Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները

ՌՈՒՍ ԳՈՐԾԱՐԱՐ ՍՏԵՐԼԻԳՈՎԸ ԼՂՀ ԱՊԱԳԱ ՔԱՂԱՔԱՑԻ՞

Արխիվ 12-16

ՌՈՒՍ ԳՈՐԾԱՐԱՐ ՍՏԵՐԼԻԳՈՎԸ ԼՂՀ ԱՊԱԳԱ ՔԱՂԱՔԱՑԻ՞

 

Հայտնի ռուս գործարար, մեկենաս, նշանավոր ֆերմեր Գերման Ստերլիգովը, ով եղել է «Ալիսա» բորսայի հիմնադիրը, եւ ում անվան շուրջ պտտվում են միլիարդավոր դոլարների խոսակցություններ, ըստ ռուսական լրատվամիջոցների տեղեկությունների, հուլիսի 4-ին մեկնել է Արցախ: Ի դեպ, նույն աղբյուրների հավաստմամբ` նա փակել է իր` Սլոբոդայում գտնվող տան դռներն ու սկսել վաճառել գույքը, ինչը պատճառ է դարձել, որ մամուլում շրջանառվի, թե Գ. Ստերլիգովը ոչ թե հյուրի, այլ մշտական բնակության համար է տեղափոխվել Արցախ: Այս մասին «Իրավունքը» փորձեց մանրամասներ ճշտել ԼՂ նախագահի մամուլի քարտուղար, քաղաքագետ ԴԱՎԻԹ ԲԱԲԱՅԱՆԻՑ, ով նախ հաստատեց լուրը, որ Ստերլիգովը եղել է Արցախում. «Նա չի հայտարարել, որ տեղափոխվում է ԼՂ կամ չի տեղափոխվում, բայց շատ է սիրել մեր երկիրը:

Ստերլիգովը լինելով Արցախում` նշել է, որ Լեռնային Ղարաբաղը աշխարհիվերջին կտորներից մեկն է, որտեղ գործում են աստվածային օրենքները, եւ կաբարոյականություն: Նա ասում էր, որ լավ է իրեն զգում այստեղ, բայց ինչվերաբերում է տեղափոխվելուն, չեմ կարող ո՛չ հաստատել, ո՛չ ժխտել, իրենիցհարցրեք»: Իսկ թե որեւէ տնտեսական գործունեություն ԼՂՀ-ում սկսե՞լ է պարոն Ստերլիգովը, պարզեցինք ԼՂՀ վարչապետի մամուլի քարտուղար ԱՐՏԱԿԲԵԳԼԱՐՅԱՆԻՑ. «Իմ լիազորությունների շրջանակներում միայն կարող եմ ասել, որ Գերման Ստերլիգովը այս պահին տնտեսական որեւէ գործունեություն չի ծավալում Արցախում»: Ի վերջո, այս պահին գտնվո՞ւմ է Գ. Ստերլիգովը ԼՂՀ-ում, «Իրավունքը» հետաքրքրվեց ԼՂՀ ԱԳՆ խոսնակ ԱՆԻ ՍԱՐԳՍՅԱՆԻՑ, ով միայն նշեց հետեւյալը. «Գերման Ստերլիգովը գրանցվել է ԼՂՀ ԱԳՆ հյուպատոսական բաժնում` որպես զբոսաշրջիկ»: Այնուամենայնիվ, Դ. Բաբայանը մեզ հետ զրույցում հավաստիացրեց, որ ԼՂՀ-ն պատրաստ է ընդունել Գ. Ստերլիգովին ոչ միայն հյուրի կարգավիճակով. «Արցախն ազատ երկիր է, ուբոլորը գիտեն այդ մասին: Այստեղ տարբեր մարդիկ են գալիս ու գնում: Եթե ինչ-որ մեկն ուզում է այցելել Արցախ, մենք չենք խոչընդոտում: Մենք բաց երկիր ենք, եւ որեւէ ազգային խտրականությամբ պայմանավորված` խոչընդոտ չկա այստեղ»:

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ