Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ)

Զարմացած է ՀՈՎՀԱՆՆԵՍ ԳԱԼԱՋՅԱՆԸ

Արխիվ 12-16

 

Հայտնի է դարձել, թե ով է վնասազերծել ինքնաձիգով զինված ահաբեկչին Ամստերդամ-Փարիզ ճեպընթաց գնացքում: Նա Սորբոնի համալսարանի պրոֆեսոր, 51-ամյա ՄԱՐԿ ՄՈՒԳԱԼՅԱՆՆ է: Մեր հայրենակիցը նետվել է ահաբեկչի վրա, խլել ինքնաձիգը, սակայն ահաբեկիչը հասցրել է ատրճանակը հանել եւ կրակել նրա պարանոցին: Այդ ժամանակ արդեն ահաբեկչի վրա նետվել են 4 այլ ուղեւորներ, այդ թվում 2 ամերիկյան զինծառայողներ եւ վնասազերծել վերջնականապես: Ֆրանսիայի նախագահն էլ զանգահարել է Մուգալյանին եւ հրավիրել ճաշի` հենց որ վերջինս ապաքինվի: Ինչեւէ, այդ դեպքը զարմանալիորեն ցույց է տալիս, որ քաջարի ռազմիկ լինելը հայի արյան մեջ է, եւ այդ հատկությունը դրսեւորվում է` անգամ եթե հայորդին ամբողջ կյանքն անցկացնում է այնպիսի խաղաղ միջավայրում, ինչպիսին է ակադեմիական գիտությունը: Այսինքն` ունենք եւս մեկ փաստարկ` ընդդեմ իրենց իրատես երեւակայող եւ հայի անունը պախարակող իմաստակների: Մեր գենետիկ որակները շատ լավն են, եւ դրանք ամբողջովին օգտագործելու դեպքում հայի համար անլուծելի խնդիր չի կարող մնալ:

 

 


Իսկ ՀԱԿ-ը 7 երգ գիտի, 7-ն էլ «հանցավոր իշխանության» մասին: Հայտնի ՀԱԿ-իստ ԱՐԱՄ ՄԱՆՈՒԿՅԱՆԸ առանց այեւայլության հայտարարեց, որ բոլոր նրանք, ովքեր կողմ են սահմանադրական փոփոխություններին կամ չեզոք են, նրանք բոլորը գործող իշխանության կողմնակից են: Ապշեցուցիչ տրամաբանություն է, չէ՞, որ կան բազում մարդիկ, ովքեր կողմ են նոր Սահմանադրությանը, քանզի այն փակում է Ռոբերտ Քոչարյանի` իշխանության վերադառնալու ճանապարհը, բայց միաժամանակ տանել չեն կարող գործող իշխանությանը: Բայց քանի որ այդ կարծիքին է ԼՏՊ-ն, ուրեմն այդպես էլ կա, չէ՞ որ եթե մեծն առաջնորդը մածունը սեւ հռչակի, պարտավոր ես սեփական աչքերին չհավատալ:
Իսկ քաղաքական ձախողակ «ՀԻՄՆԱԴԻՐ ԽՈՐՀՐԴԱՐԱՆԸ» որոշել է ողջունել մեկ այլ ձախողակի` «Ոտքի, Հայաստան» նախաձեռնության գործողությունները. «քանի որ նա վառ է պահում ժողովրդական դիմադրության կրակը: Այս համատեքստում ողջունելի է նաեւ «Ոտքի՛, Հայաստան» նախաձեռնության դիմումը, որով նա քաղաքական ուժերին կոչ է անում ձեւավորել Ժողովրդական վստահության կառավարություն: Ժողովրդի վստահությունը վայելող անցումային կառավարության ստեղծման առաջարկությունը համընկնում է Հիմնադիր խորհրդարանի ծրագրին»: Բայց ախր այս ձախողակներին որ նայում ես, ոչ առանձին-առանձին, ոչ էլ միասին 50 հոգի հավաքել չեն կարողանում: Ուստի մնում է դրանց հումորով վերաբերվել:
«Կարող ա՞ գիտես կյաժ եմ»` Հայաստանում տարածված այս արտահայտությունը, ինչքան էլ զարմանալի լինի, բավականին հետաքրքիր շարունակություն ունեցավ Իռլանդիայի ՔՐՈՍՀԵՅՎԵՆ գյուղաքաղաքում, ուր օրերս տեղի է ունեցել «կյաժերի» համաշխարհային համագումարը` 2000 պատվիրակների ներկայությամբ: Այնպես որ, այդտեղ բոլորը «կյաժ» էին, եւ հատուկ հանձնաժողովը ստուգում էր, որ մազերի հրեղեն գույնը լինի բնական, ինչպես նաեւ արձանագրում բոլորի դեմքի պեպենների քանակը, վերջում էլ նույնիսկ ընտրեցին «ամենակյաժ» աղջկան` որպես իրենց թագուհի: Դե ինչ, եթե մեզանում «կյաժը» մի տեսակ անտեսված է, ապա Իռլանդիայում` ընդհակառակը:

Զարմացած է
ՀՈՎՀԱՆՆԵՍ ԳԱԼԱՋՅԱՆԸ

Հավանեցի՞ր հոդվածը, կիսվիր ընկերներիդ հետ