Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն

ՆՈՐ ՍԱՀՄԱՆԱԴՐՈՒԹՅՈՒՆԸ ԴԱՇՆԱԿՆԵՐԻ ՍՐՏՈՎ Է

Արխիվ 12-16

ՆՈՐ ՍԱՀՄԱՆԱԴՐՈՒԹՅՈՒՆԸ  ԴԱՇՆԱԿՆԵՐԻ ՍՐՏՈՎ Է

 

Սահմանադրության նախագիծը 90-95%-ով համապատասխանում է  դաշնակցության  պատկերացումներին, հետեւաբար փաստաթուղթը բավարարում է իրենց: Լրագրողների հետ հանդիպման ժամանակ այդ  մասին հայտարարեց ՀՅԴ խմբակցության ղեկավար Արմեն Ռուստամյանը:

Բանախոսը կարեւոր  է համարում սահմանադրության նոր նախագծի բովանդակային քննարկումը հանրության կողմից: Ամենամեծ ձեռքբերումը, ըստ դաշնակցական գործիչի, այն է, որ  սահմանադրության նոր նախագծով չի կարող մենիշխանություն լինել:

Սահմանադրության դեմ եղողները, ըստ Արմեն Ռուստամյանի, դեմ են, քանի որ ցանկություն ունեն նախագահ դառնալու, իսկ  սահմանադրության նոր նախագծով  դա վերացվում է:

ՀՅԴ խմբակցության ղեկավար Արմեն  Ռուստամյանին ուղղված  «Իրավունք»-ի այն դիտարկմանը, թե սահմանադրության մի քանի դրույթներ  (միջազգային իրավունքի  նորմերի գերակայություն, այլընտրանքային զինվորական ծառայություն, ընտանիք հասկացության ձեւակերպում, երեխաների իրավունքների մասին դրույթ, պետություն-եկեղեցի  հարաբերություններ) հանրային որոշ շրջանակներ սպառնալիք են մեր  ազգային անվտանգությանը, ՀՅԴ խմբակցության ղեկավարը պատասխանեց. «Այդ առումով  մենք խնդիր չունենք, որովհետեւ մարդու իրավունքների բաժինը  համապատասխանեցված է  եվրոպական հայտնի կոնվենցիային: Այսինքն`  սահմանադրության նոր բաժինն ավելի համապատասխան է  եվրոպական կոնվենցիային,  քան գործող սահմանադրությունը: Եվրոպական արժեահամակարգը չի հակասում մեր ազգային արժեահամակարգին»:

Ինչ վերաբերում է պետություն-եկեղեցի հարաբերությունների կարգավորմանը,  հայ առաքելական եկեղեցու դերը կարեւորված է,  քանի որ հարաբերությունները կարգավորվում են հատուկ համաձայնագրով:

Միջազգային իրավունքի գերակա նորմերն էլ, դաշնակցական գործչի խոսքով, Հայաստանի համար այն դեպքում, երբ  համապատասխանում է մեր սահմանադրությանը: «Մենք չենք կարող վավերացնել պայմանագրեր, որոնք հակասում են մեր սահմանադրությանը»,-եզրափակեց ՀՅԴ խմբակցության ղեկավարը:

Հ.Գ. Ի դեպ, ասուլիսին մասնակցում էր ՀՅԴ խմբակցության քարտուղար Աղվան Վարդանյանը, ով ողջ ասուլիսի ընթացքում ՀՅԴ-ի տեսակետն ավելի շատ ներկայացնում էր նա, սակայն ավանդաբար դա անում է խմբակցության ղեկավար Արմեն Ռուստամյանը: Ավելին, երբ «Իրավունք»-ը հարց ուղղեց ՀՅԴ խմբակցության ղեկավար Արմեն Ռուստամյանին, Աղվան Վարդանյանը կարծես  նեղսրտեց, ապա հատուկ ընդգծեց` ինքը  «Իրավունք»-ի հարցերին չի պատասխանում, այդ պատճառով տողերիս հեղինակը փաստորեն «ճարահատյալ» ընտրեց պրն Ռուստամյանին: Ոչ, պրն Վարդանյան, ամենեւին այդպես չէ, պարզապես Արմեն Ռուստամյանն է խմբակցության ղեկավարն ու նրա տեսակետն մեզ ավելի է հետաքրքրում: Իսկ ձեր ոգեւորությունը կարելի է, օրինակ հասկանալ, մոտ ապագայում ստեղծվելիք կոալիցիայով  ու հավանաբար ձեզ առաջարկվելիք մի  լավ պաշտոնով:


ՍՈՆԱ ԴԱՎԹՅԱՆ

Հավանեցի՞ր հոդվածը, կիսվիր ընկերներիդ հետ