22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN

ԱՐՄԵՆ ՄԱՐՏԻՐՈՍՅԱՆԸ` ՆԱԽԱԳԱՀԱԿԱՆԻ ՀՐԱՎԵՐԻ ՄԱՍԻՆ. «ՋՈՒՐԸ ՉՏԵՍԱԾ`ԲՈԲԻԿԱՆԱՆՔ, ՈՐ Ի՞ՆՉ ԱՆԵՆՔ»

Արխիվ 12-16

ԱՐՄԵՆ ՄԱՐՏԻՐՈՍՅԱՆԸ` ՆԱԽԱԳԱՀԱԿԱՆԻ ՀՐԱՎԵՐԻ ՄԱՍԻՆ.

«ՋՈՒՐԸ ՉՏԵՍԱԾ`ԲՈԲԻԿԱՆԱՆՔ, ՈՐ Ի՞ՆՉ ԱՆԵՆՔ»


Առաջիկայում  նախագահական նստավայրում Սերժ Սարգսյանի եւ    քաղաքական ուժերի միջեւ տեղի կունենա հանդիպում նոր Սահմանադրության նախագիծը քննարկելու համար:   ՕԵԿ-ը, ՀԱԿ-ը չեն մասնակցելու հանդիպմանը, քանի որ ՕԵԿ-ի հինգ առաջարկներից ոչ մեկը  չի ընդունվել: Իսկ ՀԱԿ-ն նոր Սահմանադրությունը համարում է իշխանության վերարտադրության միջոց:   Ըստ տեղեկությունների` հանդիպմանը  կմասնակցեն ՀՅԴ-ն եւ ԲՀԿ-ն, իսկ «Ժառանգություն»-ը դեռ մտածում է:   «Իրավունք»-ի հետ զրույցում   «Ժառանգություն» կուսակցության փոխնախագահ Արմեն Մարտիրոսյանն ասաց`  տեղյակ է, որ կուսակցությունների հետ հանդիպում լինելու է, բայց «Ժառանգության» հրավերի մասին  տեղյակ չէ:

Արմեն Մարտիրոսյանը հիշեցրեց` իրենց առաջարկները բովանդակային առումով չեն ընդունվել իշխանության կողմից:Այնպես որ, ասել, թե «Ժառանգություն»-ը կընդունի հրավերը, միանշանակ չէ: «Հրավեր պետք է լինի, որ քննարկենք: Թե չէ ջուրը չտեսած`բոբիկանանք, որ ի՞նչ անենք»,- ասաց քաղաքական գործիչը:

Նախորդ անգամվա իրավիճակը, երբ «Ժառանգություն»-ում միմյանցից անտեղյակ էին նախագահական նստավայր գնալ-չգնալու որոշման մասին, այս անգամ, եթե հրավեր ընդունվի կուսակցության կողմից,  ըստ Մարտիրոսյանի, չի կրկնվի: «Անցած  անգամ էլ  անտեղյակության հարց չկար: Լրատվամիջոցները մի փոքր ուռճացրին խնդիրը»,- պնդում է   մեր զրուցակիցը:

Ի դեպ, «Ժառանգություն» կուսակցության նախագահ  Րաֆֆի Հովհաննիսյանը Հայաստանում չէ: Ընտանեկան գործերով արտասահմանում է:  «Հավանաբար, ամսվա վերջ կվերադառնա Հայաստան»,- տեղեկացրեց «Ժառանգության» փոխնախագահը:


ՍՈՆԱ ԴԱՎԹՅԱՆ


Հավանեցի՞ր հոդվածը, կիսվիր ընկերներիդ հետ