Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից

Ո՞Վ ԿՎՃԱՐԻ ՆԱԶԱՐՅԱՆԻ ՊԱՏԻՎԸ ՓՐԿԵԼՈՒ ՀԱՄԱՐ

Արխիվ 12-16

Ո՞Վ ԿՎՃԱՐԻ ՆԱԶԱՐՅԱՆԻ ՊԱՏԻՎԸ ՓՐԿԵԼՈՒ ՀԱՄԱՐ

 

Հանրային ծառայությունները կարգավորող հանձնաժողովը որոշել է մաս-մաս ցրել իր գլխին կուտակված ամպերը՝ նպատակ ունենալով բարձրացնել հանձնաժողովի գործունեության նկատմամբ հանրության վստահությունն ու բացառել էլեկտրաէներգետիկական համակարգում 2015 թվականի սակագների սահմանման գործընթացի հիմնավորվածության վերաբերյալ տարաբնույթ մեկնաբանությունները: Այլ կերպ ասած հանձնաժողովը ուզում է  «բարձրացնել» իր գործունեության հանդեպ առկա վստահության 0-յական մակարդակը:

Եվ ահա հուլիսի 27-ին կայացած նիստում ՀԾԿՀ-ն որոշում է ընդունել համագործակցության առաջարկ ներկայացնել էլեկտրաէներգետիկական համակարգում խորհրդատվական ծառայություն մատուցող 5 խոշոր միջազգային խորհրդատու ընկերությունների: Այս քայլով Նազարյանը փորձում է  ստանալ ընդամենը երկու հարցի պատասխան՝

ա) ինչքանով էր հիմնավորված էլեկտրաէներգիայի սակագնի բարձրացումը,


բ) սակագնի չբարձրացման դեպքում ինչպիսի՞ վտանգներ են սպառնում էներգետիկ համակարգին:

Զարմանալի է, որ Նազարյանը  միջազգային հեղինակավոր կազմակերպությունների ժամանակը «խլելով» չի ուզում ստանալ հանրությանը հուզող այն ամենակարևոր և հիմնական  հարցերի պատասխանները, թե ընդհանրապես Հայաստանի էներգետիկ համակարգն ինչո՞ւ է կանգնել նման կրախի առջև, ո՞ւմ անմնացորդ, ջանասեր ու նվիրված «աշխատանքի» հետանքով և այլն:

Պարզից էլ պարզ է, որ  Հանրային ծառայությունները կարգավորող հանձնաժողովի նախագահը սրանով ոչ թե փորձում է վերականգնել հանրության վստահությունը, այլ ընդամենը փորձում է «արդարացնել» հոսանքի սակագնի վերջին թանկացումը: Դրանով Նազարյանը մի գնդակով երկու նապաստակ է ուզում որսալ՝ նախ փրկել սեփական կաշին, երկրորդ՝ մեկընդմիշտ փակել անցյալի մութ էջերը փորելու ճանապարհները, քանի որ բազում «վտակներից» հոսող «ջրերը» վաղուց փոխել են իրենց ուղղությունը:

Այսպիսով, ՀԾԿՀ-ն ուզում է շրջանցել հիմքերը և «ստանալ» լցված բաժակի միայն վերջին կաթիլի «հիմնավորումները»: Մնում է հասկանալ, թե կգտնվի՞ արդյոք իրեն հարգող որևէ կազմակերպություն, որն իր վիճակի կլինի աչքերը փակել սեփական հեղինակության վրա և նման «պատվեր» ընդունել: Եթե այո, ապա հետաքրքիր է, թե ի՞նչքան կկազմի այդ պատվերի գինը և ու՞մ գրպանից է այն վճարվելու:


ԱՐՄԻՆԵ ԳՐԻԳՈՐՅԱՆ


Հավանեցի՞ր հոդվածը, կիսվիր ընկերներիդ հետ