Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից

ՃԱՐՏԱՐԱՊԵՏ. ««ԶՎԱՐԹՆՈՑ»-Ի ՀԻՆ ՄԱՍՆԱՇԵՆՔԸ ԿԱՐԵԼԻ Է ՊԱՀՊԱՆԵԼ` ՄԻ ՔԱՆԻ ԱՄՐԱՑՄԱՆ ԱՇԽԱՏԱՆՔՆԵՐ ԿԱՏԱՐԵԼՈՎ»

Արխիվ 12-16

ՃԱՐՏԱՐԱՊԵՏ. ««ԶՎԱՐԹՆՈՑ»-Ի ՀԻՆ ՄԱՍՆԱՇԵՆՔԸ

ԿԱՐԵԼԻ Է ՊԱՀՊԱՆԵԼ` ՄԻ ՔԱՆԻ ԱՄՐԱՑՄԱՆ

ԱՇԽԱՏԱՆՔՆԵՐ  ԿԱՏԱՐԵԼՈՎ»


 

Օրեր առաջ Հանրային խորհուրդը  նորից անդրադարձավ Զվարթնոց» օդանավակայանի հին մասնաշենքի պահպանման խնդրին եւ հայտարարեց, որ անընդունելի է հին մասնաշենքի քանդումը: «Դրական գնահատել Կոնցեսիոների` «Արմենիա» միջազգային օդանավակայաններ» ՓԲԸ-ի նոր առաջարկությունը՝ պահպանելու «Զվարթնոց» օդանավակայանի հին մասնաշենքի կենտրոնական աշտարակը՝ միաժամանակ վերահաստատելով, որ կառույցի ամբողջական տեսքի պահպանումը, հատկապես մասնագետների հավաստմամբ, հնարավոր է մասնաշենքի նպատակային օգտագործման և ճարտարապետական արժևորման տեսանկյունից: Դիմել ՀՀ կառավարությանը՝ առաջարկելու Կոնցեսիոներին «Զվարթնոց» օդանավակայանի հին մասնաշենքի պահպանման և օգտագործման խնդրի լուծմանը ներգրավել նաև կառույցի հեղինակներին և Հայաստանի անվանի ճարտարապետներին»,- ասված է հայտարարության մեջ:

Ճարտարապետների միության նախագահ Մկրտիչ Մինասյանն այսօր  լրագրողների հետ հանդիպման ժամանակ խոսելով ՀԽ-ի կայացրած որոշման մասին, հույս հայտնեց, որ «Արմենիա» միջազգային օդանավակայաններ» ՓԲԸ-ը կհամագործակցի  ճարտարապետների հետ` ընդունելի լուծում տալու համար:

Ճարտարապետի խոսքով` հին մասնաշենքի քանդման առնչվող  քննարկումները եւս մեկ անգամ ցույց տվեցին, որ  ցանկացած ներդրողի որեւէ  կառույց հանձնելուց առաջ պետք է  մանրամասն նրան տեղեկացնել  կառույցի պատմության   մասին, հատկապես եթե այն մշակութային արժեք է:

Անդրադառնալով այն պնդմանը, թե «Զվարթնոց» օդանավակայանի հին մասնաշենքը վթարային վիճակում է, Մկրտիչ Մինասյանը դա հերքեց. «Մասնաշենքի  բազրիքները քայքայվել են,  հենասյուներից մեկն էլ ջրով է ողողվել: Բայց  այս իրավիճակը   կարելի է շտկել» :

ճարտարապետների միության նախագահը  պնդում է` «Զվարթնոց» օդանավակայանի հին մասնաշենքը չի կարելի քանդել: «Անհրաժեշտ է շենքի ամբողջ տեսքը պահպանել` մի քանի ամրացման աշխատանքներ անելով»,- եզրափակեց   ճարտարապետների միության նախագահը:


ՍՈՆԱ ԴԱՎԹՅԱՆ


Հավանեցի՞ր հոդվածը, կիսվիր ընկերներիդ հետ