Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից

ԱՂԻՔԱՅԻՆ ԻՆՖԵԿՑԻԱՆԵՐԻ ԴԵՊՔԵՐԸ ԳՆԱԼՈՎ ԱՃՈՒՄ ԵՆ

Արխիվ 12-16

ԱՂԻՔԱՅԻՆ ԻՆՖԵԿՑԻԱՆԵՐԻ ԴԵՊՔԵՐԸ ԳՆԱԼՈՎ ԱՃՈՒՄ ԵՆ

Առողջապահության նախարարության հիվանդությունների վերահսկման և կանխարգելման ազգային կենտրոնի գլխավոր տնօրենի տեղակալ Լիլիթ Ավետիսյանը հերքում է աղիքային ինֆեկցիաների բռնկման մասին տեղեկությունը: Մասնագետի տեղեկացմամբ, թեև սննդային գործոնով պայմանավորված աղիքային ինֆեկցիաների դեպքերը ամեն տարի գնալով աճում են, սակայն իրավիճակը կատաստրոֆիկ չէ: Վերլուծությունները ցույց են տվել, որ նման դեպքերը սնվելուց առաջ կամ սնունդ պատրաստելու ժամանակ հիգիենայի և սննդամթերքի պահպանման կանոնների խախտման հետևանք է, որը հատկապես ամռանը կարող է խնդիրների պատճառ դառնալ:

«Այսօր ոչ ճիշտ է իրականացվում կրեմային թխվածքների վաճառքը: Դրանք երբեմն չեն դրվում սառնարան, ինչը կարող է վարակիչ հիվանդության պատճառ դառնալ»,- ասում է Լ. Ավետիսյանը:

Բացի այդ, մասնագետը խորհուրդ է տալիս խուսափել նաև լցնովի պաղպաղակ ուտելուց, քանի որ այն նույնպես կարող է լուրջ խնդիրներ առաջացնել: Խոսելով թթից թունավորման դեպքերի մասին մասնագետը հորդորեց այն ուտելուց առաջ անպայման լավ լվանալ, քանի որ թութը ամենաաղտոտվող պտուղներից մեկն է: Թթի վրա կարող են լինել ճանճերի և թռչունների միջոցով տարածվող մանրեներ, որոնք կարող են լուրջ աղիքային հիվանդություններ առաջացնել: Ինչ վերաբերում է ամենօրյա սննդին, մասնագետը խորհուրդ է տալիս այն այնքան պատրաստել, որ ամբողջությամբ սպառվի, քանի որ նույնիսկ սառնարանում երկար մնացած ճաշը կամ աղցանը շոգ եղանակին կարող է վտանգավոր դառնալ առողջության համար:

ԱՐՄԻՆԵ ԳՐԻԳՈՐՅԱՆ

Հավանեցի՞ր հոդվածը, կիսվիր ընկերներիդ հետ