22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN

ԲՀԿ-ԻՆ ԿՈՐՑՆԵԼՈՒՑ ՀԵՏՈ ՀԱԿ-Ի ՀՈՒՅՍԸ ԺՈՂՈՎՐԴԻ ՎՐԱ Է

Արխիվ 12-16

ԲՀԿ-ԻՆ ԿՈՐՑՆԵԼՈՒՑ ՀԵՏՈ ՀԱԿ-Ի ՀՈՒՅՍԸ ԺՈՂՈՎՐԴԻ

ՎՐԱ Է

 

ՀԱԿ խմբակցության ղեկավար Լեւոն Զուրաբյանն լրագրողների հետ զրույցում ներկայացրեց ՀԱԿ-ի տեսակետները նոր սահմանադրության նախագծի վերաբերյալ:

ՀԱԿ խմբակցության ղեկավարը նորից հիշեց «երանելի» օրերը, երբ ՀԱԿ-ն ու «Ժառանգությունը» ԲՀԿ-ի  հովանավորությամբ պատրաստվում էին փետրվարի քսանի հանրահավաքին, բայց եղավ այն, ինչ եղավ:

Լեւոն Զուրաբյանը չցանկացավ մեկնաբանել ԲՀԿ-ի դիրքորոշումը  սահմանադրական բարեփոխումների վերաբերյալ:

Հիշեցնենք` ԲՀԿ-ն չի միանալու բարեփոխումներին  «ոչ» ասող  շարժումներին: Ավելին` նոր սահմանադրության նախագծով իշխանությունը չի վերարտադրվելու:

«Իրավունք»-ի հարցին` արդյոք ՀԱԿ-ի ռեսուրսը բավարար կլինի տապալելու  սահմանադրական բարեփոխումների գործընթացը, եթե մյուս ընդդիմադիր ուժերը կարծես թե  «ոչ»-ի շարժմանը չեն միանում, պատգամավորի խոսքով`  խոսքը ոչ միայն ՀԱԿ-ի, այլեւ ողջ ժողովրդի ռեսուրսն է: «Սա ժողովրդի խնդիրն է»,- եզրափակեց Զուրաբյանը:

Հ.Գ. Պրն Զուրաբյան, սոցիալական ցանցից դուրս գտնվող հանրության մեծ մասը դժբախտաբար, թե բարեբախտաբար դեռ անտեղյակ է սահմանադրական բարեփոխումներից: Ոմանք, ցավոք, անգամ չգիտեն` ինչ է սահմանադրությունը: Այնպես որ, այս հարցում  ապավինել  հանրությանը, կարծում ենք, այդքան էլ հեռատես քայլ չէ:  Փորձեք քաղաքական դաշտում դաշնակիցներ գտնել եւ ձեր անելիքները կոնկրետացնել:

Ի դեպ, ՀԱԿ խմբակցության ղեկավար Լեւոն Զուրաբյանը բավական առույգ ու թարմացած տեսք ուներ: Չլինի՞  համացանցում տարածված տեղեկատվությունն իրոք ճիշտ է. Անթալիայի կլիման լավ է անդրադարձել քաղաքական գործչի վրա:


ՍՈՆԱ ԴԱՎԹՅԱՆ


Հավանեցի՞ր հոդվածը, կիսվիր ընկերներիդ հետ