22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN

«ՊՈՒՏՉԻ» ՄԱՍԻՆ ԱՄԵՐԻԿԱՑԻՆԵՐԸ ԳԻՏԵԻՆ ԵՐԿՈՒ ԱՄԻՍ ԱՌԱՋ

Արխիվ 12-16

«ՊՈՒՏՉԻ» ՄԱՍԻՆ ԱՄԵՐԻԿԱՑԻՆԵՐԸ ԳԻՏԵԻՆ ԵՐԿՈՒ ԱՄԻՍ ԱՌԱՋ

 

Այս օրերին լրացել է 1991թ. հայտնի «Պուտչի» հերթական տարեդարձը կամ գուցե տարելիցը: Հիշեցնենք, որ Խորհրդային Միությունը արագորեն կազմալուծվում էր Գորբաչովի եւ Ելցինի ձեռքերով: Ամենուրեք  ակտիվացած, այսպես կոչված, դեմոկրատներն արագորեն ոչնչացնում էին Խորհրդային Միությունը` ծառայելով Միացյալ Նահանգներին:

 

Գորբաչովը եւ Մեթլոքը պահպանեցին գերազանց

հարաբերություններ թոշակի անցնելուց հետո:

Լուսանկարում 2002թ. ԽՍՀՄ նախկին

նախագահը լեկցիա է կարդում Նյու Յորքի

Կոլումբիայի  համալսարանում, իսկ ԱՄՆ

նախկին դեսպանը նրան ուշադիր լսում է:


 

1991թ. օգոստոսին Մոսկվայի  բնակիչները

բարիկադներ էին կառուցել  Ելցինին

պաշտպանելու համար, սակայն

նրանք չգիտեին, որ ե՛ւ նա, ե՛ւ Գորբաչովը

ամեն  ինչի մասին տեղեկացված էին

ամերիկացիների  կողմից:


 


 

ԽՍՀՄ  ղեկավարները` խորհրդարանի նախագահ Անատոլի  Լուկյանովը եւ վարչապետ Վալենտին Պավլովը, ինչպես նաեւ նրանց միացած մի շարք նախարարներ փորձեցին  կանխել Գորբաչովի եւ Ելցինի կործանարար գործողությունները եւ կասեցնել Խորհրդային Միության փլուզումը: Դա նրանց չհաջողվեց, ԽՍՀՄ-ը փլուզվեց, իսկ  ԽՍՀՄ մի շարք ղեկավարներ  կալանավորվեցին հեղաշրջման փորձ կատարելու մեղադրանքով:
Այս առիթով օրերս հարցազրույց տվեց ռուսական «Կոմսոմոլսկայա պրավդա» թերթին ամերիկյան  ամենաազդեցիկ դիվանագետներից մեկը` Ջեք Մեթլոքը, որը 1987-91թթ. եղել է ԱՄՆ-ի դեսպանը Մոսկվայում: Իր հարցազրույցում նա պատմեց, թե ինչպես էին, այսպես կոչված, դեմոկրատները, ըստ էության, զբաղվում պետական դավաճանությամբ եւ հօգուտ ԱՄՆ-ի շպիոնություն անում:
«1991թ. հունիսին ես հրավիրեցի Մոսկվայի քաղաքապետ Լավրիլ Պոպովին գործնական ճաշի, եւ նա պատմեց, որ Գորբաչովի դեմ նախապատրաստվում է հեղաշրջում, եւ որ նա չէր ուզի, որ Ելցինը, ով այդ օրերին գտնվում էր Վաշինգտոնում, վերադառնար Մոսկվա: Այդ ամենը կատարվում էր գրություններ փոխանակելու կարգով: Մենք վախենում էինք, որ մեզ կլսեն: Ես գրեցի. «Ես կզեկուցեմ, բայց ո՞վ է այդ ամենը  նախաձեռնել»: Պոպովը գրիչով նշեց չորս ազգանուն` Կրյուչկով, Պավլով, Յազով, Լուկյանով: Ես ուղարկեցի հույժ գաղտնի հեռագիր Վաշինգտոն: ԱՄՆ-ի նախագահը դրա բովանդակությունը հասցրեց Ելցինին»:  Այնուհետեւ Մեթլոքը նկարագրում է «հեղաշրջման կանխման ուղղությամբ իրենց գործողությունները»:
Դժվար է ասել` ինչ կլիներ, եթե «Պուտչը» հաջողվեր, սակայն հստակ կարելի է ասել, ինչ եղավ «դեմոկրատների» հաղթանակի արդյունքում` համատարած պատերազմներ, միլիոնավոր զոհեր, տասնյակ միլիոնավոր փախստականներ, տնտեսության կործանում Խորհրդային Միության ամբողջ տարածքում, ինչը շարունակվում է արդեն 24 տարի` մինչ մեր օրերը:
ԱԼԵՔՍ ՀՈՎՍԵՓՅԱՆ


Հավանեցի՞ր հոդվածը, կիսվիր ընկերներիդ հետ