Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները

«ԾԻԾԵՌՆԱԿԱԲԵՐԴԻ ՏԱՐԱԾՔԻ ՊԱՏԱՍԽԱՆԱՏՈՒՆԵՐԸ ՈՉԻՆՉ ՉԵՆ ԱՐԵԼ»

Արխիվ 12-16

«ԾԻԾԵՌՆԱԿԱԲԵՐԴԻ ՏԱՐԱԾՔԻ ՊԱՏԱՍԽԱՆԱՏՈՒՆԵՐԸ ՈՉԻՆՉ ՉԵՆ ԱՐԵԼ»

Ինչպես հայտնի է, հուլիսի 5-ին Ծիծեռնակաբերդում՝ Հայոց ցեղասպանության թանգարանի հարեւանությամբ գտնվող անտառում ծավալուն հրդեհ էր բռնկվել: Կրակն արագորեն տարածվում էր, ու թեեւ ժամանել էին 80-ից ավելի հրշեջներ, 10-ից ավելի մարտական հաշվարկ, սակայն հրշեջներն ու քաղաքացիները մեծ դժվարությամբ էին կարողանում կրակի դեմն առնել: Արդյունքում՝ այրվեց մոտ 15 հա բուսածածկ տարածք:

Մի կողմից` հասկանալի է. շոգ ամառ է, խոտը չորանում է, եւ ամեն մի անզգուշությունից, կայծից կարող է հրդեհ առաջանալ: Բայց «անհասկանալի» դրվագ էլ կա. ի վերջո, հրդեհավտանգ իրավիճակի մասին նույնիսկ պաշտոնական ծանուցում է եղել: Իսկ Ծիծեռնակաբերդը, ինչպես հայտնի է, ոչ միայն կարեւորագույն, այլ համայնքապատկան` արդեն գրեթե միակ նման ծառապատ մեծ տարածքն է: Հնարավոր չէ՞ր գոնե այստեղ վաղօրոք ձեռնարկել անվտանգության միջոցառումներ, որ նման հսկայական տարածքը կրակի տակ չգնար...
Ինչեւէ՝ ՀՀ Տեղական կառավարման եւ արտակարգ իրավիճակների նախարարության փրկարար ծառայության տնօրենի տեղակալ, գեներալ-մայոր ՎՐԵԺ ԳԱԲՐԻԵԼՅԱՆԸ կատարվածի առնչությամբ մասնավորապես նկատեց.
- Այո, հրդեհային վտանգավորության մասին հայտարարությունը մեր կողմից հայտարարվել է հրդեհավտանգ ջերմաստիճանին հասնելուց շատ ավելի շուտ: Մենք հայտարարել ենք, որ պետք է այս օրերին հնարավոր բոլոր վայրերում հնձել խոտը, որ բնության գրկում հանգստի մեկնող անձինք զգույշ լինեն եւ պահպանեն հակահրդեհային կանոնները: Մենք ասել եւ ասում ենք՝ յուրաքանչյուր քաղաքացի պետք է ինքը դառնա իր երկրի տերը եւ հասկանա, որ թեկուզ տասը տոկոս անտառազանգված կազմող տարածքի համար պետք է պայքարեն բոլորը, քանի որ այն շատ կարեւոր եւ կենսական նշանակություն ունի մեր երկրի համար: Սակայն, ցավում եմ, որ այդքանից հետո այսօր մենք ունենք դեպքեր, երբ խոտածածկ տարածքներն այրվում են, իհարկե՝ նաեւ վնաս պատճառելով ծառերին: Դրա վառ ապացույցը Ծիծեռնակաբերդի տարածքում բռնկված հրդեհն է, որտեղ շուրջ տասնհինգ հեկտար դարձավ հրդեհի ճարակ: Ամբողջ ցավն այն է, որ այդ տարածքը չէր ոռոգվում. եթե ոռոգվեր, եւ բարձր խոնավության ռեժիմ պահպանվեր, հրդեհային վիճակ չէր ստեղծվի այնտեղ: Ծիծեռնակաբերդի տարածքի պատասխանատուները, սակայն, ոչինչ չեն արել մեր հայտարարություններից հետո, այն դեպքում, երբ նրանք պետք է ակտիվ գործողություններ իրականացնեին` ոռոգեին, որպեսզի չչորանար այդ տարածքը, ինչն էլ թույլ չէր տա հրդեհի առաջացումը: Այնինչ՝ մենք ականատես եղանք, որ Ծիծեռնակաբերդի որոշ տարածքում նույնիսկ ոռոգման համակարգն էր բացակայում:
Իսկ թե ինչու է նման վիճակ Ծիծեռնակաբերդում, փորձեցինք պարզել քաղաքապետարանից: Սակայն այս կառույցի լրատվության բաժնի աշխատակիցը, հին «խասյաթի» համաձայն, մեզանից հարցը գրավոր խնդրեց: Սակայն համբերությամբ կսպասենք մեր գրավոր հարցի պատասխանին, մասնավորեպես, թե ինչո՞ւ է «Ծիծեռնակաբերդի որոշ տարածքում ոռոման համակարգը բացակայում»:  
ԻԼՈՆԱ ԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ