Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ)

ՊԱՏՈՒՀԱՍ ԴԱՐՁԱԾ ՄԱՐԶԱՀԱՄԵՐԳԱՅԻՆ ՀԱՄԱԼԻՐԸ

Արխիվ 12-16

ՊԱՏՈՒՀԱՍ ԴԱՐՁԱԾ ՄԱՐԶԱՀԱՄԵՐԳԱՅԻՆ ՀԱՄԱԼԻՐԸ

1983-84 թվականներին կառուցված Կարեն Դեմիրճյանի անվան մարզահամերգային համալիրը, այնպիսի տպավորություն է, որ վերջին տարիներին պատուհաս էր դարձել բոլորի գլխին: Տարիներ առաջ շինությունը պատկանում էր «ԲԱՄՕ» ընկերությանը, որի սեփականատերեր Մուրադյան եղբայրները, 2012 թ.-ին ՀՀ կառավարությունից 20 մլն ԱՄՆ դոլարի վարկ էին վերցրել, որի դիմաց էլ գրավադրել էին համալիրի բաժնետոմսերի 75 տոկոսը: Վարկը չմարելու դիմաց պետությունը համալիրը վերցրց սեփականատերերից եւ հանձնեց ՀՀ պաշտպանության նախարարությանը:


Անցյալ տարի 19.350 000 000 դրամով համալիրը հանվեց աճուրդի, գնորդ չունենալու պատճառով կառույցը յոթ անգամ  դրվեց աճուրդի, եւ յուրաքանչյուր անգամ գինը նվազեցվեց տասը տոկոսով: Արդեն հայտնի է, որ օրերս էլ կառավարության որոշմամբ` Պաշտպանության նախարարության հաշվեկշռում գտնվող Կ. Դեմիրճյանի անվան մարզահամերգային համալիրը վաճառվեց 30 մլն ԱՄՆ դոլարին համարժեք դրամով:
Մասնավորապես, նշվում է, որ ծրագրով նախատեսվում է վերանորոգել համալիրի շենքը, իրականացնել կառուցապատում եւ ստեղծել ընտանեկան ուղղվածության համալիր կենտրոն, որն առաջինն է լինելու ոչ միայն Հայաստանում, այլեւ տարածաշրջանում: Համալիրն իր մեջ ներառելու է հյուրանոցներ, փակ ջրաշխարհ, համերգային դահլիճներ, հանդիպումների սրահներ, ռեստորաններ, խանութներ եւ խաղատուն:
Ամառային այս պասսիվ շրջանում համալիրի հետագա ճակատագիրը հասարակության մոտ դժգոհության ու անհանգստության առիթ է դարձել: Այս հրատապ խնդրի մասին «Իրավունքը» զրուցեց եւ պարզեց մշակույթի գործիչների տեսակետը:

«ՀԱՄԱԼԻՐՆ ԱՅԼ ՆՊԱՏԱԿՆԵՐԻ ՃԻՇՏ ՉԻ ԼԻՆԻ ԾԱՌԱՅԵՑՆԵԼԸ»
ՀՀ ժողովրդական արտիստ, կոմպոզիտոր ՄԱՐՏԻՆ ՎԱՐԴԱԶԱՐՅԱՆ - Անկախ նրանից, թե ով վաճառեց, ու ով գնեց, համալիրի նպատակային ծառայությունը  կպահպանվի, որովհետեւ սա միակ մեծ սրահն է, որտեղ կարող են անցկացվել ինչպես մեր, այնպես էլ` միջազգային փառատոներ, ընդունել հյուրեր, նոր համերգային ծրագրեր, նոր մտահղացումներ իրականացնել: Հատկապես, որ այժմ կառույցի տնօրենը մեր սիրելի ջազմեն Վազգեն Ասատրյանն է, արվեստի մարդ ու նախաձեռնող անձնավորություն, ապա, կարծում եմ, որ կպահպանվի համալիրի թե՛ համերգային, թե՛ սպորտային ուղղվածությունը, համալիրն այլ նպատակներին ճիշտ չի լինի ծառայեցնելը: Դա իմ ցանկությունն է ու սպասելիքները, թե հետո ինչ կանեն, դա չեմ կարող կանխատեսել:

 

«Ի ՍԿԶԲԱՆԵ ՍԽԱԼ ԷՐ ԱՅԴ ՎԱՅՐՈՒՄ ՀԱՄԱԼԻՐԻ ԿԱՌՈՒՑՈՒՄԸ»
ՀՀ ժողովրդական նկարիչ, քանդակագործ ԼԵՎՈՆ ԹՈՔՄԱՋՅԱՆ - Երբ Մարզահամերգային համալիրը կառուցվում էր, այն ժամանակ էլ ժողովուրդը ըմբոստացավ, թերթերը, հեռուստատեսությունը բողոքեցին, որ ինչպես կարելի է այդ սուրբ բլրի վրա, որտեղ Եղեռնի հուշահամալիրն է, բառացիորեն տաշի-տուշիի վայր սարքել, բայց Կարեն Դեմիրճյանն իհարկե չլսեց ու կառուցեց համալիրը: Մեկ տարի անց հրդեհեցին, այսինքն` ի սկզբանե սխալ էր այդ վայրում համալիրի կառուցումը: Էլ չեմ ասում, որ այն Քենեդու օդանավակայանի ընդօրինակումն է: Հիմա այս ամեն ինչից հետո, երբ ձեռքից ձեռք է անցել կառույցը, պատկերացրեք` ինձ համար միեւնույնն է, թե ինչ կդառնա,  կուզեն սառցադաշտ, թե ֆուտբոլի դաշտ կառուցել, արդեն միեւնույնն է: Այնպես որ, այդ անհանգստությունները շատ մասնակի են ու ավելորդ: Ի սկզբանե սխալ էր, ու այդ սխալը շարունակվում է:

 

Ներկայացրեց ԼԻԼԻԹ ԵՂԻԱԶԱՐՅԱՆԸ

Հավանեցի՞ր հոդվածը, կիսվիր ընկերներիդ հետ