Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից

«ԻՐԱՎՈՒՆՔ»-Ի ԴԻՏԱՐԿՄԱՆՆ ԱՐՁԱԳԱՆՔԵԼ Է ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅՈՒՆԸ

Արխիվ 12-16

«ԻՐԱՎՈՒՆՔ»-Ի ԴԻՏԱՐԿՄԱՆՆ ԱՐՁԱԳԱՆՔԵԼ Է

ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅՈՒՆԸ

 

Այսօր, «Իրավունք»-ն անդրադարձել էր  Արդարադատության նախարարության աշխատակազմի Տեղեկատվության և հասարակայնության հետ կապերի վարչության կողմից վարչության նոր պետի նշանակման մասին հաղորդագրության բովանդակությանը:

«Իրավունք»-ի «ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ՖՈԿՈՒՍ-ՄՈԿՈՒՍԸ» վերնագրով նյութին արագ արձագանքեց նախարարության լրատվականը, մանրամասն ներկայացնելով պարզաբանումներ մեր կողմից բարձրացված բոլոր  հարցադրումներին: Արդարադատության նախարարության  պարզաբանումը ներկայացնում ենք ամբողջությամբ:

ՊԱՐԶԱԲԱՆՈՒՄ

Հարգելի գործընկերներ

Արդարադատության նախարարության աշխատակազմի Տեղեկատվության և հասարակայնության հետ կապերի վարչությունն այսօր հաղորդագրություն էր տարածել Վարչության նոր պետի նշանակման վերաբերյալ:

Շատերի մոտ թյուրընկալման տեղիք էր տվել «Նախարարի 2015 թվականի օգոստոսի 7-ի  հրամանով նշանակվել է» արտահայտությունը՝ հիմք ստեղծելով մտածելու, որ կամ վրիպակ է եղել կամ Արդարադատության նոր նախարար է նշանակվել:

Հիշեցնում ենք, որ Հայաստանի Հանրապետության վարչապետի 2015 թվականի հուլիսի 14-ի N 604-Ա որոշմամբ (https://www.e-gov.am/decrees/item/14729/), Հայաստանի Հանրապետության արդարադատության նախարարի պարտականությունները ժամանակավորապես դրվել են Հայաստանի Հանրապետության արդարադատության նախարարի առաջին տեղակալ Արսեն Մկրտչյանի վրա, ով իրավասու է ստորագրելու նաև «Նախարարի հրաման» իրավական ակտը (իրավական ակտերի տեսակները սահմանված են «Իրավական ակտերի մասին» ՀՀ օրենքով):

Իսկ Լուսինե Մարտիրոսյանին ՀՀ ԱՆ աշխատակազմի տեղեկատվության և հասարակայնության հետ կապերի վարչության պետի պաշտոնում նշանակելու մասին «Նախարարի հրաման» իրավական ակտը (http://moj.am/storage/files/legal_acts/legal_acts_3895181197521_Hraman-392_1_.pdf) ստորագրվել է՝ ղեկավարվելով «Քաղաքացիական ծառայության մասին» Հայաստանի Հանրապետության օրենքի 14-րդ  հոդվածի 10-րդ մասով, 15-րդ հոդվածի 2-րդ մասի «գ» կետով, Հայաստանի Հանրապետության քաղաքացիական ծառայության խորհրդի 2002 թվականի հունիսի 13-ի «Քաղաքացիական ծառայության թափուր պաշտոն զբաղեցնելու համար մրցույթ անցկացնելու կարգը սահմանելու մասին» N 17-Ն որոշմամբ սահմանված հավելվածի 75-րդ և 76-րդ կետերով, ինչպես նաև հիմք ընդունելով Հայաստանի Հանրապետության արդարադատության նախարարության աշխատակազմի տեղեկատվության և հասարակայնության հետ կապերի վարչության պետի (ծածկագիր՝ 14-2.1-16) թափուր պաշտոնն զբաղեցնելու համար մրցույթ անցկացնող մրցութային հանձնաժողովի 2015 թվականի օգոստոսի 5-ի N 5 որոշման եզրակացությունը և Լ. Մարտիրոսյանի դիմումը:

ՀՀ ԱՆ տեղեկատվության և հասարակայնության հետ կապերի վարչություն

Հավանեցի՞ր հոդվածը, կիսվիր ընկերներիդ հետ