Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային

ԱՐԱ ԱԲՐԱՀԱՄՅԱՆԸ ԿՐԵՄԼԻՑ ՀՈՒՅՍԸ ԿՏՐԵԼ Է ՈՒ ԹԵՔՎԵԼ ՄԻԱՑՅԱԼ ՆԱՀԱՆԳՆԵ՞Ր

Արխիվ 12-16

ԱՐԱ ԱԲՐԱՀԱՄՅԱՆԸ ԿՐԵՄԼԻՑ ՀՈՒՅՍԸ ԿՏՐԵԼ Է ՈՒ

ԹԵՔՎԵԼ ՄԻԱՑՅԱԼ ՆԱՀԱՆԳՆԵ՞Ր

 

ՌԴ հայերի միության նախագահ Արա Աբրահամյանը օգոստոսին հանդիպել է ԱՄՆ-ում հայկական համայնքի հետ եւ, հայտարարել է, որ ցանկանում է մասնակցել 2017 թ-ի խորհրդարանական  ընտրություններին մասնակցել:

«Իրավունք»-ը թեմայի շուրջ ճեպազրույց ունեցավ ՀԴԿ ղեկավար, Համաշխարհային հայկական կոնգրեսի առաջին փոխնախագահ Արամ Սարգսյանի հետ, ով հաստատեց վերոնշյալ տեղեկատվությունը:


- Պրն Սարգսյան, արդյոք լրատվամիջոցի տեղեկությունները ճիշտ են, թե ոչ: Եթե այո, կարո՞ղ ենք ասել, որ Արա Աբրահամյանը Կրեմլից հույսը կտրել  է ու թեքվել դեպի ԱՄՆ-ը:

- Արա Աբրահամյանը Հայաստանում նախագահի հետ հանդիպման ժամանակ ներկայացրել է իր մտահղացումները  Հաաստանի զարգացման մասին: Նա տնտեսական հստակ ծրագիր է  ներկայացրել, որի մասին ինքը, հավանաբար, կասի:Այո, ԱՄՆ-ում  ՌԴ հայերի միության նախագահը հանդիպել է հայկական համայնքի հետ եւ պատմել իր ծրագրի մասին: Եվ եթե նա անհրաժեշտություն համարի մասնակցել  խորհրդարանական ընտրություններին, նա այդ մասին, հավանաբար, կասի  հաջորդ տարի` մարտին: Իսկ հաջորդ տարի` դեկտեմբերին, հայկական համայնքներին  կներկայացնի իր ծրագրերը: Ոչ մի գաղտնիք չկա, բորբոքվելու ու անառողջ մթնոլորտ ձեւավորելու խնդիր` եւս: ՀՀ-ի համար մեծ ավանդ ունեցող մարդը ցանկանում է նոր քայլ կատարել` հաշվի առնելով մեր երկրի սոցիալ-տնտեսական ծանր իրավիճակը:

- Բայց թե՛ գործող, թե՛ նոր Սահմանադրության նախագծով Արա Աբրահամյանը չի կարող անգամ պատգամավոր լինել:

- Եթե ինքը բերի ծրագիր, դուք էլ ժխտեք այն, ուրեմն չի անի: Իսկ եթե կգտնեք, որ ՀՀ-ին պետք է այդ ծրագիրը, ինչո՞ւ չանի: Էդ ինչո՞ւ մինչեւ հիմա Արա Աբրահամյանն անում է ամեն ինչ մեր երկրի  համար, բայց ոչ ոք չասաց` ինչու ես դու բարի գործեր անում Հայաստանի համար: Իմիջիայլոց, շուտով նշելու ենք ՌԴ հայերի միության 15-ամյակը եւ համաշխարհային հայկական կոնգրեսի 10-ամյակը, որտեղ ներկայացվելու է`ինչ է արվել հատկապես Հայաստանում  Արա Աբրահամյանի կողմից ղեկավարվող այս երկու կառույցների  կողմից:

- Խոսքը վերաբերում է Արա Աբրահամյանի կարգավիճակի՞ն: Ի՞նչ ձեւաչափով է գործելու ՌԴ հայերի միության նախագահը:

- Նույն կարգավիճակով:

- Բայց օրենքով չի կարող պատգամավոր լինել:

- Իսկ ո՞վ է ասում, որ նա պատգամավոր է լինելու: Ինքը նման բան ասե՞լ է:

- Քաղաքականությամբ զբաղվելը ենթադրում է  կարգավիճակի հստակեցում:

- Ամեն մի գործողություն քաղաքականություն է:Եթե քաղաքականություն նշանակում է ընտրություններին մասնակցել, դա այլ հարց է: Բայց եթե  հնարավորություն տաք  պրն Աբրահամյանին  իր ծրագիր իրականացնել...: Ի վերջո, առաջինը չէ,  երկրորդը չէ, վերջինը չէ:

- Իսկ Կրեմլից հույսը կտրելու ու ԱՄՆ-ի վրա հույս դնելու մասին ի՞նչ կասեք:

- Ախր ինչ Կրեմլից հույս կտրել: ՌԴ հայերի միության նախագահը ցանկանում է ԱՄՆ-ում  տեսնել ՌԴ հայերի միության նման համայնքային կառույցներ, որոնք կարողանան լոբբինգ անել հայկական շահերը եւ աշխատեն այդ երկրի իշխանության հետ: Սրանից ինչո՞ւ եք վախենում կամ այլ երանգ տալիս:

Ի դեպ, Արա Աբրահամյանը Ռոստովում տեղի ունեցած վերջին դաժան դեպքի հետ կապված  եւս անում է ամեն ինչ, որպեսզի Ռոստովում սպանված վարորդի ընտանիքին այլ տեղ տեղափոխի: Չնայած, սա Արա Աբրահամյանի պարտականությունը չէ, բայց անում է:

- Այդ երանգն ինքն իրեն է ի հայտ գալիս:

- ԱՄՆ-ում կան երկու-երեք կառույց, որոնք լոբբինգով են զբաղված, որը խրախուսելի է: Խոսքը վերաբերում է նման կառույցների  գործողությունների համակարգելուն:

- Խոսակցությունները չեն դադարում Արա Աբրահամյան-Արթուր Բաղդասարյան-Ռոբերտ Քոչարյան հավանական «եռյակի» ձեւավորման մասին:

- Ընդհանրապես կապ չկա այդ մարդկանց միջեւ: Ես չգիտեմ` ով է հորինել այդ եռյակի մասին խոսակցությունները:


ՍՈՆԱ ԴԱՎԹՅԱՆ


Հավանեցի՞ր հոդվածը, կիսվիր ընկերներիդ հետ