Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ)

ՊԱՏԳԱՄԱՎՈՐ.«ՍԱՀՄԱՆԱԴՐԱԿԱՆ ԲԱՐԵՓՈԽՈՒՄՆԵՐԻ ՀԱՆՁՆԱԺՈՂՈՎՈՒՄ ԴԱՎԱՃԱՆՆԵՐ ՈՒ ԴԱՎԱԴԻՐՆԵՐ ՉԿԱՆ»

Արխիվ 12-16

ՊԱՏԳԱՄԱՎՈՐ.«ՍԱՀՄԱՆԱԴՐԱԿԱՆ ԲԱՐԵՓՈԽՈՒՄՆԵՐԻ ՀԱՆՁՆԱԺՈՂՈՎՈՒՄ ԴԱՎԱՃԱՆՆԵՐ ՈՒ ԴԱՎԱԴԻՐՆԵՐ ՉԿԱՆ»

 

Նոր Սահմանադրության նախագծի  որոշ ընդդիմախոսները միաբերան պնդում են, որ   այս նախագծով վտանգված է մեր արժեահամակարգը: Վտանգված են մեր ընտանիքը, երեխաները,  ազգային անվտանգությունը, քանի որ  կրոնական կազմակերպություններին տրված է  լայն հնարավորություն, երկու անգամ շեշտվել է այլընտրանքային զինվորական ծառայությունը:   «Իրավունք»-ը  «Քրիստոնեա-դեմոկրատական» կուսակցության ղեկավար, ՀՀԿ պատգամավոր Խոսրով Հարությունյանից պարզեց` ընդունում է այս մտահոգությունները:  «Բայց ինչպե՞ս են դա  հիմնավորում: Ճիշտն ասած`  մտահոգիչ դրույթներ եթե լինեին դրանք, ապա կարձագանքեի: Կամ ուշադիր չեմ եղել, կամ  դրանք մտահոգիչ չեմ համարել, եւ այդ բանաձեւումներն ինձ   համար աներկբա հասկանալի են»,- ասաց Հարությունյանը:

- Այլընտրանքային զինվորական ծառայությունը երկու անգամ է շեշտադրվում նոր սահմանադրության նախագծում: Ինչո՞ւ, եթե դա  մեր ազգային անվտանգությանը սպառնալիք է:

- Ես չեմ կարծում, որ  սահմանադրական բարեփոխումների հանձնաժողովում նստած` ամեն ինչ անում են, որ մեր ազգային անվտանգությունը խոցելի լինի: Դուք  առաջնորդվում ենք այն կանխավարկածով, որ այնտեղ նստած են դավադիրներ, որոնք անում են ամեն ինչ` երկիրը վատացնելու համար: Եթե երկու անգամ է  շեշտադրվում այլընտրանքային զինվորական ծառայությունը, կփորձեմ հասկանալ` գուցե էստեղ  տրամաբանություն կա: Բայց երբեք չեմ մտածի, որ այնտեղ նստած են դավաճաններ, որոնք  փորձում են մեր երկիրը  տանել վատացման:

- Նոր սահմանադրության նախագծում կրոնական կազմակերպություններին  տրված մի փոքր լայն ինքնավարություն: Դա  եւս մտահոգիչ չե՞ք համարում:

- Եվրոպական մեր համայնքին մերձենալու եւ եվրոպական արժեքներին համահունչ դարձնելու համար է դա արված:

- Այսինքն` պարտադրա՞նք է մեզ:

- Պարտադրանք չեմ տեսնում: Լսե՛ք, այս սահմանադրությունն ինչպես էլ ընդունենք, ո՛չ վենետիկի հանձնաժողովը, ո՛չ  Եվրոպայի խորհուրդը,  չի կարող ասել` ինչու դա արեցիք: Նրանք կարող են կարծիք հայտնել, բայց չեն կարող մեզ պարտադրել:

- Քաղաքագետներից մեկը երեկ հայտարարեց, որ նոր սահմանադրությունը մեր իշխանությանը պարտադրված է ԵՄ-ի կողմից, քանի որ  որոշ շրջանակներ  սիլի-բիլի են անում ԵՄ-ի  հետ:

- Ոչ, սա մեր անհասկանալի ընդդիմության  քաղաքական նախաձեռնությունների  ուղղակի տրամաբանական շարունակությունն է:

- Խոսքը ընդդիմությանը չի վերաբերում, այլ հանրային որոշ շրջանակների:

-Ես կարո՞ղ եմ չհամաձայնել իրենց հետ:

- Այո, դա Ձեր իրավունքն է:

- Ես համաձայն չեմ նրանց հետ:

 


ՍՈՆԱ ԴԱՎԹՅԱՆ


 

Հավանեցի՞ր հոդվածը, կիսվիր ընկերներիդ հետ