Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային

ՆԱԻՐԱ ԶՈՀՐԱԲՅԱՆ. «ԻՆՁ ՀԱՅՏՆԻ ՉԷ`«ԺԱՌԱՆԳՈՒԹՅՈՒՆ» ԱՍԵԼՈՎ ՈՒՄ ՆԿԱՏԻ ՈՒՆԵՔ»

Արխիվ 12-16

ՆԱԻՐԱ ԶՈՀՐԱԲՅԱՆ. «ԻՆՁ ՀԱՅՏՆԻ

ՉԷ`«ԺԱՌԱՆԳՈՒԹՅՈՒՆ» ԱՍԵԼՈՎ ՈՒՄ ՆԿԱՏԻ ՈՒՆԵՔ»

 

Ինչպես հայտնի է, աշխատանքի եւ սոցիալական հարցերի նախկին նախարար Գեւորգ Պետրոսյանը նորից դարձել է ԲՀԿ անդամ: Ինչո՞ւ նորից, քանի որ 2009 թ-ի մայիս-նոյեմբեր ամիսներին եղել է ՀՀ աշխատանքի եւ սոցիալական հարցերի նախարար ԲՀԿ-ի շնորհիվ:  «Իրավունք»-ը ԲՀԿ ղեկավար Նաիրա Զոհրաբյանից պարզեց` կարո՞ղ ենք ասել, որ ԲՀԿ-ն որպես կուսակցություն առանցքային հարցերում (դրանցից մեկն էլ սահմանադրական բարեփոխումներն են-խմբ.)  հստակեցրել է իր դիրքորոշումն ու շատերի համար ընկալելի դարձել: «Չեմ կարծում, որ նախկինում մեր դիրքորոշումը երերուն էր: Պարզապես քաղաքական  յուրաքանչյուր իրավիճակ, պահ, իր խաղի կանոնն ունի, իր գործիքակազմը: Մեր իրավաբան փորձագետները պատրաստել են երկու հիմնարար փաստաթուղթ, որոնցով հիմնավորվում է` ինչո՞ւ  կարելի է «այո» ասել սահմանադրական բարեփոխումներին, եւ որոնք են այն մտահոգիչ կետերը, որոնց վերաբերյալ կարելի է «ոչ» ասել: Մենք մեր մտահոգություններն ուղարկել ենք մեր կուսակցության տարածքային կառույցներին»,- ասաց Նաիրա Զոհրաբյանը:

Ինչ վերաբերում է նոր Սահմանադրության «ոչ»-ի կողմնակիցների քննադատություններին «այո»-ի կողմնակիցներին, ԲՀԿ առաջնորդը հորդորեց հարգել միմյանց տեսակետը, ձեռնպահ մնալ միմյանց շանտաժ անելու, ահաբեկելու գործընթացից. «Եթե ԲՀԿ-ին հանկարծ շանտաժի ենթարկեն, սպառնան տարբեր  քաղաքական ուժեր, շարժումիկներ, ֆեյքեր (քանի որ տղամարդկություն եւ արժանապատվություն չունեն, որ հանդես գան իրենց անունով), ապա մեր ռեսուրսները մի քանի անգամ ավելի են»:

Արդյոք «Ժառանգություն» եւ ՀԱԿ կուսակցություններին կհաջողվի «ոչ»-ի շարժումն այնքան հզորացնել` տապալելու սահմանադրական բարեփոխումների գործընթացը: «Անկեղծ ասած, ինձ հայտնի չէ «Ժառանգության» դիրքորոշումը: Եթե այդ կուսակցությունը չի հանդիպել նախագահի հետ, դա դեռ ինձ համար հիմք չէ, որ նա  միանում է «ոչ»-ի քարոզարշավին: Ինձ հայտնի չէ, թե «Ժառանգություն» ասելով դուք ում նկատի ունեք: Որքան հետեւում եմ, իմ հարգարժան գործընկերներ Արմեն Մարտիրոսյանը, Ռուբեն Հակոբյանն ու Թեւան Պողոսյանը տարբեր դիրքորոշումներ ունեն: Իսկ Րաֆֆի Հովհաննիսյանի դիրքորոշումը կարծես որեւէ մեկին հայտնի չէ»,-ասաց ԲՀԿ առաջնորդը:

ՀԱԿ-ի մասին խոսելիս էլ Նաիրա Զոհրաբյանը հիշեցրեց ՀԱԿ-ի հետ ԲՀԿ-ի անցած ճանապարհը, ապա հավելեց` հարգում է յուրաքանչյուր քաղաքական ուժի կարծիքը եւ հորդորում`հարգալից լինել մեկը մյուսի հանդեպ:


ՍՈՆԱ ԴԱՎԹՅԱՆ

Հավանեցի՞ր հոդվածը, կիսվիր ընկերներիդ հետ