Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Տասը տարի՝ ռուսական արվեստի թանգարանի վերափոխման ճանապարհին Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից

«ՀԱՄԱԼԻՐԻ ՀԵՏԱԳԱ ՃԱԿԱՏԱԳԻՐԸ ՀԱՆՐՈՒԹՅԱՆ ԽՆԴԻՐՆ Է»

Արխիվ 12-16

«ՀԱՄԱԼԻՐԻ ՀԵՏԱԳԱ ՃԱԿԱՏԱԳԻՐԸ ՀԱՆՐՈՒԹՅԱՆ

ԽՆԴԻՐՆ Է»

 

Ինչպես հայտնի է, կառավարության երեկվա որոշմամբ պաշտպանության նախարարության հաշվեկշռում գտնվող  Կարեն Դեմիրճյանի անվան մարզահամերգային համալիրը  վաճառվեց 30 մլն ԱՄՆ դոլարին համարժեք դրամով:

Հիշեցնենք` նախորդ տարի Կարեն Դեմիրճյանի անվան մարզահամերգային համալիրը հանվեց աճուրդի 19.350 000 000 դրամով:Սակայն գնորդ միանգամից  չհայտնվեց: Յոթ անգամ կառույցը  դրվեց աճուրդի, եւ յուրաքանչյուր աճուրդի ժամանակ գինը նվազեցվեց տասը տոկոսով:

Տեղեկացնենք նաեւ, որ համալիրը պատկանում էր  «ԲԱՄՕ»-ի սեփականատերեր Մուրադյան եղբայրներին, որոնք 2012 թ-ին, ըստ մամուլի տեղեկությունների, ՀՀ կառավարությունից  20 մլն ԱՄՆ դոլարի վարկ էին վերցրել, որի դիմաց էլ գրավադրել էին համալիրի բաժնետոմսերի 75 տոկոսը:  Չկարողանալով վճարել վարկը` պետությունը  համալիրը վերցրել էր Մուրադյան եղբայրներից եւ այն հանձնել պաշտպանության նախարարությանը:

Ի դեպ, «ԲԱՄՕ» շինարարական ընկերության հիմնադիր Մուրադ Մուրադյանը Իրաքում 2010-2014 թթ-ին եղել  է ՀՀ դեսպան:

Համալիրի մամլո նախկին խոսնակ Կորյուն Գրիգորյանն ու համալիրի նախկին ղեկավարության  փաստաբան Արմինե Հակոբյանն այսօր լրագրողների հետ զրույցում ասացին, որ  համալիրի վաճառքն անընդունելի է իրենց համար: Ավելին` անգամ 30 մլն դոլարն է ցածր գին նման մեծ կառույցի համար: Կորյուն Գրիգորյանի խոսքով`նախատեսված գնից գոնե երկու-երեք անգամ ավելի թանկ պետք է կառույցը վաճառվեր:

Բանախոսները կարծում են, որ  շենքի վաճառքի  փաստով անհանգստանալն  արդեն հանրության խնդիրն է` հասարակությունը ցանկանո՞ւմ է  համալիրում տեսնել խաղատուն ջրաշխարհ, ուրեմն այդպես էլ կլինի: «Մարզահամերգային ՓԲԸ-ն  իր իրավունքները պաշտպանում է բացառապես  իրավական ճանապարհով»,- ասաց  մամլո նախկին խոսնակը, ապա հավելեց`  իրենց պայքարի նպատակը պահպանել համալիրն այն տեսքով, որն այսօր կա:

Փաստաբան Արմինե Հակոբյանն  էլ տեղեկացրեց, որ համալիրի ՓԲԸ-ի հետ կան  բազմաթիվ դատական վեճեր: Դրանցից մեկը քննվում է  Կենտրոն եւ Նորք Մարաշ  ընդհանուր իրավասության դատարանում: «Մեկ տարուց ավելի քննվում է կառավարության եւ ԴԱՀԿ-ի միջեւ կնքված համալիրի գույքը հանձնելու պայմանագրի վիճարկումը»,-հիշեցրեց Արմինե Հակոբյանը:

Վերոնշյալ գործից զատ` բազմաթիվ ընկերություններ, անհատներ պահանջում են պաշտպանության նախարարությունից  համալիրում գտնվող իրենց գույքը, սակայն  այս գործերով եւս  չեն կայացվել դատական ակտեր: Բայց համալիրի  գույքը, ըստ փաստաբանի, օտարվում է մի ընկերության, որը ստեղծվել է այս տարվա հուլիսի քսանին:


ՍՈՆԱ ԴԱՎԹՅԱՆ


Հավանեցի՞ր հոդվածը, կիսվիր ընկերներիդ հետ