Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից

ՀԵՐԹԱԿԱՆ ԱՆԳԱՄ ԱԳՆ-Ը ՊԱՏԱՍԽԱՆ ՉՈՒՆԻ ԱՅՍ ԱՆԳԱՄ ՎՐԱՍՏԱՆ ՄԵԿՆՈՂՆԵՐԻ ՀԱՄԱՐ

Արխիվ 12-16

ՀԵՐԹԱԿԱՆ ԱՆԳԱՄ ԱԳՆ-Ը ՊԱՏԱՍԽԱՆ ՉՈՒՆԻ ԱՅՍ

ԱՆԳԱՄ ՎՐԱՍՏԱՆ ՄԵԿՆՈՂՆԵՐԻ ՀԱՄԱՐ

 

ՀՀ ԱԳՆ  մոտ մեկ շաբաթ առաջ  հայտարարություն էր տարածել Վրաստան հանգստի մեկնողների համար: Նախարարությունը հորդորել էր հանգստի մեկնողներին   ստուգել` արդյոք  նրանց մոտ եղած դեղամիջոցները թույլատրված են Վրաստանում, որովհետև մի շարք դեղամիջոցներ հատուկ թույլտվության կարիք ունեն, եւ դրանք Վրաստանի տարածք ապօրինի հասցնելը նախատեսում է օրենքով սահմանված պատիժ: «Իրավունքին» էին դիմել  Վրաստան մեկնել ցանկացող մի խումբ  քաղաքացիներ`  տեղեկանալու այն դեղերի ցանկի մասին, որոնք կարող են իրենց հետ վերցնել:

Առողջապահության նախարարության դեղորայքային քաղաքականության եւ  բժշկական  տեխնոլոգիաների  վարչության  պետ Վարդուհի Գրիգորյանը  «Իրավունք»-ին  փոխանցեց, որ նախարարությունը չունի այդ  դեղերի ցանկը:  «Պետք է նայել այն երկրի` դեղերի մասին  օրենսդրությունը, որտեղ մեկնում է  քաղաքացին: Ինչքան տեղեկացված եմ, Վրաստանում բոլոր դեղերը դեղատոմսով են: Միգուցե ԱԳՆ-ը եւ ՀՀ-ում Վրաստանի դեսպանատուն դիմեք»,-ասաց վարչության պետը:

ԱԳՆ մամլո խոսնակ Տիգրան Բալայանն էլ մեզ տեղեկացրեց, որ Թբիլիսում ՀՀ դեսպանությունը  համապատասխան հայտարարագրով դիմել է Վրաստանի  իշխանություններին` խնդրելով տրամադրել արգելված ու չթույլատրված դեղամիջոցների  ցանկը: Այն ստանալուն պես ԱԳՆ-ը  կհրապարակի:

Հ.Գ. Տեղին է հիշել ժողովրդական ասացվածքը` հերթական անգամ ԱԳՆ-ը քնած է էշի ականջում: Բավական չէ, որ  ԱԳՆ-ի  հայտարարությունը  տարածվում է  մեկ շաբաթ առաջ, այն դեպքում, երբ  հանգստի սեզոնը մեկ ամսից ավելի  է, որ սկսվել է, հիմա էլ պարզվում է` դեղերի ցանկը դեռ հայտնի չէ: Հետաքրքիր է` միգուցե ցանկը հրապարակվի հանգստի սեզոնի ավարտից հետո, օրինակ, աշնան կեսերին, կամ ասենք Ամանորի նախաշեմին` որպես ամանորյա  «յուրօրինակ» նվեր: Իսկ մինչ այդ, քանի դեռ  արգերլված ու չթույլատրվող դեղերի ցանկը հրապարակված չէ,  քաշքշուկների  մեջ  ու իրավապահների ուշադրության կենտրոնում  չհայտնվելու համար  Վրաստան հանգստի  մեկնող քաղաքացիները պետք է  տասը չափեն, մեկը կտրեն` արժե՞ անցավ գլուխը դնել ցավի տակ, հատկապես երբ ցավը կտրող մեկ դեղամիջոց անգամ չի ունենալու:


ՍՈՆԱ ԴԱՎԹՅԱՆ


Հավանեցի՞ր հոդվածը, կիսվիր ընկերներիդ հետ