Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից

ՄԱՐՏՈՒՆԵՑԻՆԵՐԸ ԽՈՒՃԱՊԻ ՄԵՋ ԵՆ, ԻՍԿ ՊԱՏԿԱՆ ՄԱՐՄԻՆՆԵՐՆ` ԱՆՏԵՂՅԱԿ

Արխիվ 12-16

ՄԱՐՏՈՒՆԵՑԻՆԵՐԸ ԽՈՒՃԱՊԻ ՄԵՋ ԵՆ, ԻՍԿ ՊԱՏԿԱՆ ՄԱՐՄԻՆՆԵՐՆ` ԱՆՏԵՂՅԱԿ

 

Մի քանի ժամ առաջ սոցցանցերում մեծ աղմուկ բարձրացավ: Պարզվում է` մարտունեցիները (Գեղարքունիքի մարզի) հուժկու ձայն են լսել, որը պայթյուն է հիշեցրել: Արդեն իսկ տարբեր տեսակետներ են շրջանառվում, որոշ ֆեյսբուքյան օգտատերեր հավատացնում են, որ ինքնաթիռ է ընկել Վերին Գետաշենի շրջանում, մյուսները կատակում, թե Սեւանը հոգնել է պարսիկ լողացնելուց ու հետ է տալիս: Մի խոսքով խոսակցություններից տեղափոխվելով պատկան մարմինների հաղորդագրությունների ուսումնասիրությանը, մնացինք զարմացած եւ ոչ մեկ որեւէ տեղեկատվություն չի տարածել: «Իրավունքն», այնուամենայնիվ, կապ հաստատեց Գեղարքունիքի մարզի աշխատակազմի ղեկավար ՍԵՎԱԿ ԽԼՂԱԹՅԱՆԻ հետ, ով եւս լսել էր այս խոսակցությունների մասին. «Կարծես թե, բամբասանք է, ես էլ եմ լսել: Գյուղապետի հետ եմ խոսել, որ ճշտի, բայց պաշտոնական որեւէ տեղեկատվություն չկա»: Իսկ թե հնարավո՞ր է ինքնաթիռ ընկած լինի, պարոն Խլղաթյանն ընդգծեց. «Նման բան չեմ կարող ասել, քանի որ պաշտոնական նյութ չունեմ»: Իսկ Մարտունու քաղաքապետարանում ընդհանրապես ո՛չ տեսել էին, ո՛չ լսել այս մասին: Մեզ հետ զրույցում քաղաքապետարանի աշխատակազմի քարտուղարը հետեւյալն ասաց. «Ճիշտն ասած, Ձեզնից եմ լսում, ես նման տեղեկատվություն չունեմ, չեմ կարող ո՛չ հաստատել, ո՛չ հերքել, նման բան չեմ լսել»: Ի դեպ, հավելենք, որ Արտակարգ իրավիճակների եւ տարածքային կառավարման նախարարությունն էլ այս մասին որեւէ հաղորդագրություն չի տարածել:

 

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ