Վեճեր, սադրանքի փորձեր եւ վստահության քվե՝ Հայաստանի Նկարիչների միությունում Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային

Իսպանական մրցույթում մեր տարածաշրջանը կներկայացնի լողափային բոդիբիլդինգի Հայաստանի բացարձակ հաղթողը

Արխիվ 12-16

ԻՍՊԱՆԱԿԱՆ ՄՐՑՈՒՅԹՈՒՄ ՄԵՐ ՏԱՐԱԾԱՇՐՋԱՆԸ ԿՆԵՐԿԱՅԱՑՆԻ ԼՈՂԱՓԱՅԻՆ ԲՈԴԻԲԻԼԴԻՆԳԻ ՀԱՅԱՍՏԱՆԻ ԲԱՑԱՐՁԱԿ ՀԱՂԹՈՂԸ

 

Հոկտեմբերին Իսպանիայում կայանալիք «Best Male and Female Model World» միջազգային մրցույթում Հայաստանը եւ մեր տարածաշրջանը կներկայացնի «Costa Blanca Fashion Week»-ի հայաստանյան նախընտրական փուլը հաղթահարած լողափային բոդիբիլդինգի Հայաստանի բացարձակ հաղթող ՎԼԱԴ ԽԱՌԱՏՅԱՆԸ:

«Իրավունքի» հետ զրույցում անդրադառնալով մրցույթին` Վ. Խաչատրյանը առաջին հերթին նշեց, որ նախընտրական փուլն այդքան էլ հեշտ չէր հաղթահարել, քանի որ մասնակիցների մեջ եղել են շատ արժանիներ.

- Ինձ համար այս մցրույթը մեծ նշանակություն ունի, որովհետեւ ներկայացնելու եմ մեր տարածաշրջանը, որի մեջ իր առանձնահատուկ եւ կարեւոր տեղն ունի մեր երկիրը: Սա արդեն իսկ պարտավորեցնող է ինձ համար: Այս մրցույթն իմ առաջին փորձն է այս բնագավառում, թեպետ այլ բնագավառներում հաջողություններ ունեցել եմ: Ինչպես գիտեք, այս տարի դարձա լողափային բոդիբիլդինգի Հայաստանի բացարձակ հաղթող եւ պատրաստվում եմ 2016 թվականին մասնակցել աշխարհի առաջնությանն ու փորձել մեր երկրի պատիվը բարձր պահել հեղինակավոր «Միստեր Օլիմպիա» մրցույթում: Հուսամ` Իսպանիայում կայանալիք մրցույթն իմ կյանքում մոդելային գործունեության սկիզբը կլինի:

- Որքանո՞վ է մոդելային արվեստը Ձեզ համար համատեղելի բոդիբիլդինգի հետ:

- Ամեն դեպքում, փորձում եմ համատեղել, որովհետեւ երկուսի դեպքում էլ մեծ տեղ է տրվում արտաքին տեսքին եւ գեղեցիկ մարմնի առկայությանը: Ի դեպ, դրանք իմ միակ զբաղմունքները չեն, մասնագիտությամբ իրավագետ եմ` չորրորդ կուրսի ուսանող, եւ շատ եմ սիրում իմ մասնագիտությունը: Այնպես որ, մոդելային արվեստը դեռեւս հոբբի է ինձ համար, քանի որ ունեմ իմ մասնագիտությունը, սակայն չեմ շտապում որոշումներ կայացնել: Ինձ թվում է` կյանքը ցույց կտա, թե ինչ կլինի ապագայում:

- Ինչպիսի՞ տրամադրվածություն ունեք ընդհանրապես իսպանական մրցույթի վերաբերյալ:

- Միանշանակ դրական եմ տրամադրված, լի եմ պատրաստակամությամբ: Իսկ առայժմ նախապատրաստական աշխատանքներ են տարվում` քրտնաջան պարապում եմ լեզուների իմացության, ինչպես նաեւ հագուստները գեղեցիկ եւ ներկայանալի ցուցադրելու վրա: Այնպես որ, հետեւողական աշխատանք է մեզ սպասվում:

- Բավական համարձակ մրցակցություն է սպասվում Ձեզ Իսպանիայում, պատրա՞ստ եք հաղթահարել դրանք, թե, այնուամենայնիվ, հայկական կարծրատիպեր կան, որոնք հնարավոր է խանգարեն մրցույթի այս կամ այն փուլում:

- Առհասարակ կարծրատիպեր չունեմ, էությամբ նպատակասլաց եմ, սիրում եմ իմ առջեւ նպատակներ դնել եւ փորձում եմ ամեն ինչ անել դրանց հասնելու համար:

- Խոսեցին Ձեր ապագա հաջողությունների մասին, բայց վերջում անդրադառնանք նաեւ Ձեր մարզական ակտիվ գործունեությանը:

- Արդեն երկար ժամանակ է, ինչ զբաղվում եմ ֆիտնեսով, եւ սա իմ ամենասիրելի զբաղմունքներից մեկն է: Եվ ոչ միայն ինքս եմ սիրում մարզվել, այլ նաեւ սիրում եմ օգնել այն մարդկանց, ովքեր ցանկություն ունեն ունենալ գեղեցիկ եւ առողջ մարմին: Նաեւ ֆիտնես մարզիչ եմ, խորհրդատու, փորձում եմ իմ գիտելիքները եւ փորձը փոխանցել այն մարդկանց, ովքեր գնահատում են առողջ ապրելակերպը:

 

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ