Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն

«Ընդհանրապես ԲՀԿ-ն սովոր է, որ իրեն միանան, ոչ թե ինքը միանա». ԲՀԿ պատգամավոր

Արխիվ 12-16

«Ընդհանրապես ԲՀԿ-ն սովոր է, որ իրեն միանան, ոչ թե ինքը

միանա». ԲՀԿ պատգամավոր

 

Ինչպես հայտնի է,հանրային որոշ շրջանակներ դեմ են նոր սահմանադրության նախագծին, քանի որ այն, ըստ նրանց, վտանգում է մեր արժեհամակարգը: Խոսքը վերաբերում է սահմանադրության մի քանի դրույթների` այլընտրանքային զինծառայության երկուանգամյա շեշտադրում, երեխաների իրավունքների մասին դրույթ, միջազգային իրավունքի  նորմերի գերակայում, «ընտանիք» դրույթի ձեւակերպում:

ԲՀԿ պատգամավոր Միքայել Մելքումյանից «Իրավունք»-ը պարզեց` վերոնշյալ  դրույթներն ընդունելի՞ են նրա  ու ԲՀԿ-ի համար: «Այն, որ միջազգային  իրավունքի  նորմերը գերակայում են, դա մտահոգիչ է: Կայուն մեծամասնության դրույթը եւս մտահոգիչ է: Բայց նաեւ դրական  դրույթներ էլ են կան: Օրինակ, քաղաքացու ձայնը լսելի  կարող է  դառնալ,  երեխաների իրավունքների հետ կապված եւս դրական բան եմ տեսնում»,- ասաց պատգամավորը:

- Բայց երեխաների իրավունքների մասին դրույթը, հանրային որոշ շրջանակների կողմից, քննադատվել է: Եթե նոր սահմանադրությունն ընդունվի, ապա  ըստ մտահոգվողների` երեխաներն առքուվաճառքի կենթարկվեն:


- Չեմ կարծում, չէ, չէ: Որոշակի համապատասխանեցում միջազգային պայմանագրերին  եղել է, բայց... Նոր սահմանադրությունում գրված է, որ  որոշ դրույթներ պետք է առանձին կարգավորվեն:


- ԲՀԿ-ն, փաստորեն,  չի միանա  ՀԱԿ առաջնորդ Լեւոն Տեր-Պետրոսյանին, ով աշնանը  ժողովրդին փողոց է  հանելու ընդդեմ սահմանադրական բարեփոխումների:


- Մենք չենք քննարկել այդ հարցը, ես տեղյակ չեմ: Բայց եթե «ոչ»-ի շարժում է (նկատի ունի դեմ է սահմանադրական բարեփոխումների դեմ շարժումը-խմբ.), մենք չենք միանա: Ընդհանրապես ԲՀԿ-ն սովոր է, որ իրեն միանան, ոչ թե ինքը միանա:


- Այլընտրանքային զինվորական ծառայության երկուանգամյա շեշտադրումը արդյոք սպառնալիք  չէ մեր ազգային անվտանգությանը:


- Ես էստեղ զգույշ  կարտահայտվեմ: Մինչեւ չկարդամ ձեւակերպումը, զգույշ կլինեմ: Չնայած ընդունում եմ, որ որոշ մտահոգություններ կարելի է ընդունել:


- Դուք  մի քանի անգամ ասել եք, որ  ԲՀԿ-ն  կառուցողական դաշտում է  գործում եւ նման չէ այն երեխային, ով ամեն ինչին ասում  է`«ոչ»: Բայց փետրվարին «եռյակ»-ը`ԲՀԿ-ը, ՀԱԿ-ը, «Ժառանգություն»-ը կարծես թե  այդ «ոչ»-ի տրամաբանությամբ էին առաջնորդվում, ամեն գնով իշխանափոխություն:


- Չէ, չէ: Մինչեւ փետրվարյան իրադարձություններն ահագին ժամանակ անցավ: Մենք ասում  էինք` տեսնենք ժողովուրդն աջակցո՞ւմ է  այս շարժմանը, թե ոչ: Եկավ վերջին ակորդը: Տեսանք, որ  Հայաստանում չկան այդ պայմանները, ոչ էլ լիդերը: Գործընթացները դուրս եկան իրավական դաշտից: Պայման չեղավ, որ նստեին բանակցեին իշխանությունը  ոչ իշխանության հետ:


- Բայց  քաղաքացիների մի մասը պատրաստ էր փողոց դուրս գալ:


- Թող դուրս գային:


- Սպասում էին լիդերներին:


- Ահա: Լիդերներն այդ  շարժման մի մասն էին: Դե թող առաջանային այլ լիդերներ, գային առաջնորդնեին ժողովրդին:


- Րաֆֆի Հովհաննիսյանը փետրվարի քսանին եկավ Ազատության հրապարակ...


- Մենակ Րաֆֆի Հովհաննիսյանի միայնակ գալը ոչինչ չէր նշանակում: Պետք է գործընթացը գեներացնես, իսկ դրա համար ադեկվատ իրավիճակ չառաջացավ:


- Եթե անկեղծ խոսենք, գուցե «եռյակը» չէր սպասում, որ իշխանությունը քայլեր  կձեռնարկի:


- Չէ, ես ավելի շուտ էի սպասում այդ քայլերի կիրառմանը:


ՍՈՆԱ ԴԱՎԹՅԱՆ


Հավանեցի՞ր հոդվածը, կիսվիր ընկերներիդ հետ