Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից

«ԱՇԽԱՏԱՆՔԻ ՏԵՂԱՎՈՐՄԱՆ ԳՈՐԾԱԿԱԼՈՒԹՅՈՒՆՆԵՐԸ ԳՈՒՑԵ ՄԻՏՈՒՄՆԱՎՈՐ ԽԱԲԵԼՈՒ ՆՊԱՏԱԿ ՈՒՆԵՆ, ԲԱՅՑ…»

Արխիվ 12-16

«ԱՇԽԱՏԱՆՔԻ ՏԵՂԱՎՈՐՄԱՆ ԳՈՐԾԱԿԱԼՈՒԹՅՈՒՆՆԵՐԸ ԳՈՒՑԵ ՄԻՏՈՒՄՆԱՎՈՐ ԽԱԲԵԼՈՒ ՆՊԱՏԱԿ ՈՒՆԵՆ, ԲԱՅՑ…»

Աշխատանքային իրավունքի ոլորտում խնդիրները բազմաթիվ են, աշխատողների իրավունքների խախտումները` բազմաթիվ:  Այս ամենին զուգահեռ Հայաստանում  սնկի նման ավելանում են աշխատանքի տեղավորման  գործակալությունները, որոնք իրականում դարձել են քաղաքացիների հաշվին գումար  վաստակող  կազմակերպություններ:

«Իրավունքին» է դիմել Երեւանի քաղաքացի Թամարա Դալլաքյանը, ով այս տարվա հունվարին պայմանագիր է կնքել աշխատանքային գործակալություններից մեկի հետ, սակայն, ինչպես եւ հիմնականում տեղի է ունենում, աշխատանքի չի տեղավորվել: Պայմանագրում, սակայն, հստակ նշված է` կատարողը չի երաշխավորում աշխատողի պատվիրատուի աշխատանքի ընդունվելու պարագան: «Իրավունքը» սոցապ նախկին նախարար, աշխատանքի իրավունքի մասնագետ Գեւորգ Պետրոսյանից պարզեց` կարի՞ք կա աշխատանքային գործակալությունների գործունեությանը դաշտն այնպես կարգավորել, որպեսզի այդ կազմակերպությունների ծառայություններից օգտվողները կոտրած տաշտակի առաջ չկանգնեն: «Եթե քաղաքացին անգործունակ չէ, չափահաս է, ի շահ իրեն ձեռք է բերում պայմանավորվածություններ ու պարտականություններ` կնքելով պայմանագրեր: Եթե պայմանագրում հստակ նշված է` միջնորդ կազմակերպությունը չի երաշխավորում աշխատանքի տեղավորում, բայց այդքանից հետո քաղաքացին գիտակցաբար այդ կազմակերպությանը գումար է վճարում, չի կարող որեւէ փոխհատուցում ստանալ կազմակերպությունից»,- պարզաբանում է մասնագետը:

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Հայաստանում, ըստ Գեւորգ Պետրոսյանի, միջնորդ կազմակերպությունների ոլորտը կանոնակարգված չէ. «Զբաղվածության մասին օրենքում ասվում է, որ աշխատանքի տեղավորման գործառույթով  կարող են զբաղվել  ոչ պետական կառույցները»:

Պետությունը, ըստ  մեր զրուցակցի  իրավունք չունի  միջամտելու  երկու մասնավոր սուբյեկտի փոխհարաբերություններին, քանի որ դա կդիտվի  որպես  մասնավոր գործունեությանը  կամայական միջամտություն:

Գեւորգ Պետրոսյանի խոսքով,  ցավոք սրտի, առանց հաշվի  առնելու մեր երկրի հնարավորությունը, մտածողությունը,   Հայաստանում  եվրոպական երկրների օրինակով  1991 թ-ին հիմնվեցին  աշխատանքի տեղավորման  գործակալություններ: «Այս կառույցների   ի  հայտ գալը մեր երկրում վատ  չէ, այլ հարց է, որ մենք  դեռ չունենք իրավունքներից օգտվելու մշակույթ: Պայմանագիր են կնքում, հետո ականջի ետեւ են գցում կամ ուշադիր չեն կարդում պայմանագրի կետերը»,- մանրամասնում է  պրն Պետրոսյանը:

Սոցապ նախկին  նախարարը չի ցանկանում աշխատանքի տեղավորման գործակալություններին մեղադրել խաբեության համար, քանի որ բավարար փաստեր են  անհրաժեշտ. «Գուցե միտումնավոր  խաբելու նպատակ կա, բայց  միանշանակ  ասել` խաբեությամբ են զբաղվում աշխատանքի տեղավորման գործակալությունները , ճիշտ չէ»:

Նախկին նախարարի խոսքով`  եթե պարբերաբար  խոսվի  գործակալությունների մասին, քաղաքացիները պատշաճ ձեւով  իրազեկվեն, ապա նման խնդիրների առաջ չեն կանգնի, իսկ աշխատանքի տեղավորման գործակալություններն էլ ինքնըստինքյան  կլուծարվեն: Ասել թե` չկա պահանջարկ, չկա նաեւ առաջարկ:

ՍՈՆԱ ԴԱՎԹՅԱՆ

Հավանեցի՞ր հոդվածը, կիսվիր ընկերներիդ հետ