը: Իսկ մինչ այդ նման միջոցառումների կազմակերպումը կարեւոր է ` ի նպաստ համայնքի: «ՀԱՅԱՊԱՏՈւՄ» ԵՀԿ նախագահ Արմեն Մխիթարյանն էլ նշեց, որ տեսնելով ազգային երգի ու պարի ուսուցման ժամանակ մասնակիցների ոգու ուժը, որ նրանց մեջ ներարկել էր «Կայթ» ավանդական պարի համույթի ներկայացուցիչ ԳՈՒՐԳԵՆ ՄԵԼՔՈՆՅԱՆԸ` ինքը հույս ունի, որ ճամբարից վերադառնալիս մասնակիցներն այստեղ սովորածը կփոխանցեն իրենց համագյուղացիներին` թե՛ պատանի կամ երիտասարդ, եւ թե՛ հասուն: Նա նաեւ շնորհակալություն հայտնեց վարչապետ պարոն Հարությունյանին ծրագրին աջակցելու համար: Անի Ասատուրյանն էլ, իր հերթին, կարեւորեց ճամբարի անցկացումը հենց Քաշաթաղում, շնորհակալություն հայտնեց մասնակից երեխաների ծնողներին, որոնք ջանք չեն խնայում իրենց երեխաների հայեցի դաստիարակման համար:


ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ