Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային

ԳԱՌՆԻԿ ԻՍԱԳՈՒԼՅԱՆ. «ԻՆՁ ՄԻ՛ ԱՀԱԲԵԿԵՔ…»

Արխիվ 12-16

ԳԱՌՆԻԿ ԻՍԱԳՈՒԼՅԱՆ. «ԻՆՁ ՄԻ՛ ԱՀԱԲԵԿԵՔ…»

 

Ինչպես հայտնի է, նախկին նախագահ Ռոբերտ Քոչարյանը, ըստ մամուլի տեղեկությունների,  պատրաստվում է ակտիվորեն զբաղվել քաղաքականությամբ: Նախկին նախագահի վերադարձի հավանական սցենարներից են նախկին ԱԳ նախարար Վարդան Օսկանյանի կողմից ստեղծվելիք կուսակցություն հենարան դարձնելը, ինչպես նաեւ Ռոբերտ Քոչարյան- Արթուր Բաղդասարյան-Արա Աբրահամյան «եռյակ»-ի ստեղծումը: «Ազգային անվտանգություն» կուսակցության ղեկավար, նախկին պատգամավոր Գառնիկ Իսագուլյանից «Իրավունք»-ը հետաքրքրվեց` Քոչարյանը  հավանական ինչ սցենարով կվերադառնա ակտիվ քաղաքական դաշտ: «Ես  երբեք հավանական սցենարների մասին չեմ խոսում: Ընդհանրապես ժամանակն է լրատվամիջոցները հստակ նշեն իրենց տեղեկատվության աղբյուրը: Ես զարմանում եմ, որ շատերը փորձում են  երկրորդ նախագահի  ծրագրերը ճշտել  Իսագուլյանից»,- ասաց մեր զրուցակիցը:

Թեեւ Իսագուլյանը մարդկային լավ հարաբերություններ ունի Քոչարյանի հետ, սակայն  հիշեցնում է`ինքը  ոչ գրասենյակի  պատասխանատուն է, ոչ էլ նախկին նախագահի մամլո խոսնակը:

Ինչ վերաբերում է այն լուրերին, թե Վարդան Օսկանյանի կողմից ստեղծվելիք կուսակցությունը կլինի հենարան Քոչարյանի համար, Իսագուլյանի խոսքով` ինքը դեռ չգիտի` Օսկանյանը կուսակցություն ստեղծում է, թե ոչ: «Եթե ստեղծի, կտեսնենք»,- ասաց նախկին պատգամավորը:

Անդրադառնալով Ռոբերտ Քոչարյան-Արա-Աբրահամյան-Արթուր Բաղդասարյան հավանական եռյակի ձեւավորմանը, Իսագուլյանն ասաց, որ  թե՛Արթուր Բաղդասարյանի, թե՛ Արա Աբրահամյանի մասին իր կարծիքը վաղուց հայտնել է, այն չի փոխվել: «Այնպես որ ինձ նման հարցերում մի՛ ահաբեկեք»,- ծիծաղելով ասաց Գառնիկ Իսագուլյանը:


ՍՈՆԱ ԴԱՎԹՅԱՆ


Հավանեցի՞ր հոդվածը, կիսվիր ընկերներիդ հետ