22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN

«ԽԻՍՏ ԲԱՑԱՌՈՒՄ ԵՄ ԲՈԼՈՐ ՏԻՊԻ ԴՐԱՄԱՀԱՎԱՔՈՒԹՅՈՒՆՆԵՐԸ ԴՊՐՈՑՈՒՄ»

Արխիվ 12-16

«ԽԻՍՏ ԲԱՑԱՌՈՒՄ ԵՄ ԲՈԼՈՐ ՏԻՊԻ ԴՐԱՄԱՀԱՎԱՔՈՒԹՅՈՒՆՆԵՐԸ ԴՊՐՈՑՈՒՄ»

 

«Հիմնական դպրոցում կրթության որակի հետ կապված խնդիրները, հատկապես առաջինից չորրորդ դասարանում, բավականին լավ վիճակում են: Կրտսեր դպրոցում շատ լավ աշխատում են մանկավարժները, ծնողներն ու աշակերտները, եւ արդյունքում լավ զարգացում է գնում: Սակայն պատկերը փոխվում է 5-րդ դասարանից հետո»,  - անդրադառնալով մերօրյա դպրոցներում առկա խնդիրներին`  «Իրավունքի» հետ զրույցում նշեց ՀՀ ԿԳ նախարարության հանրակրթության վարչության պետ ՆԱՐԻՆԵ ՀՈՎՀԱՆՆԻՍՅԱՆԸ եւ մանրամասնեց.

- Վերաբերմունքը ուսման նկատմամբ սկսում է քիչ-քիչ մարել, ավագ դպրոցում` առավել եւս: Այսօր ուզում եմ հիմնական դպրոցների տնօրեններին, մանկավարժական կոլեկտիվներին հորդորել, որ շարունակեն այն գործընթացը, որը տանում են առաջինից  չորրորդ դասարաններում: Եվ 9-րդ դասարանից հետո ավագ դպրոցին հանձնեն բավականին լավ գիտելիքներով աշակերտների, որպեսզի 10-րդ դասարանում մենք որակի խնդիր չլուծենք: Մինչդեռ այսօր կրթության որակի, ինչպես նաեւ դաստիարակության խնդիր ունենք ավագ դպրոցում: Ոչ բոլոր դպրոցներում« բայց դեռ ունենում ենք դեպքեր, երբ աշակերտի կողմից անհարգալից վերաբերմունք կա ուսուցչի նկատմամբ: Հիմա կարող եք ասել« որ կան նաեւ ուսուցչի կողմից աշակերտի նկատմամբ անհարգալից վերաբերմունքի դեպքեր, բայց դրանք շատ չնչին են: Հիմնականում ուսուցիչները դժգոհում են, որ յուրաքանչյուր դասարանում ամենաքիչը 2-3 աշակերտ կա, որոնք կարծես դպրոց են գալիս հատուկ դասը խափանելու համար: Այդպիսի օրինակներ ունեցանք նաեւ ավագ դպրոցում, որտեղ այցելությունների ժամանակ աշակերտներն ասում էին, որ դասարանում կան երեխաներ, որոնք չեն ուզում սովորել, ու դրանից խախտվում է դասապրոցեսը:

Վերոնշյալ խնդիրները մատնանշելով` տիկին Հովհաննիսյանը կոչ արեց բոլորին ուսման նկատմամբ առավել լավ վերաբերմունք դրսեւորել, հավատալ դպրոցին, հավատալ դպրոցի տնօրինությանը, ուսուցիչներին: Իսկ ծնողներին հորդորեց.

- Թող համարձակ լինեն բոլոր այն խնդիրների նկատմամբ, որոնք բարձարացնում են "Թեժ գծով": Դպրոցի տնօրեններն իրավունք չունեն լուծումներ տալ այն խնդիրներին, որը ծնողի հետ չեն համաձայնեցրել: Դա վերաբերում է ե՛ւ դրամահավաքությանը, ե՛ւ ամենատարբեր միջոցառումների կազմակերպմանը: Դպրոցներ կան, որոնք ուսումնական տարվա հենց սկզբից, չգիտես ինչու, սկսում են Վերջին զանգի պատրաստություն տեսնել: Սիրելինե՛րս, Վերջին զանգ չկա, կա Վերջին դաս, որը ոչ մի գումարի խնդիր չի դնում դպրոցի առաջ: Չկա Վերջին զանգի գումար հասկացողություն դպրոցի ներսում, եւ խիստ բացառում եմ բոլոր տիպի դրամահավաքությունները դպրոցում: Իսկ եթե այս կամ այն պատճառով` մշակութային օջախ գնալու, էքսկուրսիաների կամ որեւէ շատ կարեւոր կարիք հոգալու համար, այնուամենայնիվ, դրամ է հավաքվում, ապա այն պետք է լինի միմիայն ծնողների ցանկությամբ:

 

ՀՐԱՆՏ ՍԱՐԱՖՅԱՆ

 

Հ.Գ.- Հավելենք, որ տիկին Հովհաննիսյանը հյուրընկալվելով «Իրավունքի» խմբագրությունում` «Ուղիղ կապ» ձեւաչափով պատասխանել է մեր ընթերցողների հարցերին, ինչը կներկայացնենք թերթի վաղվա համարում:

Հավանեցի՞ր հոդվածը, կիսվիր ընկերներիդ հետ