Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ՊԵՏԱԿԱՆ ԿԱՄԵՐԱՅԻՆ ԵՐԱԺՇՏԱԿԱՆ ԹԱՏՐՈՆԻ 27-ՐԴ ԹԱՏԵՐԱՇՐՋԱՆԸ ԿՆՇՎԻ ՎԵՐԱՆՈՐՈԳՎԱԾ ՇԵՆՔՈՒՄ

Արխիվ 12-16

ՊԵՏԱԿԱՆ ԿԱՄԵՐԱՅԻՆ ԵՐԱԺՇՏԱԿԱՆ ԹԱՏՐՈՆԻ 27-ՐԴ ԹԱՏԵՐԱՇՐՋԱՆԸ  ԿՆՇՎԻ ՎԵՐԱՆՈՐՈԳՎԱԾ ՇԵՆՔՈՒՄ


Այս տարի  Երեւանի պետական կամերային երաժշտական թատրոնն իր 27-րդ թատերաշրջանի բացումը կնշի  արդեն վերանորոգված եւ նորացված շենքում: Վերանորոգումից հետո թատրոնում իրականացվել է ջրամեկուսացման աշխատանքեր, որի շնորհիվ թարմացվել է շենքի արտաքին տեսքը: Թատրոնում եղած լուսային հին համակարգը փոխարինվել է նոր սարքավորումներով, աբողջովին վերանորոգվել է կուլիսային երկհարկանի տարածքը, ինպես նաեւ շուրջ  30 դերասանների համար ստեղծվել չորս գրիմանոցներ, փոխվել է թատրոնի ամբողջ հատակածածկը, կատարվել է բեմի, պատերի եւ մասնակիորեն առաստաղի գունային թարմացում եւ ամենակարեւորը ` հաշմանդամություն ունեցող անձանաց համար կառուցվել է մուտքերի թեքահարթակներ:

Թատրոնի տնօրեն ՎԱՐԴԱՆ ԳՐԻԳՈՐՅԱՆԸ նկատեց, որ վերանորոգումը նոր շունչ է հաղորդել թատրոնին, որը նպաստել է ոչ միայն  թատրոնի գեղարվեստական բովանդակության բարձրացմանը, այլեւ գրավիչ եւ ընկալելի է դարձրել այն.«Գաղտնիք չէ, որ որոշ ժամանակ թատրոնն իր ժանրային ուղղվածությունից բեկված էր եւ 2014 թվականի աշնանից խնդիր դրվեց , որպեսզի կրկին վերադառնանք թատրոնի ուղղվածությանը`երաժշտականան ժանրին: Փորձել ենք ամեն ինչ կազմակերպել այնպես, որ թատրոնը լիարժեք ծառայի իր նշանակությանը»,-փաստեց Վ. Գրիգորյանը:

ՀՀ մշակույթի նախարարի տեղակալ ԱՐԹՈՒՐ ՊՈՂՈՍՅԱՆԻ խոսքով`նախկինում թատրոնի վիճակը տեխնիկայի առումով ոչ բարվոք էր, ինչն էլ անդրադառնում էր նաեւ թատրոնի ստեղծագործական գործունեության վրա.«Մշակույթի նախարարության այս տարվա քաղաքական ուղղություններից մեկը եղել է թատերարվեստի նկատմամբ ուշադրության դրսեւորումը: Ոչ բարեկարգված եւ տեխնիական հնարավորություններից զուրկ թատրոնում դժվար է բեմադրել կամ հանրությանը ներկայացնել այնպիսի ներկայացումներ, որոնք կհամապատասխանեն ժամանակակից չափանիշներին: Թատրոնի վերազինման համար արդեն կատարվել  է բավականին մեծ աշխատանք`սկսած լուսային նոր սարքավորումներից մինչեւ շենքի արտաքին տեսքի թարմացում: Այս ամենը ստեղծագործական անձնակազմին տալիս է մեծ հնարավարություն իր աշխատանքը ճիշտ կազմակերպելու համար: Հուսով եմ կատարված  բոլոր փոփոխություններն կտան  իրենց դրական արդյունքը»,-նշեց Ա. Պողոսյանը եւ շնորհակալություն հայտնեց  Հայաստանի վերականգնվող էներգիայի եւ էներգախնայողության հիմնադրամին`թատրոնի վերանորոգմանն աջակցելու համար:

Պետական կամերային երաժշտական թատրոնը 27-րդ թատերաշրջանը կբացվի սեպտեմբերի 18-ին , որից հետո հայ հանդիսատեսը թատրոնի վերանորոգված եւ լուսավորված դահլիճում կարող է դիտել մեծահասակների եւ մանուկների համար բեմադրված բազմաթիվ ներկայացումներ: Վերանորոգմանը զուգահեռ,  թատրնում տեղի է ունեցել նաեւ կադրային փոփոխություն, որի արդյունքում դերասանական անձնակազմում ներգրավվել են երիտասարդ մասնագետներ: Թատրոնի գլխավոր ռեժիսոր ԱՐՄԵՆ ՄԵԼԻՔՍԵԹՅԱՆԸ նշեց, որ վերանորոգումների ընթացքում չեն դադարել աշխատել բեմադրությունների վրա: Արդեն պատրաստ է բալետային մեկ ներկայացում եւ աշխատանքներ են տարվում  մեկ մյուզիքլի բեմադրության համար.«Այս պահին աշխատում ենք նաեւ «Գիքորը» մանկական օպերայի վրա: Եթե կարողանանք մինչեւ տարվա վերջ երկու ներկայացում հանձնել հանդիսատեսի դատին , ապա այդ մեզ համար կլինի մեծ առաջընթաց: Հատուկ ընտրել եմ այնպիսի ստեղծագործություններ, որոնք թատրոնը կվերադարձնենք իր հին ուղղվածությանը»,-շեշետց Ա. Մելիքսեթյանը:


ԶՎԱՐԹ ԽԱՉԱՏՐՅԱՆ

Հավանեցի՞ր հոդվածը, կիսվիր ընկերներիդ հետ