Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից

«ՄԻ ՄԱՏ ԷՐԵԽՈՒՍ ՄԱՀՎԱՆ ՊԱՏՃԱՌ ԴԱՐՁԱԾ ԲԺՇԿՈՒՀԻՆ ԱՆՊԱՏԻԺ ՉՊԵՏՔ Է ՄՆԱ»

Արխիվ 12-16

«ՄԻ ՄԱՏ ԷՐԵԽՈՒՍ ՄԱՀՎԱՆ ՊԱՏՃԱՌ ԴԱՐՁԱԾ ԲԺՇԿՈՒՀԻՆ ԱՆՊԱՏԻԺ ՉՊԵՏՔ Է ՄՆԱ»

«Արմավիր» բժշկական կենտրոնում հունիսի 16-ին ջրաշենցի 4-ամյա Կարինե Հովհաննիսյանը, ըստ դատաբժշական փորձաքննության, մահացել է ոչ թե բժշկական սխալի, այլ՝ ինֆեկցիոն տոքսիկ շոկի հետեւանքով: Սակայն փոքրիկի ծնողները ոչ մի կերպ չեն հաշտվում իրենց միակ դստեր մահվան հետ եւ, չնայած փորձաքննության արդյունքներին, փոքրիկ Կարինեի հարազատները համոզված են, որ երեխայի մահվան պատճառը հենց բուժող բժիշկն է: Այդ մասին երեխայի հայրը մեզ հետ զրույցում ասաց.
- Ես այս պահին չեմ կարող շատ բացել փակագծերը, բայց դատական քննության ընթացքում բոլորն էլ փաստերով կհամոզվեն, որ իմ բալին մահվան դուռը հասցրեց բժիշկը: Մի բան միայն կարող եմ ասել. ես խորհրդակցել եմ լավագույն բժիշկների հետ եւ ինձ ասել են, որ այդ տոքսիկ շոկ կոչեցյալը չէր կարող երեք ժամվա մեջ մարդու կյանք խլել: Դա արդեն իսկ նշանակում է, որ բժշկական սխալ է եղել: Եթե իսկապես բալիս մոտ տոքսիկ շոկ կոչվածն էր, ինչի՞ բժիշկը մեզ մի բերան չասեց, որ երեխան իսկապես ծանր վճակում է, եթե նա ի սկզբանե գիտեր, թող մեզ զգուշացներ, ասեր, որ երեխուս ուրիշ հիվանդանոց տեղափոխեինք, որ երեխաս փրկվեր:

- Բժիշկը Ձեզ չի՞ տեղեկացրել, որ երեխայի վիճակը ծանր է:
- Եթե ինքը կես բերան ինձ կամ հարազատներիս նման բան ասեր, մենք վայրկյան անգամ ավելի էդտեղ չէինք թողնի երեխայիս: Գոնե թեթեւ եթե ակնարկեր, որ էրեխուս կյանքին վտանգ է սպառնում, անմիջապես կտեղափոխեի Երեւան: Բայց բժիշկը մեզ անընդհատ հանգստացնում էր, ասում՝ ոչ մի լուրջ բան չկա: Ինքը` բժիշկը անձամբ ինձ` երեխային հիվանդանոց հասցնելուց ասեց, որ էդ օրը կպառկացնեն, առավոտյան դուրս կգրեն: Նույնիսկ ասեց` հնարավոր է պառկացնելու խնդիր ընդհանրապես չլինի, ու մի քանի սիստեմա ստանալուց հետո տուն ուղարկեն:  
Ես չգիտեմ` դա կլինի հայաստանյան դատարաններով, թե եվրոպական, բայց, որ մենք ամեն ինչ անելու ենք, որ բժշկի մեղավորությունը ¥իսկ դա փաստ է¤ ապացուցվի, դա հաստատ է: Մի մատ էրեխուս մահվան պատճառ դարձած բժշկուհին անպատիժ չպետք է մնա, ինքը օրենքով պետք է խստագույնս պատժվի:

Հավանեցի՞ր հոդվածը, կիսվիր ընկերներիդ հետ