Տասը տարի՝ ռուսական արվեստի թանգարանի վերափոխման ճանապարհին Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում

Ի հեճուկս ադրբեջանի` Լ. Կազարնովսկայան երեւանյան համերգից հետո հնարավոր է կրկին գնա Արցախ

Արխիվ 12-16

Ի հեճուկս ադրբեջանի` Լ. Կազարնովսկայան երեւանյան համերգից հետո հնարավոր է կրկին գնա Արցախ


ՌԴ վաստակավոր արտիստ, օպերային դիվա ԼՅՈՒԲՈՎ ԿԱԶԱՐՆՈՎՍԿԱՅԱՆ, ադրբեջանի սեւ ցուցակում հայտնվելուց հետո, կարծես ավելի է ամրացնում կապերը հայերի հետ: Դիվան տենոր, Օպերայի եւ բալետի ազգային ակադեմական թատրոնի գեղարվեստական ղեկավար ԳԵՂԱՄ ԳՐԻԳՈՐՅԱՆԻ հետ Սեպտեմբերի 4-ին հանդես կգան համատեղ բարեգործական համերգով` Ա. Սպենդիարյանի անվան օպերայի եւ բալետի ազգային ակադեմիական թատրոնում:


Բարեգործական համերգից ստացված հասույթը կտրամադրվի  Երեւանում օպերային արվեստի ակադեմիայի կառուցմանը:


Հիշեցնենք, որ ռուս հանրահայտ օպերային երգչուհի Լյուբով Կազարնովսկայայի անունը հայտնվեց ադրբեջանական սեւ ցուցակում, երբ երգչուհին ամիսներ առաջ այցելեց Արցախ եւ Ստեփանակերտի երաժշտական  դպրոցում վարպետության դասեր անցկացրեց, ինչը, նյարդայնացրեց Ադրբեջանին: Կազարնովսկայան արձագանքելով Ադրբեջանի ԱԳՆ-ն տխրահռչակ ցուցակում հայտնվելուն ռուսական ԶԼՄ-ներին տված հարցազրույցում ասել է, որ հպարտ է Մոնսերատ Կաբալյեյի հետ նույն ցուցակում հայտնվելու համար` նկատի ունենալով իսպանացի աշխարհահռչակ օպերային աստղին, ով Արցախ այցելելուց հետո նույնպես հայտնվել էր ադրբեջանական սեւ ցուցակում. «Մոնսերատ Կաբալյեյի հետ նույն ցուցակում եմ, ինչով չափազանց հպարտ եմ: Լեռնային Ղարաբաղը հոյակապ վայր է, որտեղ ես երիտասարդ ստաժորների էի տարել: Ես չեմ մտահոգվում: Քանի դեռ աշխարհում գոյություն ունի ագրեսիա, աշխարհում խաղաղություն չի լինի: Այնտեղ` Ղարաբաղում, մարդիկ տրամադրված են առանց պատերազմի աշխարհին, երեխաների ծննդին»,- ասել է դիվան:

Ի դեպ, երգչուհին անտեսելով Ադրբեջանի սեւ ցուցակները մտադրված է երկարաժամկետ համագործակցել մշակույթի գործիչների հետ եւ պատրաստվում է սեպտեմբերին նորից այցելել Արցախ:

 


ԼԻԼԻԹ ԵՂԻԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ