Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն

«Հայկական շրջանակը» մարտական է տրամադրված. «ՀԱՍԱՆՔ ՄԵՐ ՈՒԶԱԾԻՆ, ԵՎ ԱՅՈ՛` ՍԱ ԴԵՌ ՍԿԻԶԲՆ Է»

Արխիվ 12-16

«Հայկական շրջանակը» մարտական է տրամադրված. «ՀԱՍԱՆՔ ՄԵՐ ՈՒԶԱԾԻՆ, ԵՎ ԱՅՈ՛` ՍԱ ԴԵՌ ՍԿԻԶԲՆ Է»

 

«Հայկական շրջանակ» նախաձեռնությունը մեկնարկեց` սկզբնակետ ընտրելով հայական տարազը:  Նախագծի իրականացմանն աջակցեց նաեւ Տերյան մշակութային կենտրոնը, որը սկզբից թերահավատորեն էր մոտենում երիտասարդական նախաձեռնությանը:  Բայց այսօր շարունակվում է համագործակցությունը, ինչը փաստում է «Հայկական շրջանակ» նախաձեռնության կայացման մասին: «Հայկական շրջանակը» բացահայտեց երիտասարդ լուսանկարիչների, որոնց համար կարեւոր է ազգային դիմագիծը:

Տերյան մշակութային կնետրոնի պաշտոնոական էջում ներկայացված է ֆոտոշարք, որի հեղինակը «Հայկական շրջանակ» լուսանկարչական մրցույթ-ցուցահանդեսում մրցանակի արժանացած Արմեն Մխոյանն է:

«Շատ եմ կարեւորում ազգայինի պահպանումը, մեր նախնիներից ժառանգած մշակույթին անդրադառնալը: «Հայկական շրջանակը» նախագիծ է, որ սկիզբ առավ անդրադառնալու վերջինիս, մոտիվացնելով լուսանկարչության ոլորտին` հայացք գցել դեպի տարազները: Տերյան մշակութային կենտրոնի աջակցությամբ` սկիզբ դրվեց կարեւոր գործի, որի արդյունքում մի խումբ լուսանկարիչներ մասնակցեցին նախագծին` ներկայացնելով իրենց պատկերացումները ազգային մշակույթի վերաբերյալ: Ես մասնակցեցի` կարեւորելով իմ ներդրումը ազգայինի պահպանման գործում, եւ համագործակցությունը նոր ուղիներ բացեց, կարծում եմ` դեռ շատերն էլ կբացվեն: Սիրում եմ տարազներով կերպարներ լուսանկարել, մենք պետք է տարբերենք մեզ ու մեր ազգայինը, որպեսզի չխառնվենք այլ ազգերի ավանդույթներին եւ ազգային դրսեւորումներին, պետք է գիտակցենք, որ մենք ՀԱՅ ենք:»,- ազգայինի պահպանմանն ուղված հորդորով է ավարտում իր խոսքը լուսանկարիչ ԱՐՄԵՆ ՄԽՈՅԱՆԸ:

Ի դեպ, լուսանկարներում Տերյան մշակութային կենտրոնի մենեջեր ԱՆԻ ՄԱՐԳԱՐՅԱՆՆ է, ով մեզ հետ զրույցում ընդգծեց. «Լուսանկարվելու առաջարկը ստացել էի Արմենից: Տեսնելով Արմենի լուսանկարները եւ զրուցելով իր հետ՝ հասկացա, որ ամեն քայլի սովորող ու ավելիին ձգտող, հետաքրքիր պատկերացումների տեր մարդ է, որոշեցինք հայկական ավանդական հագուստն ու ճարտարապետությունը զուգակցել: Ընտրեցինք, բնականաբար, Տերյան մշակութային կենտրոնի վարպետների ստեղծած հագուստները, աքսեսուարները՝ գլխազարդը, գոտին, վզնոցը, իսկ որպես նկարահանման վայր՝ Զվարթնոցը:

Բավականին տոթ էր, խանգարող բազում հանգամանքներ կային, բայց մենք կարողացանք գործը գլուխ բերել կարծում եմ: Լուսանկարահանման ողջ ընթացքին հետեւում էին Իտալիայից ժամանած հյուրեր, ընթացքում մեզ մոտեցան ու պարբերաբար լուսանկարում եւ հետաքրքրվում էին Զվարթնոցի ավերակներ այցելած զբոսաշրջիկների խմբերը: Ստացվեց ավերակների վրա իշխող դշխուհու կերպար, որ ցանկանում է վերածնվել ու վերածնել այդ ավերակները, ինչպես Տերյան կենտրոնն է վերածնում մոռացության մատնված տարազները: Հատուկ շնորհակալություն եմ ուզում հայտնել նաեւ Շուշան Ստեփանյանին` դիմահարդարման համար: »,- Անի Մարգարյանը այսպես է ներկայացնում իր եւ լուսանկարիչ Արմեն Մխոյանի համատեղ աշխատանքը:  Խոսելով «Հայկական շրջանակի» եւ Տերյան մշակութային կենտրոնի համագործակցության մասին` հավելեց. «Ես նախընտրում եմ խոսել փաստերով, իսկ փաստն այն է, որ «Հայկական շրջանակ» նախագծի լուսանկարիչները  շարունակում են ինտենսիվորեն աշխատել, ընտրել են առաջ գնալու, վարպետանալու, անընդհատ ինքնակատարելագործվելու ուղին, ուստի` նախագիծը սկիզբն էր: Այն միանշանակ անհրաժեշտ է մեր օրերում եւ շարունակական աշխատանքի դեպքում կդառնա երիտասարդների ներուժը խթանող նախաձեռնություն»:

Իսկ նախագծի լուսանկարչական մասի պատասխանատու ԼՈՒՍԻՆԵ ԲՈՒՂԱՅԱՆԸ փաստում է. «Մեզ համար նպատակային էր լուսանկարիչների նոր հոսք բացահայտելը, ստեղծել նոր համագործակցություններ, որոնք հիմքում կունենան ազգայինը: Մենք գիտեինք, որ մեզ միանգամից հավատալն ու վստահելը դժվար կլինի, բայց սկզբի համար, դժվարն անցավ ու մնաց արդյունքը. հասանք մեր ուզածին, եւ այո՛` սա դեռ սկիզբն է»:


ՔՐԻՍՏԻՆԵ ՊԵՏՐՈՍՅԱՆ

Հավանեցի՞ր հոդվածը, կիսվիր ընկերներիդ հետ