22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN

ՀՅՈՒՐԱՆՈՑԱՅԻՆ ՀԱՄԱԼԻՐՆԵՐՈՒՄ ԱՎԵԼԱՑԵԼ ԵՆ ՏԱՐԱԾՔՆԵՐ՝ «ԾԽԵԼՆ ԱՐԳԵԼՎՈՒՄ Է» ՑՈՒՑԱՆԱԿՆԵՐՈՎ

Արխիվ 12-16

ՀՅՈՒՐԱՆՈՑԱՅԻՆ ՀԱՄԱԼԻՐՆԵՐՈՒՄ ԱՎԵԼԱՑԵԼ ԵՆ ՏԱՐԱԾՔՆԵՐ՝ «ԾԽԵԼՆ ԱՐԳԵԼՎՈՒՄ Է» ՑՈՒՑԱՆԱԿՆԵՐՈՎ

«Եվրասիա» բարեգործական հասարակական կազմակերպությունն առաջին անգամ Հայաստանում կիրականացնի «Green Hotels» (Կանաչ հյուրանոցներ) ծրագիրը, որի շրջանակում հյուրանոցային համալիրներին կշնորհվեն վկայականներ: Վկայականները կստանան այն հյուրանոցային համալիրները, որոնք խնամքով են վերաբերվում շրջակա միջավայրին և նպաստում էկոլոգիայի զարգացմանը. խնայում են ջուրը, էլեկտրաէներգիան կան թափոնների համար նախատեսված աղբավայր: Այդ մասին այսօր լրագրողների հետ հանդիպման ժամանակ ասացին «Եվրասիա» բարեգործական հասարակական կազմակերպության ներկայացուցիչները: Նրանք համառոտ ներկայացրեցին կազմակերպության գործունեության չորս ճյուղերը, իրականացրած և ընթացիկ ծրագրերը:

Խոսելով «Green Hotels» (Կանաչ հյուրանոցներ) ծրագրի մասին՝ «Եվրասիա միջազգային էկոլոգիական ծրագրերի» տնօրեն ԱՐՄԱՆ ՆԱԼԲԱՆԴՅԱՆՆ ասաց. «Ծրագրի նպատակն է շնորհել վկայական բոլոր այն հյուրանոցներին, որոնք հոգ են տանում արտաքին միջավայրի մասին` հետևելով  էկոլոգիական նորմերին:  Դառնալով Եվրասիա Միջազգային Էկոլոգիական Ծրագրերի անդամ` հյուրանոցը պարտավորվում է նաև իրականացնել որևէ էկոլոգիական ծրագիր Եվրասիա բարեգործական հասարակական կազմակերպության հետ համատեղ»:

Ա. Նալբանդյանը նկատեց, որ Հայաստանում ծրագիրն առաջին անգամ է իրականացվում, և հյուրանոցային համալիրներից շատերը տեղյակ չեն ծրագրի մասին, իհարկե, հաճելի բացառություններ կան: «Վկայական ստանալու համար գործում են հատուկ չափորոշիչներ, որոնք ամեն տարի փոփոխվում են. նոր կետեր են ավելանում»,- բացատրեց բանախոսը՝ հավելելով, որ ծրագրի շնորհիվ մի շարք հյուրանոցային համալիրներում ավելացել են տարածքներ՝ «Ծխելն արգելվում է» ցուցանակներով և ոչ միայն:

«Եվրասիա» բարեգործական հասարակական կազմակերպության գործադիր տնօրեն ԼՅՈՒՍԻ ԱՌԱՔԵԼՅԱՆՆ էլ ասաց, որ մոտ ապագայում կազմակերպության անդամները ծրագրում են իրականացնել էկոլոգիային նվիրված մի շարք ծրագրեր. աղբահավաք  Հրազդանի կիրճում, ջրագծերի վերանորոգում համայնքներում և այլն:

 

Վ. ՄՈՒՐԱԴՅԱՆ


 

 

Հավանեցի՞ր հոդվածը, կիսվիր ընկերներիդ հետ