Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից

4-ԱՄՅԱ ԷՐԻԿԻ ՄԱՀՎԱՆ ՄԵՋ ՀԱՅՐԸ ՄԵՂԱԴՐՈՒՄ Է «ԱՐՄԱՎԻՐԻ ԲԺՇԿԻՆ»

Արխիվ 12-16

4-ԱՄՅԱ ԷՐԻԿԻ ՄԱՀՎԱՆ ՄԵՋ ՀԱՅՐԸ ՄԵՂԱԴՐՈՒՄ Է «ԱՐՄԱՎԻՐԻ ԲԺՇԿԻՆ»

Արմավիրից Երեւանի «Սուրբ Աստվածամայր» բժշկական կենտրոն հունիսի 16-ին տեղափոխված եւ մոտ 2 շաբաթ անց մահացած 4-ամյա Էրիկը «մեկ ամիս անց կդառնար հինգ տարեկան: Բայց իր ոտքով` վազելով հիվանդանոցի աստիճանները բարձրացող երեխաս նախ` Արմավիրի բժշկի պատճառով ընկավ ցնցումների մեջ, ապա՝ կոմայի, ու ընենց կոմայի, որ Երեւանի բժիշկները, որոնցից շատ շնորհակալ եմ, էլ ոչինչ անել չկարողացան»,- մեզ հետ զրույցում բավական վրդովված եւ հուզված ասաց իր արու զավակին կորցրած հայրը` Սերգեյը, ով ՌԴ արտագնա աշխատանքի էր, բայց երեխային հիվանդանոց տեղափոխելուց հետո անմիջապես վերադարձել է: Փոքրիկ Էրիկի հայրը մեզ հետ զրույցում մասնավորապես նկատեց.

-Ես Էրիկիս մահվան մեջ մեղադրում եմ Արմավիրի բժշկին, չնայած իրենք գրել են, որ էրեխեն աղիքային ինֆեկցիայից է մահացել: Բայց հիմա իմ ձեռքի տակ կան Արմավիր ԲԿ-ի թղթերը, փաստում են, որ երեխան աղիքային ինֆեկցիայի պատճառով չէ, որ ընկել է կոմայի մեջ: Ասում են՝ ուղեղի բջիջներն են մահացել, բայց ինչից են մահացել, չեն ասում: Ես այնտեղ չեմ եղել, բայց կինս եղել է տեղում. երեխայի ջերմությունը եղել է 39.8: Բժիշկը ինչ-որ ներարկում է արել, իբր՝ ջերմիջեցնող` ջերմությունը հասցնելով 34 աստիճանի: Կինս պատմում է, որ դրանից անմիջապես հետո երեխան միանգամից ցնցումների մեջ է ընկել, ու բժիշկն անմիջապես կնոջս դուրս է հանել պալատից: Հետո արդեն գիտակցությունը կորցրած երեխային տեղափոխել են վերակենդանացման բաժանմունք: Տեղափոխելուց հետո զանգել են Երեւանի Շտապ օգնություն, բայց կես ճանապարհից նորից հետ են ուղարկել, մտածելով, որ արդեն վերջ` երեխան մահացել է: Հետո որոշ ժամանակ անց, նկատելով, որ թեթեւ սրտի աշխատանք կա, ուղարկել են Երեւան: Մենք ամեն ինչ անելու ենք, որ երեխայիս մահվան իրական հանգամանքները բացահայտվեն, բայց որ Արմավիրի բժիշկը իր մեղքի բաժինն ունի, դա քննարկման ենթակա չէ:
Զուգադիպությո՞ւն է, թե` ինչ, բայց նույն օրը` հունիսի 16-ին կրկին Արմավիրի հիվանդանոց տեղափոխված մեկ այլ 4-ամյա երեխա` Կարինե Հովհաննիսյանը, նույն օրն էլ մահացավ: Նորից նույն բացատրությունն են տալիս` աղիքային ինֆեկցիա: Երկու գործով էլ հարուցված է քրեական գործ, այնպես որ, սպասենք դրա արդյունքին:
ԻԼՈՆԱ ԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ