Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից

Ո՛Չ ԿՈՌՈՒՊՑԻԱՅԻՆ. ԽՆԴԻՐՆԵՐԸ՝ ԲԻԶՆԵՍԻՑ, ԼՈՒԾՈՒՄՆԵՐԸ՝ ԻՇԽԱՆՈՒԹՅՈՒՆՆԵՐԻՑ

Արխիվ 12-16

Ո՛Չ ԿՈՌՈՒՊՑԻԱՅԻՆ.  ԽՆԴԻՐՆԵՐԸ՝ ԲԻԶՆԵՍԻՑ,

ԼՈՒԾՈՒՄՆԵՐԸ՝ ԻՇԽԱՆՈՒԹՅՈՒՆՆԵՐԻՑ

 

Հակակոռուպցիոն ծրագրերի ազգային համակարգող Սուրեն Քրմոյանը «Իրավունք»-ի հետ զրույցում նշեց, որ մինչ այս թեև բիզնես-ոլորտի ներկայացուցիչներն առանձին դեպքերով բողոքներ ներկայացրել են, սակայն դա համակարգված բնույթ չի կրել, իսկ հիմա նրանք առաջին անգամ ներգրավվելու են Հայաստանում իրականացվող հակակոռուպցիոն պայքարում:

«Այսօրվա քննարկման ժամանակ պարզ դարձավ, թե ինչքան կարևոր է, երբ բիզնեսը թափանցիկ է աշխատում: Մի կազմակերպություն ներկայացրեց, թե ինչպես է պայքարում կոռուպցիայի դեմ: Դա շատ է օգնելու կառավարությանը կոռուպցիայի դեմ պայքարի ճանապարհին և՛ խնդիրները վերհանելու, և ՛ որպես օրինակ ներկայացնելու համար, թե ինչպես են իրենք կաշառքներ չվճարելով  փորձում  օրինական ճանապարհով գնալ»,- ասաց Ս. Քրմոյանը:

Նա նաև նշեց, որ փորձելու են հորդորել բիզնեսմեններին, որ հակակոռուպցիոն պայքարի ճանապարհին համագործակցեն իշխանությունների հետ: Խնդիրները, որոնք կբարձրացվեն կառավարությունը  կփորձի  կոնկրետ լուծումներ գտնել:

«Ես անձնապես վստահ եմ, որ եթե նույնիսկ փոքր քայլերից էլ սկսենք մենք արդյունք  կունենանք: Ես որպես քաղաքացի կօգտվեմ այն ծառայությունից, որը մաքուր է աշխատում: Ի վերջո բիզնեսն է տնտեսության հիմքը և ինչպես ես, այնպես էլ ամբողջ պետական պաշտպանական ու կառավարման համակարգը, որպես պետական ծառայողներ նմանատիպ հարկատուների միջոցներից ենք աշխատավաձ ստանում»,- ասաց է Քրմոյանը:

Նրա խոսքով ապագայում փորձ է արվելու կոռուպցիայի պայքարի ռազմավարության մեջ նշված  բյուրոկրատական քաշքշուկների նվազեցման և պետական ապարատի արդյունավետ գործունեության համակարգ  ստեղծել: Փորձելու են նաև կառավարությանը տարբեր առաջարկներ ներկայացնել փոքր և միջին ձեռներեցությամբ զբաղվողներին իրազեկելու և  նրանց համար հստակ խաղի կանոններ սահմանելու միջոցով:

«Մենք նման քննարկումներից դասեր ենք քաղում և փորձելու ենք առաջարկությունների հիման վրա մեխանիզմներ ստեղծել: Մենք շահագրգիռ կազմակերպությունների հետ նախատեսում ենք ավելի հաճախ հանդիպել, որպեսզի ոչ միայն խնդիրները քննարկենք, այլև դրանց լուծման մեխանիզմները գտնենք»,- ասում է Ս. Քրմոյանը:

Մնում է  հույսով սպասել, որ քայլ առ քայլ առաջ գնալով կառավարությանը իսկապես  կհաջողվի 21-րդ դարի պահանջներին համահունչ գրավիչ բիզնես միջավայր ստեղծել և ամեն ինչ անել, որ ոչ թե բիզնեսը դեռ ծնված խեղդվի, այլ՝  ապրի, զարգանա, նոր աշխատատեղեր ստեղծի ու  դեռ բազմանա:

ԱՐՄԻՆԵ  ԳՐԻԳՈՐՅԱՆ

Հավանեցի՞ր հոդվածը, կիսվիր ընկերներիդ հետ