Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ԱՐՄԵՆ ՄԱՐՏԻՐՈՍՅԱՆԸ`«ՈՉ»-Ի ՃԱԿԱՏԻ ՄԱՍԻՆ. «ԳԱՂԱՓԱՐԱԿԱՆ-ՔԱՂԱՔԱԿԱՆ ՀԵՆՔ ՈՉ ՄԻ ՏԵՂ ՉԿԱ»

Արխիվ 12-16

ԱՐՄԵՆ ՄԱՐՏԻՐՈՍՅԱՆԸ`«ՈՉ»-Ի ՃԱԿԱՏԻ ՄԱՍԻՆ.

«ԳԱՂԱՓԱՐԱԿԱՆ-ՔԱՂԱՔԱԿԱՆ ՀԵՆՔ ՈՉ ՄԻ ՏԵՂ ՉԿԱ»


 

Օրեր առաջ`սեպտեմբերի 18-ին,  «Ժառանգություն» խմբակցության ղեկավար Ռուբեն Հակոբյանը լքեց «Ժառանգությունը»կուսակցության ղեկավար Րաֆֆի Հովհաննիսյանի  հետ տարբեր մոտեցումներ ունենալու պատճառով: Հենց նույն օրը, «Ժառանգություն» խմբակցության քարտուղար Թեւան Պողոսյանը հանդիպեց ՀՀ նախագահ Սերժ Սարգսյանին Բաղրամյան 26-ում: Թե արդյոք սպասելի էր այս ամենը «Ժառանգության» համար, «Իրավունքը» փորձեց պարզել  կուսակցության առաջնորդ Րաֆֆի Հովհաննիսյանից, սակայն  վերջինս անպատասխան թողեց լրագրողների հարցերը, քանի որ վաղը երեկոյան տեղի է ունենալու կուսակցության վարչության նիստը, ապա  կատակելով ասաց. «Ես Ձեր չարը տանեմ»:

«Ժառանգություն» խմբակցության պատգամավոր Զարուհի Փոստանջյանը եւս հրաժարվեց որեւէ մեկնաբանություն տալ  Թեւան Պողոսյանի եւ ընդհանրապես «Ժառանգություն»-ում տիրող իրավիճակին: «Իրավունքը» մի քանի հարցի պատասխան փորձեց ստանալ «Ժառանգություն» կուսակցության փոխնախագահ Արմեն Մարտիրոսյանից:

- Պրն Մարտիրոսյան, օրեր առաջ «Ժառանգություն»  խմբակցության քարտուղար Թեւան Պողոսյանն ու անկախ պատգամավոր Էդմոն Մարուքյանը հանդիպեցին Սերժ Սարգսյանի հետ սահմանադրական բարեփոխումների գործընթացի համար:  Ձեզ համար սպասելի էր Թեւան Պողոսյանի Բաղրամյան 26-ում հայտնվելը:


-(Մի քանի վայրկյան լռում է-խմբ.): Դեռ որեւէ մեկնաբանություն չեմ կարող տալ մինչեւ չհանդիպեմ Թեւան Պողոսյանի հետ:


- Թեւան Պողոսյանը բազմիցս հորդորել է իր դիրքորոշումն ընդունել  որպես քաղաքացի ու պատգամավոր Թեւան Պողոսյանի դիրքորոշում:  ա Ձեզ համար  բավարա՞ր չէ:

- Նորից եմ կրկնում, երբ իր հետ հանդիպեմ, զրուցեմ,  նոր միայն մեկնաբանություն կտամ:


-Ձեզ համար անսպասելի՞ էր Ռուբեն հակոբյանի «Ժառանգությունից» դուրս գալը:


- Կուսակցության մամլո խոսնակ Դավիթ Սանասարյանը հայտարարություն արել է: Ես ավելացնելու ոչինչ չունեմ:

 

- Սահմանադրական բարեփոխումների դեմ «Ոչ»-ի ճակատն ինչպե ս է պատկերացնում իր հետագա քայլերը, միասնական օրակարգ ունի ճակատը:


- Կարծում եմ` միասնական պետք է լինի պայքարը: Ճիշտ է, այս պահին կարծեք երկու թեւ գոյություն ունի «Ոչ»-ի հետ կապված, որոնց տակտիկաներն են մի քիչ տարբեր, բայց երկուսն էլ խնդիրը իշխանափոխության մեջ են տեսնում: Միասնական պայքարի շնորհիվ կարող ենք հաջողության հասնել, բայց ժողովրդի ակտիվ մասնակցությամբ:


- ՀՅԴ խմբակցության ղեկավար Արմեն Ռուստամյանը «Իրավունքի»  հետ զրույցում ասել է, որ «Ոչ»-ի ճակատը ո՛չ գաղափարական, ո՛չ քաղաքական հետք, հետեւաբար հաջողության չի հասնելու:


- Ես ուրախ եմ, որ նրանք իշխանության հետ ունեն հզոր գաղափարական հենք, այդ ուղղությամբ առաջ են շարժվում: Եթե նայենք մեր պատմության վերջին ժամանակահատվածին, գաղափարական որեւէ միասնություն չի եղել, որովհետեւ գաղափարական պայքար էլ չի եղել: Հայաստանում մեկ պայքար կա` կեղծված ընտրություններով իշխանության փոփոխությունը եւ իսկապես ազատ ընտրություն անցկացնելը: Եթե տարրական ճշմարտությունը որեւէ գաղափարախոսություն չի ենթադրում: Միայն քաղաքական մրցակցային պայքարում է հնարավոր ինչ-որ գաղափարներ առաջ տանել: Իշխանության  ներսում անգամ չկա գաղափարական միասնություն: Մինչեւ հիմա տեսել ենք կոալիցիաներ, որտեղ տարբեր գաղափարախոսություն ունեցողներ են մասնակցել, այդ թվում` սոցիալիստներ, որոնք  շատ մեծ սիրով սեփականության գործընթացին կողմ են քվեարկել:


-Դաշնակների՞ն նկատի ունեք:


- Ընդհանրապես:Կամ տեսել ենք ազատականների, որոնք մեծ սիրով վերականգնել են ֆեոդալիզմը:


- Ինքնախոստովանանքի նման են  հնչում Ձեր խոսքերը: Փաստորեն, ընդունում եք, որ  «Ոչ»-ի ճակատը  գաղափարական ու քաղաքական հենք չունի:


- Ինքնախոստովանանք չէ, այլ փաստացի իրավիճակ: Ես  հանցագործություն չեմ արել, որ ինքնախոստովանական ցուցմունք տամ: Որեւէ տեղ չկա այդ գաղափարական ու քաղաքական հենքը: Միակ նպատակային կետն իշխանությունների փոփոխությունն է, լեգիտիմ իշխանության հաստատումը:


- Տպավորությունն այնպիսին է, որ  «Ոչ»-ի անձնական ամբիցիաների վրա է հիմնված:


- Բացարձակ նման բան չկա: Օրինակ, իմ անձնական ամբիցիան որն է:


- Դուք հավանաբար չունեք, բայց Րաֆֆի Հովհաննիսյանն ու Լեւոն Տեր-Պետրոսյանն այլեւս չեն կարող  2018-ին  պայքարել ՀՀ նախագահի աթոռի համար, եթե ժողովուրդն «այո» ասի սահմանադրականա բարեփոխումներին:


- Եթե իրենց խնդիրը միայն դա լիներ, մենք  ի՞նչ գործ ունեիք «Ոչ»-ի ճակատում: Խնդիրը մեր երկրում ընտրված իշխանություն ունենալն է:


- Խորհրդարանում Ալեքսանդր Արզումանյանը հիշեցրեց, որ «Ժառանգություն» կուսակցության ծրագրում 2012-ին  որպես դրույթ ամրագրված էր անցումը խորհրդարանական համակարգի…


-Լավ է, որ Ալեքսանդր Արզումանյանը հղում է անում «Ուխտ նոր Հայաստանի» փաստաթղթին, բայց թող հղում անի ամբողջությամբ:

-Ի՞նչ առումով:


-Ինքը գիտի` ինչ առումով:


- Դե դուք հիշեցրեք:


- Ես չեմ հիշեցնի, միեւնույն ժամանակ կարծում եմ, որ Ալեքսանդր Արզումանյանն այնքան փորձված քաղաքական գործիչ է, որ կեղծ տրաֆարետային  ձեւակերպումը տարբերում է  բովանդակային փոփոխությունից:


- Նոր սահմանադրությամբ ընդդիմությանը տրվում են լայն հնարավորություններ: Օրինակ, ԱԺ փոխնախագահը կարող է լինել ընդդիմադիր:


- Ոչ մի հնարավորություն էլ չեն տալիս: Էդ պաշտոնը կարող են իրենց պահել, պապեպապ փոխանցել, եթե դա այդքան մեծ առավելություն է: Ես որպես ընդդիմության ներկայացուցիչ ասում եմ, որ դա  թող եւս իրենցը լինի: Եթե այսքանն իրենցն է, թող դա էլ իրենցը լինի: Վերահսկողական լծակներն ու արարողակարգային պաշտոնները պետք է իրարից տարբերել:


- Քանի որ  «Ուխտ նոր Հայաստանի» փաստաթղթի մասին խոսեցիք, ընդունո՞ւմ եք Ձեր գործընկերոջ Զարուհի Փոստանջյանի այն դիտարկումը, որ Ռուբեն Հակոբյանը դրժել է «Ուխտ նոր Հայաստանի» փաստաթուղթը:


- Ռուբեն Հակոբյանի հետ կապված մեր մամլո խոսնակը հայտարարություն է արել, ես ավելացնելու ոչինչ չունեմ:


ՍՈՆԱ ԴԱՎԹՅԱՆ

 

 

Հավանեցի՞ր հոդվածը, կիսվիր ընկերներիդ հետ