Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ)

«ՍԵՌԱԿԱՆ ԱՌՈՂՋՈՒԹՅԱՆՆ ԱՌՆՉՎՈՂ ՆՅՈՒԹԵՐԸ ՊԵՏՔ Է ՀՐԱՄՑՎԵՆ ՄԻՄԻԱՅՆ ԲԺՇԿԱԿԱՆ ԿԱՅՔԵՐՈՒՄ» (+Տեսանյութ)

Արխիվ 12-16

Սեքսոպաթոլոգ. «ՍԵՌԱԿԱՆ ԱՌՈՂՋՈՒԹՅԱՆՆ ԱՌՆՉՎՈՂ ՆՅՈՒԹԵՐԸ ՊԵՏՔ Է ՀՐԱՄՑՎԵՆ ՄԻՄԻԱՅՆ ԲԺՇԿԱԿԱՆ ԿԱՅՔԵՐՈՒՄ» (+Տեսանյութ)

 

ԵՊԲՀ սեքսոպաթոլոգիայի կլինիկայի բժիշկ-սեքսոպաթոլոգ, սեքսոլոգիայի ամբիոնի դասախոս, բ.գ.թ. ՎՐԵԺ ՇԱՀՐԱՄԱՆՅԱՆՆ այսօր լրագրողների հետ հանդիպման ժամանակ ասաց, որ իրեն չեն գոհացնում համացանցում սավառնող սեռական առողջությանն առնչվող նյութերը: Ըստ նրա` մատուցած նյութերի մեծամասնությունը, ոչ ավել, ոչ պակաս, դատարկաբանություն է. «Շատ դեպքերում այդ նյութերը անհեղինակ են, մատուցված են կծկտուր և թերի, երբեմն էլ սխալ թարգմանությամբ: Կարդում ես առաջին երկու տողերը և հասկանում, որ վերնագիրը բացարձակ կապ չունի բովանդակության հետ: Բովանդակությունն էլ, մեղմ ասած, հեռու է բժշկական սեքսոլոգիայից: Եվ ո՞րն է նպատակը: Ջանասիրաբար հրամցնել ապատեղեկացված և հաճախ վտանգավոր տեղեկատվությու՞ն: Այցելուն դառնա անգրագե՞տ: Թե՞ դիտումներ կորզել....»,- «Իրավունքի» հետ զրույցում շեշտեց սեքսոպաթոլոգը:

Վ. Շահրամանյանն այն կարծիքին է, որ առհասարակ սեռական առողջությանն առնչվող նյութերը պետք է հրամցվեն միմիայն բժշկական կայքերում, քանի որ դրանք նախատեսված են հատուկ լսարանի համար. «Որպես մասնագետ` մտահոգությունս եմ հայտնում այս հարցի վերաբերյալ: Նման նյութերի անզգույշ և համառ տարածումը վտանգավոր է հանրության համար՝ հատկապես պատանիների և դեռահասների: Այստեղ, որպես կանոն, խեղաթյուրված դիտարկումները գայթակղիչ բնույթ ունեն, իսկ դա վտանգավոր է հատկապես նրանց խոցելի հոգեբանության համար»,- պարզաբանեց բժիշկը:

Սեքսոպաթոլոգը հորդորում է նման բովանդակություն ունեցող նյութերի հանդեպ անտարբեր լինել: Դրա փոխարեն օգտվել ավելի շատ մասնագիտական գրականությունից: Իսկ անհրաժեշտության դեպքում անկաշկանդ դիմել մասնագետի օգնությանը:

 

 

Նյութը և տեսանյութը՝ Վ. ՄՈՒՐԱԴՅԱՆԻ

 

 

Հավանեցի՞ր հոդվածը, կիսվիր ընկերներիդ հետ