Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ)

Հ. Նաղդալյան. «Բարեկամական խմբի ղեկավարի նշանակումը բացառապես ԱԺ նախագահի լիազորությունն է»

Արխիվ 12-16

Հ. Նաղդալյան. «ԲԱՐԵԿԱՄԱԿԱՆ ԽՄԲԻ ՂԵԿԱՎԱՐԻ ՆՇԱՆԱԿՈՒՄԸ ԲԱՑԱՌԱՊԵՍ ԱԺ ՆԱԽԱԳԱՀԻ ԼԻԱԶՈՐՈՒԹՅՈՒՆՆ Է»

 

Արդեն մի քանի օր է, ինչ չեն դադարում մամուլում ու սոցցանցերում տարաբնույթ մեկնաբանություններն ու քննարկումներն այն մասին, թե ԱԺ փոխնախագահ ՀԵՐՄԻՆԵ ՆԱՂԴԱԼՅԱՆԸ հրաժարվել է Հայաստան-ԱՄՆ բարեկամական խմբի ղեկավարումից` ԱՄՆ արտակարգ եւ լիազոր նորընտիր դեսպան Ռիչարդ Միլզի հորդորով: Ավելին` նույն խոսակցությունների համաձայն, ամերիկացի դիվանագետը պատճառաբանել է, որ տիկին Նաղդալյանը լինելով ռուսական «Գրիբայեդով» ակումբի անդամ` չի կարող ղեկավարել Հայաստան-ԱՄՆ բարեկամական խումբը: Հենց այդ պատճառով էլ վերոնշյալ խմբի ղեկավարումը ստանձնել է ԱԺ ՀՀԿ խմբակցության պատգամավոր Սամվել Նիկոյանը: Սակայն, պարզվում է` իրականությունը բոլորովին այլ է, եւ հայ-ամերիկյան բամբասանք դարձած թեմային վերջակետ է դրել Հ. Նաղդալյանը` մասնավորապես պարզաբանելով հետեւյալը. «Առհասարակ, ճիշտ կլիներ, որ մեր հանրային  քննարկումները եւ լրատվական դաշտը զերծ մնային  չճշտված  տեղեկատվությունների, հորինված վարկածների հրապարակումից: Առավել եւս, երբ դրանք վերաբերում են միջպետական  հարաբերություններին, կամ երկրի համար  կարեւոր այլ հարցերի: Ինչ վերաբերում է այս խոսակցություններին, ապա ասեմ, որ այն բացարձակապես չի համապատասխանում իրականությանը: Հայ-ամերիկյան բարեկամական խմբի ղեկավարի փոփոխության միակ պատճառը եղել է իմ բազմազբաղությունը, քանի որ միեւնույն ժամանակ Հայ-ռուսական  միջխորհրդարանական հանձնաժողովի համանախագահն եմ, Հայաստան-Չինաստան, Հայաստան-Վրաստան, Հայաստան-Իսպանիա բարեկամական խմբերի  ղեկավարն եմ, ունեմ բավական մեծ  ծանրաբեռնվածություն  ԱՊՀ միջխորհրդարանական վեհաժողովում  եւ այլ  խորհրդարանական եւ կուսակցական պարտականություններ: 2014 թվականի ամռանից  ղեկավարում եմ  նաեւ ԵԽԽՎ  հայաստանյան  պատվիրակությունը եւ այդ իմաստով, իսկապես, աշխատում եմ մեծ  ծանրաբեռնվածությամբ: Այդ  համատեքստում`  իմ  գործրնկեր Սամվել Նիկոյանի  հետ  իմ աշխատասենյակում, մի  քննարկման  ժամանակ, իր կողմից եղավ առաջարկ`  աշխատելու  որպես  Հայ-ամերիկյան  խմբի ղեկավար, որը ինձ համար շատ ընդունելի էր: Մենք միասին  այդ  թեման  քննարկեցինք  ԱԺ նախագահի  հետ եւ ստացանք նրա համաձայնությունը: Դրա արդյունքում ԱԺ նախագահի կողմից  կայացվեց  համապատասխան որոշում եւ ս.թ. ապրիլի 17 –ին ստորագրվեց  բարեկամական  խմբի ղեկավարի փոփոխության մասին կարգադրությունը, որը բացառապես  ՀՀ  ԱԺ  նախագահի լիազորությունն է»: ԱԺ փոխնախագահը եւս մեկ անգամ ընդգծել է. «Մնացած  բոլոր  դատողությունները՝ թե՛ ԱՄՆ  դեսպանի միջամտության մասին, որն այդ օրերին նոր-նոր էր սկսում իր պաշտոնավարումը Հայաստանում, թե՛ «Գրիբոյեդով» ակումբի մասին, որին ես չեմ անդամակցում  եւ թե՛  մնացած  թեմաներով` բացարձակ անհիմն են եւ անտեղի: Իսկ բարեկամական  խմբի ղեկավար եղած ժամանակ ունեցել եմ հրաշալի աշխատանքային եւ բարեկամական հարաբերություններ թե՛ ԱՄՆ  դեսպանի եւ թե՛ դեսպանության աշխատակազմի հետ»: Եվ որպես հավելում` տիկին Նաղդալյանը շեշտել է. «Հայաստանն  ինքնիշխան  պետություն է, իր խնդիրները լուծում է իր պետական շահերին  համապատասխան, վարել եւ վարում է  պետականամետ եւ հավասարակշռված քաղաքականություն  միջազգային ասպարեզում, եւ դա նկատվում ու գնահատվում է ինչպես  գործընկեր-պետությունների, այնպես էլ միջազգային  կազմակերպությունների կողմից:


ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ